25-Jun-2026

ବରପାଳି (ସୁଦାମ ଦୀପ)
ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତି ଅବସରରେ ବରପାଳି ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ଆନୁକୂଲ୍ୟରେ ସ୍ଥାନୀୟ  ଗଙ୍ଗାଧର କଲ୍ୟାଣ ମଣ୍ଡପ ଠାରେ ସହରାଞ୍ଚଳ ଜନସମ୍ପର୍କ ଓ ନାଗରିକ ସହଭାଗିତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ କାର୍ଯ୍ୟନିର୍ବାହୀ ଅଧିକାରୀ ଭୁବନ କୁମାର ଶତପଥୀ ମୁଖ୍ୟ ଅତିଥି ଭାବେ ଯୋଗଦେଇ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ଓ ଉନ୍ନୟନମୂଳକ କାର୍ଯ୍ୟକ୍ରମ ସମ୍ପର୍କରେ ଉପସ୍ଥିତ ଜନସାଧାରଣଙ୍କୁ ଅବଗତ କରାଇଥିଲେ। ବରଗଡ ସାଂସଦ ପ୍ରତିନିଧି ଶ୍ରୀ ପଦ୍ମଲୋଚନ
ସାହୁ ,ବିଧାୟକ ପ୍ରତିନିଧି ପ୍ରତାପ ସିଂ, ଉପାଧ୍ୟକ୍ଷା ସୁପ୍ରିତା ଜେନା ଙ୍କ ସମେତ ବିଭିନ୍ନ ବିଭାଗର ଅଧିକାରୀ ଓ କର୍ମଚାରୀମାନେ ଉପସ୍ଥିତ ରହି ନାଗରିକମାନଙ୍କୁ ବିଜ୍ଞାପିତ ଅଞ୍ଚଳ ପରିଷଦ ମାଧ୍ୟମରେ ପ୍ରଦାନ କରାଯାଉଥିବା ବିଭିନ୍ନ ସରକାରୀ ସୁବିଧା ଓ ସେବା ସମ୍ପର୍କରେ ସଚେତନ କରାଇଥିଲେ।   ସି ଓ ସ୍ନିକଧାରାଣୀ ବିଶ୍ୱାଳ ସଭା ସଂଚାଳନ କରିଥିବା ବେଳେ  କାର୍ଯ୍ୟକ୍ରମ କୁ ମୁଖ୍ୟ କିରାଣୀ ବିକାଶ ସାହୁ, ଡି ଏମ ଏମ  ନଳିନୀ କାନ୍ତ ଦାସ, ଡି ଇ ଓ ବାବୁଲୁ ବେହେରା, ସର୍ବେଶ୍ୱର ସାହୁ ସହଯୋଗ କରିଥିଲେ। ଏହି ଅବସରରେ ଉପସ୍ଥିତ ହିତାଧିକାରୀ ଓ ସାଧାରଣ ଜନତା ଅଭାସୀ (ଭର୍ଚୁଆଲ୍) ମାଧ୍ୟମରେ ରାଜ୍ୟସ୍ତରୀୟ କାର୍ଯ୍ୟକ୍ରମ ସହ ସଂଯୁକ୍ତ ହୋଇ ସରକାରଙ୍କ ବିଭିନ୍ନ ଜନକଲ୍ୟାଣମୂଳକ ପଦକ୍ଷେପ ସମ୍ପର୍କରେ ସୂଚନା ଗ୍ରହଣ କରିଥିଲେ। କାର୍ଯ୍ୟକ୍ରମରେ ବହୁ ସଂଖ୍ୟକ ନାଗରିକ ଅଂଶଗ୍ରହଣ କରିଥିଲେ।