30-Apr-2026

(ଡୁଲେଶ୍ବର ବାଗ )
 ନୂଆପଡ଼ା ଜିଲ୍ଲା ସିନାପାଲି ବ୍ଲକ ଓ ବୋଡ଼େନ ବ୍ଲକ ଦାୟିତ୍ୱରେ ଥିବା ବି ଡି ଓ କାର୍ମୀ ଓରାମଙ୍କ ଆଜି ଏକ ନୂଆ ଢାଞ୍ଚା ଦେଖିବାକୁ ମିଳିଛି । ଗୋଟିଏ ପଟେ ଜିଲ୍ଲାପାଳ ନୂଆପଡ଼ା ଜିଲ୍ଲାର ପ୍ରଗତି ପାଇଁ ଧ୍ୟାନ ଦେଉଥିବାବେଳେ ଅନ୍ୟ ପଟେ ଜିଆର୍ ଏସ ମାନଙ୍କୁ ବିଡ଼ିଓ କାର୍ମୀ ଓରାମଙ୍କ ନିର୍ଦ୍ଦେଶ - ଲ୍ୟାପଟପ୍ ଧରି ଗାଁ କୁ ଯାଅ ଏବଂ ଶ୍ରମିକଙ୍କ ଅସୁବିଧାକୁ ବୁଝ, କାହାର ବକେୟା ଅଛି,କିଏ କେତେ ଦିନ କାମ କରିଛି,କାହାର ଜବ୍ କାର୍ଡ ଅଛି ଓ କାହାର ନାହିଁ, ନରେଗା ସମ୍ବନ୍ଧୀୟ ଶ୍ରମିକ ମାନଙ୍କ ପ୍ରତ୍ୟେକ କଥା ବୁଝିବାକୁ ନିର୍ଦ୍ଦେଶ କରିଛନ୍ତି ।ଆଜି କର୍ଲା କୋଟ ଏ ଡି ଇ ଓ ଗଜାନନ ମେହେରଙ୍କ ପାଖରେ ପ୍ରତିଫଳିତ ହେଉଥିଲା ଏହି ଦୃଶ୍ୟ । ଏ ଡି ଇ ଓ ପ୍ରକାଶ କଲେ କି ବି ଡି ଓ ଙ୍କ ନିର୍ଦ୍ଦେଶ ଥିଲା ମୋତେ ଲ୍ୟାପଟପ୍ ଧରି ଶ୍ରମିକ ମାନଙ୍କ ପଡାରେ  ଶ୍ରମିକଙ୍କ ସୁବିଧା କରିବାକୁ । ବାସ୍ତବରେ ଶ୍ରମିକଙ୍କ ସୁବିଧା ପାଇଁ ବି ଡି ଓ ଙ୍କ ଏହା ଏକ ବଡ଼ ପଦକ୍ଷେପ ।ଯାହାକି ଆଜି ଦେଖିବାକୁ ମିଳିଛି ବୋଡ଼େନ ବ୍ଲକ କର୍ଲା କୋଟ ପଞ୍ଚାୟତରେ ଏ ଡି ଇ ଓ ଗଜାନନ ମେହେର ନିଜ ଲ୍ୟାପଟପ୍ ଧରି କିରେଇ ଝୋଲା ଗ୍ରାମର ଏକ ପଡାରେ ଶ୍ରମିକଙ୍କ ସମସ୍ୟା ବୁଝୁଥିଲେ ।ରାଜ୍ୟରେ ନୂଆପଡ଼ା ଜିଲ୍ଲା ନରେଗାରେ ତୃତୀୟ ସ୍ଥାନ ପ୍ରାପ୍ତ କରି ମୁଖ୍ୟମନ୍ତ୍ରୀ ଙ୍କ ପାଖରୁ ସମ୍ମାନିତ ହୋଇଥିବା ଏବଂ ଜିଲ୍ଲାରେ ସିନାପାଲି ଓ ବୋଡ଼େନ ବ୍ଲକ ଯଥାକ୍ରମେ ପ୍ରଥମ ଓ ଦ୍ବିତୀୟ ସ୍ଥାନ ପ୍ରାପ୍ତ କରିବା ଓ ସମ୍ମାନିତ ହେବା ପଛରେ ବିଡ଼ିଓଙ୍କ  'ଲ୍ୟାପଟପ୍ ଧରି ଗାଁ କୁ ଯାଅ' ନିର୍ଦ୍ଦେଶ ଭିନ୍ନ ଏକ ବାର୍ତ୍ତା ପ୍ରକାଶ କରୁଛି ଜନସାଧାରଣଙ୍କ ପାଇଁ ।