08-May-2026

ନବରଙ୍ଗପୁର(ପ୍ରିୟଦର୍ଶିନୀ ପାତ୍ର)
ଡାବୁଗାଁ ଭୈରବ ଡିଗ୍ରୀ ମହାବିଦ୍ୟାଳୟ ର ଛାତ୍ରୀ ଭୁବନେଶ୍ୱରୀ ନାୟକ ସିକ୍କିମ ର ଦମଥାଙ୍ଗ ଠାରେ ଅନୁଷ୍ଠିତ ହୋଇଥୁବା ଜାତୀୟ ପର୍ବତାରୋହଣ ପ୍ରଶିକ୍ଷଣ ଶିବିରରେ ୫ କିମି କ୍ରସ କନ୍‌ଟ୍ରି ଦୌଡ ପ୍ରତିଯୋଗୀତା ଓ ପର୍ବତାରୋହଣ ପ୍ରତିଯୋଗିତାରେ ଭାଗ ନେଇ ତୃତୀୟ ସ୍ଥାନ ହାସଲ କରିବା ସହ ଦୁଇଟି ରୌପ୍ୟ ପଦକ ହାସଲ କରି ଜିଲ୍ଲା କୁ ଗୌରବାନ୍ବିତ କରିଛନ୍ତି। ଭୁବନେଶ୍ୱରୀ ନାୟକ ଜାତୀୟ ଏନସିସି ପର୍ବତାରୋହଣ ଶିକ୍ଷା ପାଇଁ ଜିଲ୍ଲା ସ୍ତରରେ ଚୟନ ପରେ ସିକ୍କିମ ରାଜ୍ୟର ଦମଥାଙ୍ଗରେ ଥୁବା ଇଣ୍ଡିଆନ ହିମାଳୟନ ସେଣ୍ଟର ଫର ଆଡଭେଞ୍ଚର ଓ ଇକୋ ଟୁରିଜିମ୍‌ରେ ଭାଗ ନେଇଥିଲେ। ସେଠାରେ ଜାତୀୟ ଏନସିସି ପର୍ବତାରୋହଣ ଶିକ୍ଷା ରେ ଭାଗ ନେଇ ୫ କିମି କ୍ରସ କଣ୍ଟ୍ରି ଦୌଡ ପ୍ରତିଯୋଗୀତା ରେ ତୃତୀୟ ସ୍ଥାନ ହାସଲ କରି ରୌପ୍ୟ ପଦକ ପାଇଥିଲେ। ସେହିପରି କଠିନ ପର୍ବତାରୋହଣ ପ୍ରତିଯୋଗିତା ରେ ତୃତୀୟ ସ୍ଥାନ ହାସଲ କରି ରୌପ୍ୟ ପଦକ ହାସଲ କରିଥିଲେ। ଦେଶର ବିଭିନ୍ନ ପ୍ରାନ୍ତରୁ
ହାସଲ ପ୍ରଶିକ୍ଷଣ ନେବା ପାଇଁ ଜାତୀୟ ଏନସିସି ପ୍ରଶିକ୍ଷଣ ଶିବିରରେ ଭାଗ ନେଇଥିବା ବେଳେ ଓଡିଶା ରାୟଗଡା ଜିଲ୍ଲାରୁ ୨ ଜଣ ଓ ନବରଙ୍ଗପୁର ଜିଲ୍ଲାରୁ ଭୁବନେଶ୍ବରୀ ପ୍ରତିନିଧିତ୍ବ କରି ଏହି କୃତିତ୍ବ ହାସଲ କରିଛନ୍ତି । ଏପ୍ରିଲ ମାସ ୮  ତାରିଖରୁ ୨୮ ତାରିଖ ପର୍ଯ୍ୟନ୍ତ ୨୦ ଦିନ ଧରି ଏହି ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା। ଡାବୁଗାଁ ଭୈରବ ଡିଗ୍ରୀ ମହାବିଦ୍ୟାଳୟ ର ଛାତ୍ରୀ ଭୁବନେଶ୍ବରୀ ନାୟକ ଯୁକ୍ତ ୩ ତୃତୀୟ ବର୍ଷର ଛାତ୍ରୀ ହୋଇଥିବା ବେଳେ ସେ ବ୍ଲକର ଜୁନାପାଣି ପଞ୍ଚାୟତର କାମତା ଗ୍ରାମର ବାସିନ୍ଦା।ଏଥ୍ ପୂର୍ବରୁ ଭୁବନେଶ୍ବରୀ ଦାର୍ଜିଲିଂ ରେ ୨୦୨୫ ନଭେମ୍ବର ୧୭ ରୁ ଡିସେମ୍ବର ୧୭ ତାରିଖ ପର୍ଯ୍ୟନ୍ତ ପ୍ରଶିକ୍ଷଣ ନେଇଥିଲେ । ତାଙ୍କର ଏହି ସଫଳତା ପରେ ଭୈରବ ଡିଗ୍ରୀ ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା, ବୁଦ୍ଧିଜୀବୀ ଓ ସ୍ଥାନୀୟ ଅଞ୍ଚଳବାସୀ ଭୂୟସୀ ପ୍ରଶଂସା କରିବା ସହ ଉନ୍ନତି କାମନା କରିଛନ୍ତି।