10-Apr-2026

ନବରଙ୍ଗପୁର (ପ୍ରିୟଦର୍ଶିନୀ ପାତ୍ର)
 ଜିଲ୍ଲା ଅତିରିକ୍ତ ଜିଲ୍ଲା ଦୌରା ଜଜ ମାନ୍ୟବର ବିଚାରପତି ଶ୍ରୀ ବିଷ୍ଣୁ ପ୍ରସାଦ ମିଶ୍ର ଏକ ହତ୍ୟା ଉଦ୍ୟମ ଘଟଣା ର ବିଚାରଣା କରି  ଅଭିଯୁକ୍ତ  ଅକ୍ଷୟ କୁମାର ଶରଣ ଓରଫ ବଣ୍ଟୁ କୁ  7 ବର୍ଷ ସଶ୍ରମ କାରାଦଣ୍ଡ ରେ ଦଣ୍ଡିତ କରିବା ସହ10,000 ଟଙ୍କା ର ଅର୍ଥ ଦଣ୍ଡ ରେ ଦଣ୍ଡିତ କରିଛନ୍ତି l ଜୋରିମାନା ଅନାଦେୟରେ 5 ମାସ ର ଅତିରିକ୍ତ କାରାଦଣ୍ଡ ରେ ଦଣ୍ଡିତ କରିବାକୁ ରାୟ ଦେଇଛନ୍ତି *। *ସୂଚନା ଅନୁଯାୟୀ ,କୋଷାଗୁମୁଡା ଥାନା  ଅନ୍ତର୍ଗତ ନେଇଗାଁ ଗ୍ରାମର ପୀଡିତା ର ଭାଇ ସାହିଲ ସିଲ ଗଣ୍ଡା ଗତ 06/01/2025 ତାରିଖ ଦିନ କୋଷାଗୁମୁଡା ଥାନାରେ କେସ ନମ୍ବର 2/25 ପ୍ରକାରେ ଏକ ଲିଖିତ ଅଭିଯୋଗ କରିଥିଲେ ଯେ, ସକାଳ ପ୍ରାୟ 5.30 ତାଙ୍କ ଦୁଇ ଭଉଣୀ ଶ୍ରଦ୍ଧା ସିମରନ ଗଣ୍ଡା ଓ ସସ୍ମିତା ରାଣୀ ଗଣ୍ଡା ଏକ ମୋଟର ସାଇକେଲ ଯୋଗେ କୋଷାଗୁମୁଡା ଯାଉଥିବା ବେଳେ ମାଙ୍କିଡି ଗ୍ରାମ ପାଖରେ 2-3 ଜଣ ବ୍ୟକ୍ତି ବାଟରେ ଅଟକାଇ ହଠାତ କିଛି ଧାରୁଆ ଅସ୍ତ୍ର ଧରି ତାଙ୍କ ଦୁଇ ଭଉଣୀ ଙ୍କ ମୁଣ୍ଡ, ବେକ, କାନ ଓ ହାତରେ ଆକ୍ରମଣ କଲା,ଫଳରେ ସେମାନେ ଗଭୀର ଭାବରେ ଆଘାତ ପ୍ରାପ୍ତ ହେଲେ l  ଆକ୍ରମଣ କରିବା ପରେ ଅଭିଯୁକ୍ତ ମାନେ ଉକ୍ତ ଜାଗା ଛାଡି ଫେରାର ହୋଇ ଚାଲିଗଲେ l ପରେ ଦୁଇ ପୀଡିତା ନିକଟସ୍ଥ ମାଙ୍କିଡି ଗ୍ରାମକୁ ଯାଇ ଗ୍ରାମବାସୀଙ୍କ ସହାୟତା ରେ  ଏତେଲାକାରୀ ଙ୍କୁ ଫୋନ ଯୋଗେ ସୂଚନା ଦେବା ପରେ ସେମାନଙ୍କୁ ଆମ୍ବୁଲାନ୍ସ ଯୋଗେ ପ୍ରଥମେ କୋଷାଗୁମୁଡା ପ୍ରାଥମିକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ସେମାନଙ୍କ ଅବସ୍ଥା ଗୁରୁତର ହେବାରୁ କୋରାପୁଟ ଜିଲ୍ଲାର ଜୟପୁରକୁ ଅଧିକ ଚିକିତ୍ସା ନିମନ୍ତେ ପଠାଯାଇଥିଲା l *ପୋଲିସ ଘଟଣା ର ତଦନ୍ତ କରି ଅଭିଯୁକ୍ତ ଅକ୍ଷୟ କୁମାର ଶରଣ ଓରଫ ବଣ୍ଟୁ ବୋଲି ଜାଣିବା ପରେ ତାକୁ ଗିରଫ କରି କୋର୍ଟ ଚାଲାଣ କରିବା ସହ ତା ନାମରେ ଭାରତୀୟ ନ୍ୟାୟ ସଂହିତା 2023 ର ଧାରା  126(2), 118(1),118(2), ଓ 109 ପ୍ରକାରେ ମାମଲା ରୁଜୁ କରି ଅଭିଯୁକ୍ତ କୁ କୋର୍ଟ ଚାଲାଣ କରିଥିଲେ ଯାହାର କୋର୍ଟ କେସ ନମ୍ବର ଥିଲା CT-11/25 l ସମସ୍ତ 21ଜଣ ସାକ୍ଷ୍ୟ ପ୍ରମାଣ କୁ ଭିତ୍ତି କରି ମାନ୍ୟବର ଅତିରିକ୍ତ ଜିଲ୍ଲା ଓ ଦୌରା ଜଜ ଶ୍ରୀ ବିଷ୍ଣୁ ପ୍ରସାଦ ମିଶ୍ର ଅଭିଯୁକ୍ତ ଅକ୍ଷୟ କୁମାର ଶରଣ ଓରଫ ବଣ୍ଟୁ କୁ 7 ବର୍ଷ କାରାଦଣ୍ଡ ରେ ଦଣ୍ଡିତ କରିଛନ୍ତି*l ପୀଡିତା ଙ୍କ ପକ୍ଷରୁ ମାମଲା କୁ  ଅତିରିକ୍ତ ପବ୍ଲିକ ପ୍ରସିକ୍ୟୁଟର ସୁନନ୍ଦା ପ୍ରଧାନ ମାମଲା କୁ ପରିଚାଳନା କରୁଥିବା ସହ ପବ୍ଲିକ ପ୍ରସିକ୍ୟୁଟର ମାମଲା କୁ ତଦାରଖ କରୁଥିଲେ * l *ତ୍ୱରିତ ନ୍ୟାୟ ପାଇଥିବା ଯୋଗୁଁ ପୀଡିତା ଓ ତାଙ୍କ ପରିବାର ସହ ଜିଲ୍ଲାବାସୀ ନ୍ୟାୟପ୍ରକ୍ରିୟା ଉପରେ ସନ୍ତୋଷ ପ୍ରକଟ କରିଛନ୍ତି।