06-Apr-2026

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ନଅଗାଁ ( ଖ) ଠାରେ ବିଜେପି ର 47 ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ଓଡ଼ିଶା ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼. ମୁକେଶ ମହାଳିଙ୍ଗ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ରାଷ୍ଟ୍ରୀୟ ସ୍ଵୟଂ ସେବକ ସଂଘ କାର୍ଯ୍ୟକାରିଣୀ ସଦସ୍ୟ ବିଷ୍ଣୁ ପାତ୍ର ଏବଂ ମୁଖ୍ୟବକ୍ତା ଭାବେ ରାଜ୍ୟ ଉପସଭାପତି ଅଶୋକ ମିଶ୍ର ଯୋଗ ଦେଇଥିଲେ l ଏହି କାର୍ଯ୍ୟକ୍ରମ ରେ କେନ୍ଦ୍ର ଓ ରାଜ୍ୟ ରେ ବିଜେପି ସରକାରଙ୍କ ଐତିହାସିକ ଉପଲବ୍ଧି ବିଷୟରେ ଉଲ୍ଲେଖ କରିଥିଲେ l

ଏହିପରି ଭାରତୀୟ ଚିନ୍ତାଧାରା , ସଂସ୍କୃତି , ରାଷ୍ଟ୍ରବାଦ ଓ ସମର୍ପଣ ର ମୁଖ୍ୟ ବୋଧ ଉପରେ ମତାମତ ପ୍ରକାଶ କରିଥିଲେ l ବିଜେପି ର ସଂଘର୍ଷ ମୟ ଇତିହାସ , ଦେଶ ସେବା ରେ ଏହାର ଅବଦାନ ଓ ଆଗାମୀ ଦୃଷ୍ଟିକୋଣ ବିଷୟ ରେ ଉଦବୋଧନ ଦେଇଥିଲେ । ଏହା ବ୍ୟତୀତ ନଅଗାଁ (ଖ) କାର୍ଯ୍ୟାଳୟ ରେ ଡ. ଶ୍ୟାମା ପ୍ରସାଦ ମୂଖାର୍ଜୀ ଙ୍କ ପ୍ରତିମୂର୍ତ୍ତି ଉନ୍ମୋଚନ କରାଯାଇ ବିଶ୍ୱଶାନ୍ତି ପାଇଁ ପୂଜାଅର୍ଚ୍ଚନା କରାଯାଇ ଥିଲା । ଧୂଜା ଉତ୍ତୋଳନ ଓ  "ବନ୍ଦେ ମାତରଂ" ଗାନ କରାଯାଇ ଦଳର ବରିଷ୍ଠ କର୍ମକର୍ତ୍ତା ମାନଙ୍କୁ ସମ୍ବର୍ଦ୍ଧନା କରାଯାଇ ଥିବାବେଳେ ମିଶ୍ରଣ ପର୍ବ ଅନୁଷ୍ଠିତ କରାଗଲା l ଏହି ମିଶ୍ରଣ ପର୍ବ ରେ ଲୋଇସିଂହା ସରପଞ୍ଚ ନବକିଶୋର ନାଏକ ନିଜର ସମର୍ଥକ ମାନଙ୍କ ସହ ବିଜେପି ରେ ବିଧିବଦ୍ଧ ଭାବେ ଯୋଗ ଦେଇଥିଲେ l ଆଜିର ପ୍ରତିଷ୍ଠା ଦିବସ ରେ ଲୋଇସିଂହା ବିଧାୟକ ଙ୍କ ପ୍ରତିନିଧି ଗୌରାଙ୍ଗ ନାଏକ , ଆଗଲପୁର ପ୍ରତିନିଧି ପିତାମ୍ବର କଣ୍ଟା, ସରୋଜ ସାହୁ , ପ୍ରଶାନ୍ତ ନାୟକ , ହିମାଂଶୁ ସାହୁ , ସଞ୍ଜୟ ମେହେର , ପାଣ୍ଡବ ପୁଟେଲ , ସିଭିଲ ସାହୁ , ରାଜୀବଲୋଚନ ଭୋଇ , ନୀଳକଣ୍ଠ ସାହୁ , ରିଙ୍କୁ ସାହୁ, କୁମର ପାଣ୍ଡେ, ସୁନିଲ ଦାସ , ସରପଞ୍ଚ ହିମାଞ୍ଚଲ ମେହେର, ସରପଞ୍ଚ କିରନ ସାହୁ, ଅଜିତ କୁମାର ପଣ୍ଡା , ମଣ୍ଟୁ ମେହେର ପ୍ରମୁଖ ଲୋଇସିଂହ। ନିର୍ବାଚନ ମଣ୍ଡଳୀ  ର ବିଭିନ୍ନ ସ୍ଥାନରୁ ଏକ ହଜାର ରୁ ଉର୍ଦ୍ଧ ବିଜେପି କାର୍ଯ୍ୟକର୍ତା ଉପସ୍ଥିତ ରହି କାର୍ଯ୍ୟକ୍ରମ ରେ ସହଯୋଗ କରିଥିଲେ l