14-Jun-2026

ବରପାଲି (ସୁଦାମ ଦୀପ)
ବରପାଲି ର ୧୪୯ ତମ ଶୀତଳ ଷଷ୍ଠୀ ଯାତ୍ରା ଆଉ ମାତ୍ର କିଛି ଘଣ୍ଟା ପରେ ଆରମ୍ଭ ହେବ । 
ଯାତ୍ରା ର ଉଭୟ ବରପକ୍ଷ ଓ କନ୍ୟା ପକ୍ଷ ର ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ସମସ୍ତ  ଙ୍କ ଅପେକ୍ଷା ବାବା କପିଳେଶ୍ୱର ଓ ମାତା ପାର୍ବତୀ କେତେ ବେଳେ ମନ୍ଦିର ରୁ ବାହାରି ଯାତ୍ରା ମଣ୍ଡପ କୁ ଆସିବେ । ସୋମବାର ଅପରାହ୍ନ ରେ ଦେବ ଦମ୍ପତ୍ତି ଙ୍କୁ ଏକ ଶୋଭାଯାତ୍ରା ରେ ମନ୍ଦିର ରୁ ଆଣି ନଗର ପରିକ୍ରମା କରି ରାଜ ବାଟି ସ୍ଥିତ ଭଣ୍ଡାର ଗୃହରେ ସ୍ଥାପନ କରାଯିବ । ଚଳିତ ବର୍ଷ ଯାତ୍ରା ମଣ୍ଡପ ବା ଭଣ୍ଡାର ଗୃହ କୁ ବିଗତ ବର୍ଷ ମାନଙ୍କ ଅପେକ୍ଷା ଅଧିକ ସୁନ୍ଦର ଓ ଆକର୍ଷଣୀୟ ତୋରଣ ରେ ସଜ୍ଜିତ କରାଯାଇଛି । 
ଅନ୍ୟ ପକ୍ଷରେ ବରପାଲି ର ନୂଆପଡ଼ା ର ଶୈବ ଭକ୍ତ ଗଣ କନ୍ୟା ପକ୍ଷ ଦାୟିତ୍ୱ ନିର୍ବାହ କରୁଛନ୍ତି। ଜାତୀୟ ରାଜପଥ ନିକଟରେ ଷ୍ଟେଟ୍ ବ୍ୟାଙ୍କ ସମ୍ମୁଖ ରେ ଅଯୋଧ୍ୟା ରାମ ମନ୍ଦିର ଢାଞ୍ଚା ରେ ବିରାଟ ଓ ସୁଦୃଶ୍ୟ ତୋରଣ ନିର୍ମାଣ କରାଯାଇଛି । ଚଳିତ ବର୍ଷ ଶିବୁ ଅଗ୍ରୱାଲ ଓ ତାଙ୍କ ପତ୍ନୀ ଗାୟତ୍ରୀ ଦେବୀ ଅଗ୍ରୱାଲ ଜଗତ ଜନନୀ ମାତା ପାର୍ବତୀ ଙ୍କୁ କନ୍ୟା ଭାବରେ ପାଇ ବହୁତ୍ ଭାଗ୍ୟବାନ ମନେ କରି ବହୁତ୍ ଖୁସି ଥିବା ଜଣା ପଡୁଛି । କାରଣ ତାଙ୍କ ଜନ୍ମିତ କନ୍ୟା ସନ୍ତାନ ନାହାନ୍ତି । ବିବାହ ରେ କନ୍ୟାର ନିତ୍ୟ ବ୍ୟବହାର ସାମଗ୍ରୀ ସହିତ ସ୍ୱର୍ଣ୍ଣ ଅଳଙ୍କାର ମଧ୍ୟ ଉପହାର ଦେବା ପାଇଁ ପ୍ରସ୍ତୁତ କରିଛନ୍ତି । ଚଳିତ ବର୍ଷ ଉଭୟ ବରପକ୍ଷ ଓ କନ୍ୟା ପକ୍ଷ ଙ୍କ ଉଦ୍ୟମ ରେ ଶୀତଳ ଷଷ୍ଠୀ ଯାତ୍ରା ନିଶ୍ଚିତ ଆକର୍ଷଣୀୟ ହେବ । କେବଳ ପାଗ ଅନୁକୂଳ ରହିଲେ ଭକ୍ତ ଗଣ ଯାତ୍ରା ର ମଜା ନେଇ ପାରିବେ।