14-May-2026

ବିନିକା(ହିମାଂଶୁ ଶେଖର ପୁଟେଲ) ପୁଣି ବିନିକା ପୋଲିସକୁ ଏକ ବଡ ସଫଳତା ମିଳିଛି ।ସୁବର୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ବିଶାଲପାଲି ଛକ ନିକଟରେ ଏକ ବଲେରୋ ଗାଡ଼ିରୁ ବ୍ୟାପକ ପରିମାଣରେ ଗଞ୍ଜେଇ ଜବତ କରିଛି ପୋଲିସ। ଗୁଇନ୍ଦା ସୂଚନା ଆଧାରରେ ଚଢ଼ାଉ କରି ପୋଲିସ ଏକ ବୋଲେରୋ ଗାଡ଼ିOD 16 C 3337 ରୁ 152 ପକେଟରୁ 152.600ଗଞ୍ଜେଇ ଜବତ କରିଛି।
ଏହି ମାମଲାରେ ମୋଟ ୪ଜଣ ଅଭିଯୁକ୍ତ ବିକି ଓରାମ,ବିପିନ ଭୋଇ,ପୋରୋସ୍ତମ  ମାଝୀ, ପ୍ରସାନ୍ତ ଝଙ୍କାରଙ୍କୁ ଗିରଫ କରାଯାଇଛି । ପ୍ରଥମେ ୨ଜଣଙ୍କୁ ଗାଡ଼ିରୁ ଅଟକ ରଖାଯାଇଥିଲା। ପରେ ତଦନ୍ତ ପରେ ଆଉ ୨ଜଣଙ୍କୁ ସଂଦେହ କରି ଗିରଫ କରାଯାଇଛି।ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି l ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ କରୁଛି। ଏହି ଗଞ୍ଜେଇ କେଉଁଠୁ ଆସିଥିଲା ଏବଂ କେଉଁଠିକୁ ଚାଲାଣ ହେଉଥିଲା, ସେ ନେଇ ପୋଲିସ ଖୋଳତାଡ଼ କରୁଛି।ବିନିକା ପୋଲିସର ଏହି ଚଢ଼ାଉ ଜିଲ୍ଲାରେ ନିଶା କାରବାର ବିରୋଧରେ ଏକ ବଡ଼ କାର୍ଯ୍ୟାନୁଷ୍ଠାନ ବୋଲି କୁହାଯାଉଛି।