09-Jun-2026

ଲୋଇସିଂହା, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ନିର୍ବାଚନ ମଣ୍ଡଳୀ ର ବିଜେଡି ଦଳ ତରଫରୁ ଅଗ୍ରେସନ ଭଵନ ଠାରେ ନାରୀ ଅଧିକାର ଅଭିଯାନ କାର୍ଯ୍ୟକ୍ରମ ପୂର୍ବତନ ବ୍ଲକ ସଭାପତି ପ୍ରମୋଦ ମିଶ୍ର ଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇ ଯାଇଅଛି। ଏହି ପରିପ୍ରେକ୍ଷୀରେ ଏକ ସଭାର ଆହୋଜନ କରା ଯାଇଥିଲା। ପ୍ରଥମେ ମା ସମଲେଶ୍ଵରୀ ଓ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଫଟୋ ଚିତ୍ରରେ ଦୀପ ପ୍ରଜ୍ଜ୍ୱଳନ ଓ ମାଲ୍ୟାର୍ପଣ କରିଥିଲେ। ତା ପରେ ସମସ୍ତ ଅତିଥି ମାନଙ୍କୁ ସମ୍ବର୍ଦ୍ଧିତ କରା ଯାଇଥିଲା। ମହିଳା ମାନଙ୍କୁ 33% ସଂରକ୍ଷଣ ଦେବାରେ ସରକାର ର ବିଫଳତା କୁ ନେଇ ଅତିଥି ମାନେ ନିଜ ନିଜ ମନ୍ତବ୍ୟ ରେ ପ୍ରକାଶ କରିଥିଲେ। ବିଯେପି ସରକାର ର ବିଫଳତା କୁ ନେଇ ବିଜେଡ଼ି କର୍ମୀ ମାନେ ରାଜ ରାସ୍ତାରେ ଗର୍ଜିଥିଲେ। ବିଶେଷ କରି ଭତ୍ତା, ରାସନ୍ କାର୍ଡ, ମାଗଣା ବିଜୁଳି, ସୁଭଦ୍ରା ଯୋଜନା, ଧାନ ମଣ୍ଡି ସମସ୍ୟା କୁ ନେଇ ନେତା ମାନେ ସରକାର ଙ୍କ ଉପରେ ବର୍ଷିଥିଲେ। ପରେ ଏକ ଶୋଭାଯାତ୍ରା ବାହାରିଥିଲା l ଏହି ଶୋଭାଯାତ୍ରା ଉଗ୍ରେସନ ଭବନ ରୁ ବାହାରି ବ୍ଲକ୍ କାର୍ଯ୍ୟାଳୟ ରେ ପହଂଚି ଥିଲା। ଶତାଧିକ ସଂଖ୍ୟାରେ ମହିଳା ଓ ପୁରୁଷ କର୍ମୀ ରାଲି ରେ ସାମିଲ ହୋଇ ସରକାର ବିରୋଧୀ ନାରାବାଜି କରି ବିଭିନ୍ନ ସ୍ଲୋଗାନ ଦେଇଥିଲେ।ବ୍ଲକ କାର୍ଯ୍ୟାଳୟ ରେ ପହଂଚି ରାଜ୍ୟପାଳ ଙ୍କ ଉଦ୍ଦେଶ୍ୟ ରେ ବିଡ଼ିଓ ଶ୍ରୀ ଅକ୍ଷୟପାଣି ଉଡ୍ଡୁ ଙ୍କୁ ଏକ ଦାବିପତ୍ର ପ୍ରଦାନ କରିଥିଲେ l ଉକ୍ତ କାର୍ଯ୍ୟକ୍ରମ ରେ ଲୋଇସିଂହା ନିର୍ବାଚନ ମଣ୍ଡଳୀ ବିଜେଡି ବିଧାୟକ ପ୍ରାର୍ଥୀ ନିହାରରଞ୍ଜନ ବେହେରା, ଜିଲ୍ଲା ପରିଷଦ ଅଧ୍ୟକ୍ଷା ଦେବକୀ ସାହୁ, ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ପୁଇଁତଲା ବ୍ଲକ ଅଧ୍ୟକ୍ଷ ସରୋଜ ପଧାନ, ବ୍ଲକ ସଭାପତି ବିଷ୍ଣୁ ପଟେଲ, ବ୍ଲକ ସଭାପତି ଉତ୍ତମ ଭୋଇ, ଜିଲ୍ଲା ପରିଷଦ ସଭ୍ୟା ବୀଣାପାଣି ଦାସ, ସଂଯୁକ୍ତା ବରିହା, ଜିଲ୍ଲା ମହିଳା ବିଜେଡି ସଭାପତି ଗୀତା ବିଶି, ସାଧାରଣ ସମ୍ପାଦକ ଗୋବର୍ଧନ ସାହୁ, ବିଜୟ ଦାସ l

ମହିଳା ଙ୍କ ସ୍ୱାଭିମାନ ଓ ଅଭିମାନ ଉପରେ କୋଠାରଘାତ, ଓଡିଶା ରେ ମହିଳା ମାନଙ୍କ ପ୍ରତି 2025 ମସିହାରେ ଘଟିଥିବା ଧର୍ଷଣ ଓ ଅପହରଣ ର ଲମ୍ବା ତାଲିକା ଉପରେ ଅତିଥି ମାନେ ମତ ପ୍ରକାଶ କରିଥିଲେ l ବିଜେଡି ସରକାର ସମୟରେ ଗାଁ କୁ କାମ ମା କୁ ସମ୍ମାନ ଦେଉଥିବା ବେଳେ ବର୍ତମାନ ସରକାର ଙ୍କ ସମୟର ପେଟ୍ରୋଲ, ଗ୍ୟାସ ଓ ଡିଜେଲ ସହ ଖାଦ୍ୟ ସାମଗ୍ରୀ ବୃଦ୍ଧି କୁ ନେଇ ପ୍ରତିବାଦ କରିଥିଲେ। l ମହିଳା ସଂରକ୍ଷଣ, ମହିଳା ନିର୍ଯାତନା, ଛାତ୍ରଛାତ୍ରୀ ଓ ସାଧାରଣ ଲୋକେ ହଇରାଣ ତଥା ଆଇନଶୃଙ୍ଖଳା ବିପର୍ଯ୍ୟସ୍ତ କୁ ନେଇ ମଧ୍ୟ ବିଶେଷ ଆଲୋଚନା ହୋଇଥିଲା l ଅନ୍ୟ ମାନଙ୍କ ମଧ୍ୟରେ ନାରାୟଣ ସାହୁ ଟିବୁଲୁ କଦମ, ପ୍ରକାଶ ମହାରଣା ସମେତ ଅନେକ ବିଜେଡି କର୍ମୀ ସହଯୋଗ କରିଥିଲେ l