08-May-2026

ଲୋଇସିଂହା(ବିନୋଦ ଦୀପ): ଆଜି ବଲାଙ୍ଗୀର ଜିଲ୍ଲା ଲୋଇସିଂହା ଥାନା ଅଭ୍ୟର୍ଥନା ଗୃହରେ ଥାନା ଅଧିକାରୀ ସିପୋରା ସରାୟ ଲୁଗୁନଙ୍କ ତତ୍ୱାବଧାନରେ ଓଡିଶା ପୋଲିସ ବିଭାଗ ଡି.ଜି ଙ୍କ ଭିଡିଓ କନଫରେନସ ଜରିଆରେ ଜୁଭେଂଟିକା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ଜୁଭେଂଟିକା କାର୍ଯ୍ୟକ୍ରମରେ ୯ ରୁ ୧୭ ବର୍ଷ ଆଖପାଖ ଅଂଚଳର ବହୁ ସଂଖ୍ୟାରେ  କିଶୋର ଓ କିଶୋରୀ ମାନେ ଯୋଗ ଦେଇଥିଲେ l ଆଜିର କାର୍ଯ୍ୟକ୍ରମରେ ଲୋଇସିଂହା ଥାନା ସିଡବ୍ଲୁଡିଏ ତଥା ସବ ଇନ୍ସପେକ୍ଟର ଅମ୍ରିତା ମୁଣ୍ଡା ସାଇବର କିଲିଂ ତଥା ଅପ ବ୍ୟବହାର, ସୋସିଆଲ ମେଡ଼ିଆ ରେ ଖରାପ ବ୍ୟବହାରର ଶିକାର ହେଲେ ସଂଗେସଂଗେ ଫୋନ ଜରିଆରେ ସୂଚନା ଦେବାପାଇଁ କିଶୋର କିଶୋରୀଙ୍କୁ କହିଲେ l

ଥାନାଧିକାରୀ ଶ୍ରୀମତୀ ଲୁଗୁନ ଓ ଉପସ୍ଥିତ ଇନ୍ସପେକ୍ଟର ସନାତନ ସାହୁ ସାଇବର କିଲିଂ ଠାରୁ ଦୁରେଇ ରହିବା, ଅଯଣl ଫୋନକଲ୍ କୁ ରିସିଭ ନ କରିବା, କୌଣସି ସ୍ଥାନରେ ନିଜକୁ ଅସୁରକ୍ଷିତ ମନେକଲେ ପୋଲିସକୁ ତଥା ୧୯୩୦ ନମ୍ବରକୁ ଖବର ଦେବା ଭଳି ସୂଚନା ପ୍ରଦାନ କରିଥିଲେ l ଏହି କାର୍ଯ୍ୟକ୍ରମଟି ଓଡିଶାର ସମସ୍ତ ଜିଲ୍ଲାର ଥାନା ଗୁଡିକରେ ଭିଡିଓଗ୍ରାଫି ଜରିଆରେ ଚାଲିଥିବା ବେଳେ ବହୁ ସଂଖ୍ୟାରେ କିଶୋରକିଶୋରୀ ଅଂଶଗ୍ରହଣ କରିଥିଲେ l ଡି.ଜି ଙ୍କ ତଦାରଖରେ ବିଭିନ୍ନ ଥାନାରେ କିଶୋର କିଶୋରୀଙ୍କୁ ଥାନା ବାବଦରେ ପ୍ରଶ୍ନ କରାଯାଇଥିବା ବେଳେ କିଶୋରୀ ମାନେ ନିଜ ର ସୁ ଚିନ୍ତିତ ମତ ପ୍ରଦାନ କରିଥିଲେ l ଉକ୍ତ କାର୍ଯ୍ୟକ୍ରମରେ ଲୋଇସିଂହା ଥାନାର ସମସ୍ତ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ l