05-Apr-2026

ବୌଦ୍ଧ(ପ୍ରେରଣା ଖବର): ବୌଦ୍ଧ ସଦର ଏ ଏନ ଏମ ଟ୍ରେନିଂ ସେଣ୍ଟର ସଭାଗୃହ ଠାରେ ବିଶ୍ୱ ପ୍ରସିଦ୍ଧ ଆଧ୍ୟାତ୍ମିକ ଗୁରୁ ଶ୍ରୀ ଶ୍ରୀ ରବି ଶଙ୍କର ଜୀଙ୍କ ଆର୍ଟ ଅଫ ଲିଭିଙ୍ଗ ସଂସ୍ଥା, ବ୍ୟକ୍ତି ବିକାଶ କେନ୍ଦ୍ର ବୌଦ୍ଧ ଶାଖା ତରଫରୁ ତିନି ଦିନିଆ ଆନନ୍ଦ ଅନୁଭୂତି ଶିବିର  ଅନୁଷ୍ଠିତ ହୋଇ ଆଜି ମଧ୍ୟାହ୍ନରେ ଉଦଯାପିତ ହୋଇଯାଇଛି l ଆର୍ଟ ଅଫ ଲିଭିଂର ବରିଷ୍ଠ ଶିକ୍ଷକ ତଥା ବୌଦ୍ଧର ପୂର୍ବତନ ଜିଲ୍ଲାପାଳ ସତ୍ୟ ରଞ୍ଜନ  ସାହୁଙ୍କ ମାର୍ଗଦର୍ଶନରେ ବରିଷ୍ଟ ଶିକ୍ଷକ ସତ୍ୟବ୍ରତ ପାଢ଼ୀ ଓ ରାଜଲଷ୍ମୀ ବିଶ୍ୱାଳ ପ୍ରମୁଖ ଯୋଗଦେଇ ବିଶ୍ୱ ଆଦୃତ ସୁଦର୍ଶନ କ୍ରିୟା ଶିକ୍ଷା

ପ୍ରଦାନ କରିଥିଲେ  l  ଶିବିରରେ ଯୋଗ, ପ୍ରାଣାୟମ, ଆସନ ସହିତ ସୁଦର୍ଶନ କ୍ରିୟା ଶିକ୍ଷା ଦ୍ୱାରା ମଣିଷ ଜୀବନରେ ଶାରୀରିକ ସୁସ୍ଥତା ଏବଂ ମାନସିକ ଶାନ୍ତି, ମନରେ ଏକାଗ୍ରତା, ଦୃଢ଼ ଆତ୍ମବିଶ୍ୱାସ, ପାରିବାରିକ ସୁସମ୍ପର୍କରେ ଉନ୍ନତି, ଆଧ୍ୟାତ୍ମିକତାର ବିକାଶ, ଚିନ୍ତାମୁକ୍ତ ଏବଂ ଆନନ୍ଦମୟ ଜୀବନ ବଞ୍ଚିବାର କଳା ଶିଖାଇବା ସହିତ ସାଧାରଣ ମଣିଷ ଜୀବନରେ ଏକ ରୋଗମୁକ୍ତ ଶରୀର ଓ ଚିନ୍ତାମୁକ୍ତ ମନ, ମାନସିକ ଦୁଶ୍ଚିନ୍ତା ଓ ବିଷଦରୁ ମୁକ୍ତି, ମାନସିକ ଉଦବେଗ ଓ ଉତ୍କଣ୍ଠା ରୁ ମୁକ୍ତି, ଅବସାଦ, ଭୟ ଓ ଆଶଙ୍କରୁ ମୁକ୍ତି, ନକରାତ୍ମକ ଚିନ୍ତାରୁ ମୁକ୍ତି ଇତ୍ୟାଦି ଲାଭ ହେବ ବୋଲି କହିଥିଲେ  l ଏହି ଶିବିରରେ 40ରୁ ଉର୍ଦ୍ଧ ବ୍ୟକ୍ତି ଯୋଗ ଦେଇ ଶିକ୍ଷା ଲାଭ କରିଥିଲେ l ଶେଷ ଦିନରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା l ଏଥିରେ ସମସ୍ତ ଅଂଶ ଗ୍ରହଣକରି ନିଜ ନିଜ ର ଅନୁଭୂତି ଉପରେ ବକ୍ତବ୍ୟ ରଖିଥିଲେ l ଉକ୍ତ କାର୍ଯ୍ୟକ୍ରମକୁ ଆର୍ଟ ଅଫ ଲିଭିଙ୍ଗ ବୌଦ୍ଧ ଶାଖାର ସ୍ବେଛାସେବୀ ସୁଜ୍ଞାନ କୁମାର ପାତ୍ର, କୃତ୍ତିବାସ ପଲିଆ, ରିତାକାନ୍ତି ବଲିଆରସିଂ, ସୁନିତା ଦାଶ ପ୍ରମୁଖ ସହଯୋଗ କରିଥିଲେ l