08-May-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ଏନଏସି ଅଧିନ ଡଭଲା ଗ୍ରାମରେ ଅଷ୍ଟ ପ୍ରହରୀ ନାମଯଜ୍ଞ ପାଇଁ ବିରାଟ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଅଛି l ଗ୍ରାମବାସୀଙ୍କ ମିଳିତ ଆନୁକୁଲ୍ୟରେ ଆୟୋଜିତ ଏହି କଳସ ଶୋଭାଯାତ୍ରାରେ ଘଣ୍ଟ, ଘଣ୍ଟି,ଦୁଲ ଦୁଲିର ତାଳେ ତାଳେ ସଂସ୍କୃତିକ କାର୍ଯ୍ୟକ୍ରମ ବେଶ ଆକର୍ଷଣ ହୋଇଥିଲା । ଶୋଭାଯାତ୍ରାରେ ଶତାଧିକ ମହିଳା ଓ ପୁରୁଷ ସାମିଲ ହୋଇ ପାଣି ଆଣିବା ପାଇଁ ବିନିକା ସିଟି ପୁଲିସ ଷ୍ଟେସନ୍  ନଦୀ ଘାଟକୁ ଯାଇଥିଲେ l ସେଠାରେ ଗଙ୍ଗାମାତାଙ୍କୁ ଆବାହନ ପୂର୍ବକ ପୂଜାର୍ଚ୍ଚନା ପରେ ମହିଳା ଭକ୍ତ ମାନେ ପୂର୍ଣ୍ଣ କଲସରେ ପାଣି ଆଣି ସହର ପରିକ୍ରମା କରି ନୂଆବଜାର,କଲେଜ ଛକ୍ ଦେଇ ଡ଼ଭଲା ଗ୍ରାମକୁ ପହଞ୍ଚିବା ପରେ ନାମଯଜ୍ଞ ସ୍ଥଳରେ କଳସ ସ୍ଥାପନ କରିଥିଲ l   ରାମପ୍ରସାଦ ମିଶ୍ର, ଧ୍ରୁବଚରଣ ପୂରହିତ,ଗଣେଶ୍ୱର ନାଏକ,ସର୍ଜନ ନାୟକ ପୂଜାକାର୍ଯ୍ୟ ସମ୍ପାଦନ କରିଥିବା ବେଳେ କର୍ତ୍ତା ଭାବରେ ରଞ୍ଜିତ୍ ପଣ୍ଡା ଏବଂ ତାଙ୍କ  ଧର୍ମପତ୍ନୀ ପ୍ରିୟଙ୍କା ମିଶ୍ର ଦାୟିତ୍ୱ ତୁଲାଇଥିଲେ l ସମସ୍ତ  ଭକ୍ତ ହଳଦିଆ ବସ୍ତ୍ର ପରିଧାନ କରିଥିବା ବେଳେ  ଶତାଧିକ ମହିଳା ଭକ୍ତ ସାମିଲ ହୋଇଥଲେ l