20-May-2026

ଅନଗୁଳ(ପ୍ରେରଣା ଖବର):  କଣିହାଁ ରେଙ୍ଗାଳି ଥାନା ଅଂଚଳ ର ରାସ୍ତା କଡ଼ରେ ଝୁଲୁଥିଲା ଯୁବତୀଙ୍କ ମୃତଦେହ।କେହି ହତ୍ୟା କରି ଗଛରେ ଝୁଲାଇ ଦେଇଥିବା ସନ୍ଦେହ । ଅନୁଗୁଳ ଜିଲ୍ଲା କଣିହାଁ ବ୍ଲକ୍ ରେଙ୍ଗାଳି ଥାନା NH 53 କଡ଼ ଚେକ୍ ଗେଟ୍ ନିକଟରେ ଝୁଲନ୍ତା ଅବସ୍ଥାରେ ଯୁବତୀଙ୍କ ମୃତ ଦେହ ଠାବ ହୋଇଥିଲା।  ଯୁବତୀଙ୍କ ଜଣକ ଦେବଗଡ଼ ଜିଲ୍ଲା କୁଣ୍ଢେଇଗୋଲା ଥାନା ମାଝୀ ନୂଆପଡ଼ା ଗାଁର ରୋଜାଲିନ ମାଝୀ ବୋଲି ଜଣାପଡ଼ିଛି। ତେବେ ସେ ଗତକାଲି ସନ୍ଧ୍ୟା ୫ ଟା ରେ ଜଣେ ପୁରୁଷ ବନ୍ଧୁ ଙ୍କ ସହ ବସ୍ ରେ ଦେବଗଡ଼ ରୁ ରେଙ୍ଗାଳି ଅଭିମୁଖେ ଆସିଥିଲେ। କିନ୍ତୁ ଆଜି ତାଙ୍କ ର ରାସ୍ତା କଡ଼ରେ ଝୁଲନ୍ତା ମୃତଦେହ ମିଳିଥିଲା। ତେବେ ଏ ନେଇ ସକାଳେ  ଘଟଣାସ୍ଥଳ ରେ ମାଜିଷ୍ଟ୍ରେଟ ଭାବେ କଣିହାଁ ଅତିରିକ୍ତ ତହସିଲଦାର ମନୋରଞ୍ଜନ ଜେନା, ପାଲଲହଡା ଏସଡ଼ିପିଓ କୈଳାଶ ସେଠି,  ରେଙ୍ଗାଳି ଆଇଆଇସି ଚଞ୍ଚଳା ନାୟକଙ୍କ ସହ ପୋଲିସ ଓ ସାଇଣ୍ଟିଫିକ୍ ଟିମ୍ ତଦନ୍ତ କରିଥିଲେ ମଧ୍ୟ ଏଯାବତ୍ ହତ୍ୟାର କାରଣ ମିଳିପାରି ନାହିଁ। ସୂଚନା ମୁତାବକ ରୋଜାଲିନ ବହୁ ଦିନ ହେବ ଘର ଛାଡି ତାଙ୍କ ପୁରୁଷ ବନ୍ଧୁ ଙ୍କ ସହିତ ବାରକୋଟ ଅଞ୍ଚଳରେ ରହୁଥିଲେ। ବିଶେଷ ସୂତ୍ର ର ଖବର ଅନୁଯାୟୀ କିଛି ଦିନ ତଳେ ତାଙ୍କ ପୁରୁଷ ବନ୍ଧୁ ଓ ତାଙ୍କ କିଛି ସାଙ୍ଗ ମିଶି ରୋଜାଲିନ ଙ୍କ ମାଆ ଙ୍କୁ ମଧ୍ୟ ଘରୁ ଜୋର୍ ଜବରଦସ୍ତ ଉଠାଇ ନେବାକୁ ଉଦ୍ୟମ କରିଥିଲେ। କିନ୍ତୁ ଆଜି ହଠାତ୍ ରାସ୍ତା କଡ଼ରୁ ସନ୍ଦେହ ଜନକ ଅବସ୍ଥାରେ ତାଙ୍କ ମୃତ ଦେହ ଗଛରେ ଝୁଲୁଥିବା ଦେଖିବାକୁ ମିଳିଥିଲା । ଯାହାର ପାରିପାର୍ଶ୍ୱିକ ପରିବେଶ ରୁ ତାଙ୍କୁ କେହି ହତ୍ୟା ନା ଆତ୍ମହତ୍ୟା କରିଥିବା  ନେଇ ସନ୍ଦେହ ଭାବେ ଜଣା ପଡୁଥିବା ବେଳେ ରେଙ୍ଗାଳି ପୋଲିସ କିନ୍ତୁ ଏହାକୁ ପ୍ରାଥମିକ ଭାବେ ଶବ ଜବତ କରି ଅପମୂର୍ତ୍ତ ମାମଲା ରୁଜୁ କରି  ଅନୁଗୁଳ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ର କୁ ଶଵ ବ୍ୟବଛେଦ ପାଇଁ ପଠାଇ ଦେଇଛି।  ଘଟଣା ସମ୍ପର୍କ ରେ ରେଙ୍ଗାଳି ଏସଡ଼ିପିଓ ଶ୍ରୀ ସେଠି ଙ୍କୁ ଯୋଗାଯୋଗ କରିବାରୁ  କହିଥିଲେ ଯେ ମୂର୍ତ କୁ ନେଇ ଶବ ଚି଼ହ୍ନଟ ହୋଇଛି। ଯୁବତୀ ମୁତ୍ୟୁ ର ବ୍ୟବଛେଦ ରିପୋର୍ଟ ଆସିଲା ପରେ ସତ୍ୟାସତ୍ୟ କାରଣ ଜଣା ପଡି ବୋଲି ପ୍ରକାଶ କରିଥିଲେ। ଏ ନେଇ ରେଙ୍ଗାଳି ଅଂଚଳରେ ଲଗାତାର ଦୁଇ ଜଣଙ୍କର ସନ୍ଦେହ ଜଣକ ମୁର୍ତ୍ୟୁ ଘଟଣା ଯୋଗୁଁ ଆଇନ ଶୃଖଳା ଓ ରାତ୍ରି ପୋଲିସ ପେଟ୍ରୋଲିଂ ଅଭାବ ନେଇ ବୁଦ୍ଧିଜୀବୀ ମହଲ ରେ ଘୋର ନିଦା ପ୍ରକାଶ କରିଛନ୍ତି।