19-May-2026

 ମୁଖ୍ଯ ଅଭିଯୁକ୍ତ ଓ ଅନ୍ଯ ଅଭିଯୁକ୍ତ ମାନଙ୍କୁ ଧରିବାରେ ପୋଲିସ ର ତନାଘନା

ବରଗଡ(ପ୍ରେରଣା ଖବର): ଭାରତୀୟ ଜନତା ପାର୍ଟି ପଦ୍ମପୁର ନିର୍ବାଚନ ମଣ୍ଡଳୀର ସୋସିଆଲ ମିଡିଆର ସଂଯୋଜକ ନିଳାଞ୍ଚଳ ଦରୁଆନଙ୍କୁ ମେ ୬ ତାରିଖ ମଧ୍ଯ ରାତ୍ରରେ କିଛି ଦୁର୍ବୃତ୍ତ ତାଙ୍କ ଘରକୁ ଆସି ତାଙ୍କୁ ଘର ଭିତରୁ ଯୋର ଜବରଦସ୍ତ ଉଠାଇ ଆଣି ଏକ ସ୍କୋପିଓ ଗାଡିରେ ସିଧା ବଲାଙ୍ଗୀର ଜିଲ୍ଲା ନଆଁଗା ଜଙ୍ଗଲ କୁ ନେଇ ବନ୍ଧୁରେ ଭୟଭୀତ କରିବା ସହ ଲାଠି ଓ ବାଡିରେ ପ୍ରବଳ ମାଡ଼ ମାରି ଜଙ୍ଗଲ ଭିତରେ ଛାଡି ଦେଇଥିଲେ ଓ ଭବିଷ୍ୟତରେ ବିଜେଡି ବିରୋଧ ରେ ଲେଖିଲେ ଜୀବନରେ ମାରିଦେବାର ଧମକ ଦେଇ ଚାଲିଯାଇଥିଲେ । କିଛି ଲୋକ ସକାଳେ ନିଳାଞ୍ଚଳ କୁ ଉଦ୍ଧାର କରି ତାଙ୍କ ଘରେ ଆଣି ଛାଡିଥିଲେ । ଶ୍ରୀ ନିଳାଞ୍ଚଳ ନିଜ ଗ୍ରାମ ସାରଙ୍ଗପୁର ର ବିଜେପି

କାର୍ଯ୍ଯକର୍ତ୍ତାଙ୍କ ସହ ମିଶି ମେଲଛାମୁଣ୍ତା ଥାନାରେ ମେ ୭ ତାରିଖ ଦିନ ଲିଖିତ ଅଭିଯୋଗ କରିଥିଲେ । ରିପୋର୍ଟ ପାଇବା ପରେ ବରଗଡ ଏସପି ଙ୍କ ନିର୍ଦ୍ଦେଶ କ୍ରମେ ପଦ୍ମପୁର ଏସଡିପିଓ ଶ୍ରୀ ପାଣ୍ଡବ ଶବର ଘଟଣାର ତନାଘନା ତଦନ୍ତ କରି ଏହି ଘଟଣାରେ ସଂପୃକ୍ତ ୨ ଅଭିଯୁକ୍ତ ବରଗଡ ବିଶିପଡାର ଶ୍ରୀ ଆଜାଦ୍ ସାଦରିଆ ଓ ବରପାଲି ମିର୍ଦ୍ଧାପାଲି ର ସୁବାଷ ମିର୍ଦ୍ଧା ଙ୍କୁ ଗିରଫ କରି ଭାରତୀୟ ନ୍ଯାୟ ସଂହିତାର ଧାରା ୨୯୪, ୩୫ (୨) ୭୪,୪୦(୪),୧୧୫(୨),୩(୫) ଅନୁଯାୟୀ ସୋହେଲା କୋର୍ଟ ଚାଲାଣ କରାଯାଇଛି । ଜାମିନ ନାମଞ୍ଜୁର ହେବାରୁ ବର୍ତ୍ତମାନ ସେମାନେ ସୋହେଲା ଜେଲରେ ଅଛନ୍ତି। ମୁଖ୍ଯ ଅଭିଯୁକ୍ତ ଓ ଅନ୍ଯ ଅଭିଯୁକ୍ତ ମାନେ ଫେରାର ଥିବା ପୋଲିସ ସୂଚନା ଦେବା ସହ ତୁରନ୍ତ ବ୍ଯବହୃତ ସ୍କୋପିଓ ଗାଡି ସହ ସମସ୍ତ ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ପୋଲିସ ସୂଚନା ଦେଇଛି । ମୁଖ୍ୟମନ୍ତ୍ରୀଙ୍କ କାର୍ଯ୍ଯାଳୟ ଏ ଘଟଣା ତଦାରଖ କରୁଥିବା ସୂଚନା ମିଳିଛି ।