01-Apr-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )ସୋନପୁର କଲେଜର ରସାୟନ ବିଜ୍ଞାନର ଡେମୋନଷ୍ଟ୍ରେଟର ଶ୍ରୀ ରବି ନାରାୟଣ ମିଶ୍ରଙ୍କ କାର୍ଯ୍ୟକାଳ ସମୟରେ ହୋଇଥିବା ଅନିୟମିତତା ପାଇଁ ତାଙ୍କ ବିରୁଦ୍ଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପରାଜ ସାହୁ । ଓଡ଼ିଶା ଶିକ୍ଷା ନିୟମ, ୧୯୭୪ର ନିୟମ-୨୧ ଅନୁଯାୟୀ ରବି ନାରାୟଣ ମିଶ୍ର ଙ୍କୁ ସୁବର୍ଣ୍ଣପୁର ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଏଡିଏମ ତଥା କଲେଜ୍ ପରିଚାଳନା କମିଟି ସଭାପତି ଶ୍ରୀ ରାଜେନ୍ଦ୍ର ମାଝୀ ନିଲମ୍ବିତ କରିଛନ୍ତି । ଶ୍ରୀ ମିଶ୍ରଙ୍କ ଚାକିରୀ ସମୟରେ ବିଭିନ୍ନ ପ୍ରକାର ଅନିୟମିତତାକୁ ଭିତ୍ତିକରି ଏଡିଏମ୍ ଙ୍କ ଚିଠି ନମ୍ବର ୭୩୨ ତାରିଖ ୩୧/୦୩/୨୦୨୬ ରେ ନିଲମ୍ବିତ କରାଯାଇଥିବା ସୂଚନା ମିଳିଛି । ପୁନଶ୍ଚ ଶ୍ରୀ ମିଶ୍ର ଙ୍କୁ ସୋନପୁର ହେଡ୍ କ୍ୱାଟର ନ ଛାଡ଼ିବାକୁ ନିର୍ଦ୍ଦେଶ ଦିଆଯାଇଛି । ସୂଚନା ଯୋଗ୍ୟ ଯେ ଦୀର୍ଘ ବର୍ଷ ହେବ ସୋନପୁର ମହାବିଦ୍ୟାଳୟ ରେ ବିଭିନ୍ନ ଦୁର୍ନୀତି ଓ ଅରାଜକତା ଚାଲି ଆସୁଥିବା ବେଳେ ଶିକ୍ଷାବିତ୍ ଓ ବୁଦ୍ଧିଜୀବୀ ମହଲରେ ନିନ୍ଦା କରାଯାଉଥିଲା । ଜିଲ୍ଲାପାଳ ଙ୍କ ଏହି କଡ଼ା ଆଭିମୁଖ୍ୟ ତଥା ଜିଲ୍ଲା ର ଦୁଇ ଜଣ କର୍ମଚାରୀ ଓ ଅଫିସର ଙ୍କ ନିଲମ୍ବିତ ଘଟଣା ଜିଲ୍ଲା ର ସମସ୍ତ ବିଭାଗର କର୍ମଚାରୀ ଓ ଅଫିସର୍ ଙ୍କ ପାଇଁ ଏହା ଏକ ଚେତାବନୀ ବୋଲି ବୁଦ୍ଧିଜୀବୀ ମତ ରଖିଛନ୍ତି ।