06-Feb-2021

ନୂଆଦିଲ୍ଲୀ(ପ୍ରେରଣା ଖବର)   ଜର୍ମାନର ଏକ କୋର୍ଟ ଶୁକ୍ରବାର ନାଜୀକନସନଟ୍ରେସନ୍ କ୍ୟାମ୍ପର ଜଣେ ପୂର୍ବତନ ସେକ୍ରେଟାରୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ତାଙ୍କ ବିରୋଧରେ ୧୦୦୦୦ ଜଣଙ୍କୁ ହତ୍ୟା କରିଥିବା ଅଭିଯୋଗ ରହିଛି । ଏହା ନିକଟ ଅତୀତରେ ଜଣେ ମହିଳାଙ୍କ ବିରୋଧରେ ସବୁଠାରୁ ବଡ ଅଭିଯୋଗ ବୋଲି କୁହାଯାଉଛି ।
୯୫ ବର୍ଷର ଅଭିଯୁକ୍ତ ମହିଳା ଜଣଙ୍କ ଡାନଜିଙ୍ଗ ନିକଟରେ ଥିବା ଷ୍ଟୁଥୋଫ୍ କ୍ୟାମ୍ପରେ କାମ କରୁଥିଲେ । ତେବେ କୋର୍ଟ ମହିଳାଙ୍କ ନାଁ କହିନଥିଲେ ମଧ୍ୟ ସେ ଇରାମଗାର୍ଡ ଏଫ୍ ବୋଲି ଜଣାପଡିଛି । ସେ ଏବେ ଉତ୍ତର ହାମବର୍ଗର ଏକ ବୃଦ୍ଧାଶ୍ରମରେ ରୁହନ୍ତି ।ଅଭିଯୁକ୍ତ ମହିଳାଙ୍କ ବିରୋଧରେ ଜେଓ୍ୱିସ୍ ବନ୍ଦୀ, ପୋଲାଣ୍ଡ ନାଗରିକ ଓ ସୋଭିଏତ ରୁଷର ବନ୍ଦୀଙ୍କୁ ହତ୍ୟା କରିବା ନେଇ ଅଭିଯୋଗ ରହିଛି । ଜୁନ ୧୯୪୩ରୁ ଏପ୍ରିଲ ୧୯୪୫ ମଧ୍ୟରେ ଏହି ସବୁ ହତ୍ୟାକାଣ୍ଡ ହୋଇଥିଲା । ସେତେବେଳେ ମହିଳାଜଣଙ୍କ ନାବାଳିକା ଥିଲେ । ସେ ବନ୍ଦୀଙ୍କୁ ଅପହରଣ କରି ଯୋଜନାବଦ୍ଧ ଭାବେ ହତ୍ୟା କରୁଥିବା ଅଭିଯୋଗ ରହିଥିଲା ଏହି ଘଟଣାରେ ପରେ ତଦନ୍ତ ଆରମ୍ଭ ହୋଇଥିଲା । ଏହାସହ ସାକ୍ଷୀଙ୍କୁ ଜେରା କରାଯାଇଥିଲା । ଅନେକ ସାକ୍ଷୀ ଏବେ ଆମେରିକା ଓ ଇସ୍ରାଏଲରେ ରହୁଛନ୍ତି । ଏନେଇ କୋର୍ଟଙ୍କ ମୁଖପାତ୍ର ପିଟର୍ ମୁଲେର୍ ରାକୋ ସୂଚନା ଦେଇଛନ୍ତି । ତେବେ ମହିଳାଜଣଙ୍କର ବୟସ ୯୫ ହୋଇଥିବାରୁ ତାଙ୍କ ବିରୋଧରେ ମାମଲା କୋହଳ କରାଯାଇପାରେ ଓ ଜୁଭେନାଇଲ୍ କୋର୍ଟରେ ବିଚାର ଚାଲିପାରେ ।ଜର୍ମାନୀ ସରକାର ଏବେ ନାଜୀଙ୍କ ବିରୋଧରେ ହୋଇଥିବା ଅତ୍ୟାଚାରରେ ଦଣ୍ଡବିଧାନ ନେଇ ବ୍ୟବସ୍ଥା କରୁଛନ୍ତି । ୨୦୧୧ ପରଠୁ ସରକାର ନାଜୀଙ୍କୁ ହତ୍ୟା କରିଥିବା ଅନେକ ଅଭିଯୁକ୍ତଙ୍କୁ ଦଣ୍ଡ ଶୁଣାଇ ସାରିଛନ୍ତି । ତେବେ ୨ ଜଣ ୯୪ ବର୍ଷୀୟ ଅଭିଯୁକ୍ତ ଦଣ୍ଡବିଧାନ ପୂର୍ବରୁ ପ୍ରାଣ ହରାଇ ସାରିଥିଲେ ।
ସୂଚନାଯୋଗ୍ୟ, ଷ୍ଟୁଥୋଫ୍ କ୍ୟାମ୍ପରେ ୧୧୦୦୦୦ଜଣଙ୍କୁ ଅଟକ ରଖାଯାଇଥିବା ବେଳେ ୬୫୦୦୦ଜଣଙ୍କୁ ବନ୍ଦୀ ଭାବେ ରଖାଯାଇଥିଲା ।