24-Apr-2026

କାଲିମେଳା(ସନ୍ତୋଷ କୁମାର ପଣ୍ଡା):ମାଲକାନଗିରି ଜିଲ୍ଲାରେ ବେଆଇନ କଇଁଛ ଚୋରା ଚାଲାଣ ଉପରେ ବନ ବିଭାଗର ବଡ଼ କାର୍ଯ୍ୟାନୁଷ୍ଠାନ। ଆନ୍ଧ୍ରପ୍ରଦେଶରୁ ଓଡ଼ିଶାକୁ ଚାଲାଣ ହେଉଥିବା ବେଳେ ପ୍ରାୟ ୭୬୧ଟି ସଫ୍ଟ ସେଲ୍ କଇଁଛ ଜବତ କରିଛି ମୋଟୁ ବନ ବିଭାଗ। ଏହି ଘଟଣାରେ ଜଣେ ଅଭିଯୁକ୍ତ ଗିରଫ ହୋଇଥିବା ବେଳେ ଏକ ପିକଅପ୍ ଭ୍ୟାନକୁ ମଧ୍ୟ ଜବତ କରାଯାଇଛି।
​ ମାଲକାନଗିରି ଜିଲ୍ଲାରେ କଇଁଛର ଚାହିଦା ଅଧିକ ଥିବାରୁ କିଛି ଅସାଧୁ ବ୍ୟବସାୟୀ ଆଇନକୁ ବେଖାତିର କରି ବେଆଇନ କାରବାର ଜାରି ରଖିଛନ୍ତି। ତେବେ ଏହି ଚୋରା କାରବାର ଉପରେ ଲଗାମ ଲଗାଇବାକୁ ମୋଟୁ ବନ ବିଭାଗ ସଜାଗ ହୋଇଛି। ଆଜି ବିଶେଷ ସୂତ୍ରରୁ ଖବର ପାଇ ଫୋରେଷ୍ଟର ମୁରୁଲିଧର ଅନୁଗୁଳିଆଙ୍କ ନେତୃତ୍ୱରେ ବନ ବିଭାଗ ପକ୍ଷରୁ ମୋଟୁ ଅଞ୍ଚଳରେ ଚଢ଼ାଉ କରାଯାଇଥିଲା। ଏହି ଚଢ଼ାଉ ସମୟରେ ଏକ ପିକଅପ୍ ଭ୍ୟାନରୁ ୭୬୧ଟି ସଫ୍ଟ ସେଲ୍ କଇଁଛ ଉଦ୍ଧାର କରାଯାଇଛି। ଗିରଫ ଅଭିଯୁକ୍ତ ଜଣକ ଆନ୍ଧ୍ରପ୍ରଦେଶର ବୋଲି ଜଣାପଡ଼ିଛି। ତାଙ୍କୁ ବର୍ତ୍ତମାନ ଏମ୍‌ଭି–୭୯ ବନ ବିଭାଗ

କାର୍ଯ୍ୟାଳୟରେ ଅଟକ ରଖି ପଚରାଉଚରା କରାଯାଉଛି।
​ଭଏସ୍ ଓଭର ୩: ଦୁର୍ଭାଗ୍ୟବଶତଃ ଜବତ ହୋଇଥିବା ୭୬୧ଟି କଇଁଛ ମଧ୍ୟରୁ ୫୧ଟି ମୃତ ଅବସ୍ଥାରେ ମିଳିଛି। ବାକି ଜୀବନ୍ତ କଇଁଛଗୁଡ଼ିକୁ ଓଜନ କରାଯିବା ପରେକାଲିମେଳା ପ୍ରାଣୀ ଚିକିତ୍ସାଳୟକୁ ନିଆଯାଇ ସ୍ୱାସ୍ଥ୍ୟ ପରୀକ୍ଷା କରାଯିବାର ବ୍ୟବସ୍ଥା କରାଯାଇଛି। ସ୍ୱାସ୍ଥ୍ୟ ପରୀକ୍ଷା ପରେ ଏହି କଇଁଛଗୁଡ଼ିକୁ ଏକ ସୁରକ୍ଷିତ ପ୍ରାକୃତିକ ଆବାସସ୍ଥଳୀରେ ଛାଡ଼ି ଦିଆଯିବ। ଅନ୍ୟପଟେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ବନ ବିଭାଗ ପକ୍ଷରୁ ସୂଚନା ମିଳିଛି।
​