09-Apr-2026

(ପ୍ରିୟଦର୍ଶିନୀ ପାତ୍ର)
ପାପଡ଼ା ହାଣ୍ଡି ବ୍ଲକର ସେମଳା କ୍ଲଷ୍ଟର ଅନ୍ତର୍ଗତ ସରକାରୀ ଉଚ୍ଚ ବିଦ୍ୟାଳୟ, ସେମଳା ପ୍ରାଙ୍ଗଣରେ ପ୍ରବେଶ ଉତ୍ସବ ଓ ଖଡ଼ିଛୁଆଁ ଅବସରରେ ସମଗ୍ର ଶିକ୍ଷା ନବରଙ୍ଗପୁର ପକ୍ଷରୁ ଆସିଥିବା ସଚେତନତା ରଥକୁ ଭବ୍ୟ ସ୍ୱାଗତ କରାଯାଇଥିଲା।
ସେମଳା କ୍ଲଷ୍ଟରର ସିଆରସିସି ବାବୁଲାଲ ସାଗରଙ୍କ ନେତୃତ୍ୱରେ ଶିକ୍ଷକ ଓ ଛାତ୍ରଛାତ୍ରୀମାନେ ସଚେତନତା ରଥକୁ ସ୍ୱାଗତ କରିଥିଲେ। ଏହି ଅବସରରେ ସିଆରସିସି ବାବୁଲାଲ ସାଗର ଶିକ୍ଷାର ଗୁରୁତ୍ୱ ଉପରେ ସଚେତନତାମୂଳକ ଭାଷଣ ଦେଇ କହିଥିଲେ ଯେ ପ୍ରତ୍ୟେକ ଶିଶୁଙ୍କୁ ବିଦ୍ୟାଳୟରେ ଭର୍ତ୍ତି କରାଇବା ଓ ସେମାନଙ୍କୁ ନିୟମିତ ଭାବେ ପାଠପଢ଼ାରେ ଅଂଶଗ୍ରହଣ କରାଇବା ସମସ୍ତଙ୍କ ଦାୟିତ୍ୱ।
ସେ ଅଭିଭାବକମାନଙ୍କୁ ନିଜ ଶିଶୁମାନଙ୍କୁ ବିଦ୍ୟାଳୟକୁ ପଠାଇବାକୁ ଅନୁରୋଧ କରିଥିବା ସହ ସରକାରଙ୍କ ପକ୍ଷରୁ ଦିଆଯାଉଥିବା ନିଶୁଳ୍କ ପାଠ୍ୟପୁସ୍ତକ, ମଧ୍ୟାହ୍ନ ଭୋଜନ ଓ ଅନ୍ୟାନ୍ୟ ଶିକ୍ଷା ସୁବିଧା ବିଷୟରେ ମଧ୍ୟ ସଚେତନତା ସୃଷ୍ଟି କରିଥିଲେ।
ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀ, ଶିକ୍ଷକମାନେ, ଅଭିଭାବକ ଓ ସ୍ଥାନୀୟ ଗ୍ରାମବାସୀମାନଙ୍କ ସକ୍ରିୟ ଅଂଶଗ୍ରହଣ ଦେଖାଯାଇଥିଲା। ସେମଳା କ୍ଲଷ୍ଟରର ବିଭିନ୍ନ ବିଦ୍ୟାଳୟ ପକ୍ଷରୁ ଜିଲ୍ଲା ସମଗ୍ର ଶିକ୍ଷା ନବରଙ୍ଗପୁର ସଚେତନତା ରଥକୁ ଦିବ୍ୟ ଓ ଭବ୍ୟ ପରିବେଶରେ ସ୍ୱାଗତ କରାଯାଇଥିଲା।
କଳସ, ପଇଡ଼, ଆମ୍ବ ତୋରଣ ଓ “ସ୍ୱାଗତମ” ଝୁଣ୍ଟି ସଜାଣାରେ ବିଦ୍ୟାଳୟ ପ୍ରାଙ୍ଗଣ ଆକର୍ଷଣୀୟ ହୋଇଉଠିଥିଲା। ସଚେତନତା ରଥ ମାଧ୍ୟମରେ ଅଞ୍ଚଳରେ ଶିକ୍ଷାର ଗୁରୁତ୍ୱ ସମ୍ପର୍କରେ ବ୍ୟାପକ ସଚେତନତା ସୃଷ୍ଟି ହୋଇଥିବା ବେଳେ ପ୍ରବେଶ ଉତ୍ସବ ଓ ଖଡ଼ିଛୁଆଁ କାର୍ଯ୍ୟକ୍ରମ ଉତ୍ସାହ ଓ ଉତ୍ସବମୁଖର ପରିବେଶରେ ଅନୁଷ୍ଠିତ।