24-Apr-2026

ବଲାଙ୍ଗୀର(ପ୍ରେରଣା ଖବର): ପ୍ରତି ବର୍ଷ ପରି ଚଳିତ ବର୍ଷ ମଧ୍ୟ ଆସନ୍ତା ଏପ୍ରିଲ ୨୮ତାରିଖ ମଧୁସୂଦନ ଦାସ ଙ୍କ ଜୟନ୍ତୀ ଅବସରରେ ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ସ୍ଥାନୀୟ ସିଭିଲ କୋର୍ଟ ବାର ହଲ ଠାରେ ଲୟର୍ସ ଡେ' ପାଳନ ହେବ। ସମସ୍ତଙ୍କ ସହଯୋଗ, ସମ୍ପୃକ୍ତି ଓ ସହାଭାଗିତାରେ ଏପ୍ରିଲ ୨୮ଲୟର୍ସ ଡେ' କୁ କିପରି ଧୁମଧାମ ରେ ପାଳନ କରାଯାଇ ପାରିବ ଏଥିପାଇଁ ସଂଘ ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି। ଏଥିରେ ମୁଖ୍ୟ ଅତିଥି ଭାବରେ ଓଡ଼ିଶା ହାଇକୋର୍ଟ ର ମାନ୍ୟବର ବିଚାରପତି ମୃଗାଙ୍କ ଶେଖର ସାହୁ ଯୋଗ ଦେବା ସହ ବଲାଙ୍ଗୀର ଜିଲ୍ଳା ଦୌରା ଜଜ୍ ବରେଣ୍ୟ ଅତିଥି ଭାବରେ ଯୋଗ ଦେବାର କାର୍ଯ୍ୟକ୍ରମ ରହିଛି।  ୫୦ ବର୍ଷ ରୁ ଅଧିକ ସମୟ ଧରି ଓକିଲାତି ବୃତ୍ତିରେ ନିୟୋଜିତ ଥିବା ୫ଜଣ ବରିଷ୍ଠ ଓକିଲ ଯଥା ବିନାୟକ ମିଶ୍ର, ବାସୁଦେବ ଗୁରୁ, ସୁବୋଧ ଚରଣ ମିଶ୍ର, କାନନ ବିହାରୀ ସ୍ୱାଇଁ ଓ  ଜୟରାମ ମିଶ୍ରଙ୍କୁ ଏହି ଅବସରରେ ସଂଘ ପକ୍ଷରୁ ମାନପତ୍ର ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯିବ ବୋଲି ବଲାଙ୍ଗୀର ଜିଲ୍ଲା ଓକିଲ ସଂଘ ର ସଭାପତି ବାସୁଦେବ ରଥ ସୂଚନା ଦେଇଛନ୍ତି। ଏହି ସମାରୋହ ରେ ବଲାଙ୍ଗୀର ଜିଲ୍ଲାର ସମସ୍ତ ଓକିଲ ଓ ଜନସାଧାରଣ ବହୁ ସଂଖ୍ୟରେ ଯୋଗ ଦେବାକୁ ଜିଲ୍ଳା ଓକିଲ ସଂଘ ପକ୍ଷରୁ ନିବେଦନ କରାଯାଇଛି।