30-Apr-2026

ବରଗଡ(ତୁଳସୀ ଚରଣ ଦାଶ): ଆଜି ସ୍ଥାନୀୟ ପାର୍ବତୀ ଗିରି ମହିଳା ମହାବିଦ୍ୟାଳୟର ସମ୍ମିଳନୀ କକ୍ଷ ରେ ଜୀବ ବିଜ୍ଞାନ ବିଭାଗର ଡେମନଷ୍ଟ୍ରେଟର ଶ୍ରୀମତୀ କ୍ଷୀରାବ୍ଧି ତନୟା ସାହୁଙ୍କ ପାଇଁ ଏକ ବିଦାୟ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷା ଶ୍ରୀମତୀ ନନ୍ଦିନୀ ନିରଦ ପଣ୍ଡାଙ୍କ ସଭାପତିତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ସ୍ୱାଗତ ବକ୍ତବ୍ୟ ରଖିଥିଲେ ଅଧ୍ୟାପକ ରାଧାକାନ୍ତ ମିଶ୍ର । ବିଦାୟ କାଳୀନ ସଭାରେ 

ପ୍ରାଧ୍ୟାପିକା ଶ୍ରୀମତୀ ମଧୁସ୍ମିତା ନନ୍ଦ ଅଧ୍ୟାପିକା ବବିତା ଷଡ଼ଙ୍ଗୀ ,ମୌସୁମୀ ଲିଜା ନାୟକ,ଅନୁପମା ଚାନ୍ଦ,ରେଖା ନାୟକ, ଗୀତା ଷଡ଼ଙ୍ଗୀ, ଲିପ୍ସା ମିଶ୍ର ପ୍ରଭୃତି ଅନେକ ସହକର୍ମୀ ସ୍ମୃତି ଚାରଣ କରୁଥିବା ସମୟରେ ସମସ୍ତେ ଭାବ ବିହ୍ବଳ ହୋଇ ପଡ଼ିଥିଲେ । ସଭା ଶେଷରେ ମାନ ପତ୍ର ପଠନ କରିଥିଲେ ଡ. ସଂଘମିତ୍ରା

ମିଶ୍ର ଓ ସମ୍ବର୍ଦ୍ଧିତ କରିଥିଲେ ଅଧ୍ୟକ୍ଷା ଶ୍ରୀମତୀ ପଣ୍ଡା ଓ ପ୍ରାଧ୍ୟାପିକା ପୁଷ୍ପାଞ୍ଜଳି ପ୍ରଧାନ ।  ଅଧ୍ୟାପକ ବିଶ୍ୱଜିତ୍ ସାହୁ ଓ ଧରିତ୍ରୀ ଦାଶ ସମସ୍ତ କାର୍ଯ୍ୟକ୍ରମ ଆୟୋଜନ କରିଥିଲେ । ଶେଷରେ ଅଧ୍ୟାପିକା ଚିନ୍ମୟୀ ରଥ ଧନ୍ୟବାଦ ଅର୍ପଣ କରିଥିଲେ ।
        --------×××--------