30-Apr-2026

ବିନିକା(ହିମାଂଶୁ ଶେଖର ପୁଟେଲ)ଗ୍ରୀଷ୍ମ ଋତୁ ଆରମ୍ଭ ହୋଇଯାଇଛି ।ସୂର୍ଯ୍ୟଦେବଙ୍କ ତେଜସ୍ୱୀ ରଶ୍ମି କିରଣକୁ ସହ୍ୟ କରି ଆସୁଥିବା ବାଟୋଇ ଲୋକଙ୍କ ତୃଷ୍ଣା ମେଣ୍ଟାଇବା ପାଇଁ ଏବଂ ମୌଳିକ ସୁବିଧା ସକାଶେ ଆଶ୍ରୟସ୍ଥଳୀ ନିର୍ମାଣ ନେଇ ସରକାର ଗୁରୁତ୍ୱ ଦେଉଥିବା ବେଳେ ସମ୍ପ୍ରତି ବିନିକା ଅଞ୍ଚଳରେ ତାହା ବାଟବଣା ସଦୃଶ ହୋଇଛି।ଗ୍ରୀଷ୍ମ ଋତୁ ଅର୍ଥାତ ଏପ୍ରିଲ ମାସ ଶେଷ ହେଲାଣି ହେଲେ ବ୍ଲକ ଅଞ୍ଚଳର ଅଧିକାଂଶ ପଞ୍ଚାୟତର  ଗାଁ ମାନଙ୍କ ମୁଖ୍ୟ ଛକ ମାନଙ୍କରେ ବର୍ତ୍ତମାନ ସୁଦ୍ଧା ଜଳଛତ୍ର ଖୋଲାଯାଉଥିବା ଜଣାପଡ଼ିଛି ବିଶେଷ କରି ବିନିକା ସୋନପୁର ମୁଖ୍ୟ ରାସ୍ତା ପାର୍ଶ୍ବରେ ଥିବା ମହାଦେବପାଳି ପଞ୍ଚାୟତ ର କୌଣସି ସ୍ଥାନରେ ଅଦ୍ୟାବଧି ଜଳଛତ୍ର ଖୋଲାଯାଇ ନଥିବାରୁ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।ଆଜି ଏନେଇ ସୁବର୍ଣ୍ଣପୁର ଜିଲ୍ଲା କିସାନ କଂଗ୍ରେସ ସଭାପତି ସଂଗ୍ରାମ କେଶରୀ ନାୟକଙ୍କ ନେତୃତ୍ୱରେ ଏକ ପ୍ରତିନିଧି ଦଳ ବିନିକା ବ୍ଲକ କାର୍ଯ୍ୟାଳୟକୁ ଯାଇ ବିଡ଼ିଓଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି।ଦାବିପତ୍ରରେ ଉଲ୍ଲେଖ ରହିଛି ଯେ ତୁରନ୍ତ ମହାଦେବପାଳି ପଞ୍ଚାୟତ ଅଧିନସ୍ଥ ବିଭିନ୍ନ ଗ୍ରାମର ମୁଖ୍ୟ ଛକ ମାନଙ୍କରେ ତୁରନ୍ତ ଜଳଛତ୍ର ଖୋଲିବା ଏବଂ ମହାଦେବପାଳି,ସଂସାମୁରା ଓ ବାବାଶଙ୍କର ଛକରେ ଲୋକଙ୍କ ଆଶ୍ରୟ ପାଇଁ ଯାତ୍ରୀ ବିଶ୍ରାମଗାର ନିର୍ମାଣ କରିବାକୁ ଦାବୀ କରାଯାଇଛି ।ଦାବିପତ୍ର ପ୍ରଦାନ ବେଳେ ଓବିସି ବିନିକା ବ୍ଲକ ସଭାପତି ଭାଗିରଥୀ ବଗର୍ତ୍ତି,ମହାଦେବପାଳି ପଞ୍ଚାୟତ ମିଡିଆ ସେଲ ପ୍ରଭାରୀ ଅମିତ କୁମାର ନାୟକ,ହାଡ଼ୁ ନେଗୀ ପ୍ରମୁଖ ଉପସ୍ଥିତ ଥିଲେ।