01-Apr-2026

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକର ବିଭିନ୍ନ ଅନୁଷ୍ଠାନ ତରଫରୁ ଉତ୍କଳ ଦିବସ ପାଳିତ ହୋଇ ଯାଇଛି।ଏହି କ୍ରମରେ ଘଣ୍ଟାପଡ଼ାସ୍ଥିତ ସମଲେଶ୍ଵରୀ ସରକାରୀ ଉଚ୍ଚବିଦ୍ୟାଳୟରେ ପ୍ରଧାନଶିକ୍ଷକ ପିତବାସ ପଣ୍ଡାଙ୍କ ଅଧ୍ୟକ୍ଷତା ରେ ଏକ ସଭାର ଆୟୋଜନ ହୋଇଥିଲା। ଏଥିରେ ଅତିଥି ଭାବେ ହାଇସ୍କୁଲର ପ୍ରତିଷ୍ଠାତା ସଦସ୍ୟ ଉଛେଇ ବାରିକ ଓ ପରିଚାଳନା କମିଟି ସଦସ୍ୟ ପ୍ରଭାତ ସାହୁ ଉପସ୍ଥିତ ରହି ମହାପୁରୁଷମାନଙ୍କୁ ଫୁଲ ଚନ୍ଦନ ଦେଇ ଉତ୍କଳ ଦିବସରେ ମହାପୁରୁଷଙ୍କ ଭୂମିକା ଉପରେ ଆଲୋକପାତ କରିଥିଲେ । ସେହିପରି ସହକାରୀ ଶିକ୍ଷକ ସନ୍ତୋଷ ସାହୁ, ଲିପୁନ ପ୍ରଧାନ, ମୁକେଶ ମଲିକ, ବିଭୂତି ଭୂଷଣ ଦୁର୍ଗ, ରାକେଶ ଭୋଇ, ସୁପ୍ରଭା ଦେହୁରୀ, ମନ୍ଦାକିନୀ ବଗର୍ତ୍ତୀ, ବନମାଳୀ ମଲିକଙ୍କ ସମେତ ଛାତ୍ରଛାତ୍ରୀ ଉପସ୍ଥିତ ରହିଥିଲେ। ସେହିପରି ସ୍ଥାନୀୟ ଏମଇସ୍କୁଲରେ ପ୍ରଧାନ ଶିକ୍ଷକ ମହେନ୍ଦ୍ର ଲୁହାଙ୍କ ତତ୍ତାବଧାନ ରେ, ଅଙ୍ଗନୱ୍ଵାଡି କେନ୍ଦ୍ରରେ  ଉତ୍କଳ ଦିବସ ପାଳିତ ହୋଇ ଯାଇଛି।ସ୍ଥାନୀୟ ଶିଶୁମନ୍ଦିରରେ ମଧ୍ୟ ପ୍ରଧାନ ଗୁରୁଜୀ ଲିଙ୍ଗରାଜ ସେଠଙ୍କ ତତ୍ତ୍ଵାବଧାନରେ ଅନୁଷ୍ଠିତ ସଭାରେ ନୂତନ ପରିଚାଳନା କମିଟି ସଭାପତି ନିଳାଚଳ ଭୋଇ, ସଂପାଦକ ରଞ୍ଜିତ ରଣା ଓ ସମସ୍ତ ସଦସ୍ୟଙ୍କୁ ଭବ୍ୟ ସ୍ଵାଗତ କରି ଦାୟିତ୍ୱ ପ୍ରଦାନ କରିଥିଲେ। ସେହିପରି ଆମ୍ବଗାଁ ଜନତା ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟକ୍ଷ ଶୁକଦେବ ପଣ୍ଡାଙ୍କ ସଭାପତିତ୍ଵରେ ଏକ ସଭାର ଆୟୋଜନ ହୋଇ ମହାମନିଷଙ୍କ ସ୍ତୁତିଚାରଣ କରି ଥିଲେ।