08-Apr-2026

ବଲାଙ୍ଗିର:  ଟିକ୍ରାପଡା ଗାନ୍ଧୀ ପାଠାଗାର ବରିଷ୍ଠ ସଭ୍ୟ ତଥା ଯୁବ ସଂଗଠକ ପ୍ରମୋଦ କୁମାର ସାହୁ ଙ୍କର ଦେହାନ୍ତ ହୋଇଯାଇଛି । ଗତ କିଛି ଦିନ ହେଲା ହୃଦୟ ଜନିତ ରୋଗରେ ପିଡିତ ରହି ଭିମସାର ବୁର୍ଲା ଠାରେ ଚିକିତ୍ସିତ ହେଉଥିଲେ । ୭ ତାରିଖ ସକାଳେ ତାଙ୍କ ଅବସ୍ଥା ଆହୁରି ଗୁରୁତର ହୋଇ ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୫୨ ବର୍ଷ ହେଉଥିଲା । ମୃତ୍ୟୁ ସମୟରେ ତାଙ୍କର ଧର୍ମପତ୍ନୀ ଝରଣା ସାହୁ ଓ ଦୁଇ ପୁଅ ସାଗର ସଂଗମ ସାହୁ ଏବଂ ସ୍ୱସ୍ତିକ ସାଗର ସାହୁ ଉପସ୍ଥିତ ଥିଲେ । ପ୍ରମୋଦ ସାହୁ ଜଣେ ଭଲ ସଂଗଠକ, ମିଷ୍ଠଭାଷୀ, ପରୋପକାରୀ ଯୁବକ ଥିଲେ । ଗାନ୍ଧୀ ପାଠାଗାର ତଥା ଆଖ ପାଖ ଅଂଚଳର ବିଭିନ୍ନ ସାମାଜିକ ତଥା ସମାଜସେବା କାର୍ଯ୍ୟରେ ସେ ସବୁବେଳେ ସକ୍ରିୟ ଯୋଗଦାନ କରୁଥିଲେ । ସୂଚନାଯୋଗ୍ୟ ଯେ ପ୍ରମୋଦ ସାହୁ ହେଉଛନ୍ତି ପୂର୍ବତନ

ବଲାଙ୍ଗିର ନଗରପାଳ ପ୍ରଦୀପ ସାହୁଙ୍କର ଭାଇ । ତାଙ୍କର ବିୟୋଗରେ ପରିବାରବର୍ଗ ତଥା ଆଖପାଖ ଅଂଚଳରେ ଏକ ଶୋକାକୂଳ ପରିବେଶ ସୃଷ୍ଠି ହୋଇଥିଲା । ତାଙ୍କର ଶବ ତାଙ୍କର ପୈତୃକ ବାସଭବନରେ ପହଂଚିଲା ବେଳେ ମାଁ, ଭାଇ ଭଉଣୀ, ଜ୍ୱାଇଁ, ଭଣଜା, ଭାଣିଜି ତଥା ବଲାଙ୍ଗିର ଅନେକ ରାଜନୈତିକ ନେତା,କର୍ମୀ ଓ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହି ଶେଷ ଦର୍ଶନ ସହ ଶୋକାକୁଳ ବିଦାୟ ଦେଇଥିଲେ । ତାଙ୍କର ମର ଶରୀରକୁ ଶେଷ ଯାତ୍ରାରେ ବିଭୁତିପଡା ସ୍ଥିତ ଶ୍ମଶାନଘାଟରେ ଅନ୍ତେଷ୍ଟି କରାଯାଇଥିଲା । ବଡ ପୁଅ ସାଗର ସଂଗମ ସାହୁ ମୁଖାଗ୍ନି ଦେଇଥିଲେ ।