20-Jun-2026

ବରପାଲି  (ସୁଦାମଦୀପ)- ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ଆୟୋଜିତ ବରପାଲି ବ୍ଲକ କାର୍ଯ୍ୟକ୍ରମରେ ସରକାରଙ୍କ ପ୍ରମୁଖ ଜନକଲ୍ୟାଣ ମୂଳକ ଯୋଜନା ବା ବିକାଶ ମୂଳକ ପଦକ୍ଷେପ ଓ ଉଲ୍ଲେଖନୀୟ ସଫଳତା ସମ୍ପର୍କିତ କାର୍ଯ୍ୟକ୍ରମ ବରପାଲି ବିଡିଓ ସୁମନ୍ତ କୁମ୍ଭାରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ପଞ୍ଚାୟତ ସ୍ତରରେ ବାର୍ତ୍ତକ୍ୟ ଭତ୍ତା, ରାସନ କାର୍ଡ, କୃଷି, ପଶୁପାଳନ, ମହିଳା ସଶକ୍ତିକରଣ, ସାମାଜିକ ସୁରକ୍ଷା ଓ ଭିତ୍ତିଭୂମି ବିକାଶ, ଗ୍ରାମ୍ୟ ବିକାଶ, ସ୍ୱସ୍ଥ୍ୟ, ପାନୀୟ ଜଳ ଯୋଗାଣ କ୍ଷେତ୍ରରେ ବିଭିନ୍ନ ଆଲୋଚନା ହୋଇଥିଲା । ଏହି କାର୍ଯ୍ୟକ୍ରମରେ ବରପାଲି ବ୍ଲକ ବିଭିନ୍ନ ପଞ୍ଚାୟତରୁ ମହିଳା ମାନେ ମଧ୍ୟ ଅଧିକ ସଂଖ୍ୟାରେ ଯୋଗ ଦେଇଥିଲେ । ରାଜ୍ୟ ସରକାରଙ୍କ ବିଭିନ୍ନ ଜନହିତକର ଯୋଜନା ଓ ବିକାଶ ମୂଳକ କାର୍ଯ୍ୟକ୍ରମ ସମ୍ପର୍କରେ ଅବଗତ ହେବାର ସୁଯୋଗ ମିଳିଥିଲା । ଅନୁଷ୍ଠିତ କାର୍ଯ୍ୟକ୍ରମରେ ମୁକ୍ଷ୍ୟ ଅତିଥି ଭାବରେ ବ୍ଲକ ଅଧ୍ୟକ୍ଷା ରୀନା ଥଇତ, ସମ୍ମାନିତ ଅତିଥି ଭାବରେ ସଂଯୁକ୍ତା ସାହୁ ଜିଲ୍ଲା ପରିଷଦ ସଭ୍ୟା, ଅଚୁତା ନନ୍ଦ ବାରିକ ସାଂସଦ ପ୍ରତିନିଧି ବରପାଲି ବ୍ଲକ, ଧିରୋଜ ପଧାନ ବିଧାୟକ ପ୍ରତିନିଧି ଏବଂ ସୁରେନ୍ଦ୍ର ପାତ୍ର ସଭାପତି ବିଜେପି କୃଷକ ମୋର୍ଚ୍ଚା ବରଗଡ଼ ଜିଲ୍ଲା ଯୋଗଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ଭେଟିନାରୀ ଡ. ଜୌତିପ୍ରକାଶ ପଧାନ, ବ୍ଲକ କୃଷି ଅଧିକାରୀ ଦିଲୀପ କୁମାର ମାଝି, ଶିକ୍ଷା ଅଧିକାରୀ ମୁକୁନ୍ଦ ମାହାର, ମନିକା ମିଶ୍ର ଯୋଗାଣ ଅଧିକାରୀ, ବର୍ଷା ରାଣୀ ମେହେର ସମାଜ ମଙ୍ଗଳ ଅଧିକାରୀ, ସିଡିପିଓ ଯୋଗଦାନ କରିଥିଲେ । କାର୍ଯ୍ୟକ୍ରମକୁ ଅଜିତ କୁମାର ପାଣିଗ୍ରାହୀ ପରିଚାଳନା କରିଥିଲେ l