01-Apr-2026

ସାଲେଭଟ।(ବିନୋଦ ଦୀପ): ଆଗଲପୁର ବ୍ଲକ୍ ଅନ୍ତର୍ଗତ ହରଭଙ୍ଗା ଉଚ୍ଚ ପ୍ରାଥମିକ ବିଦ୍ୟାଳୟର ଇକୋ କ୍ଲବ୍ ଆନୁକୁଲ୍ୟରେ ପରିବେଶ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଯାଇଅଛି। ପ୍ରଧାନ ଶିକ୍ଷକ ଦୁର୍ଯୋଧନ ପଶାୟତ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ସାଲେଭଟା ବନ ଅଧିକାରୀ ଚୌଧୁରୀ ଦଳପତି ମୁଖ୍ୟ ଅତିଥି, ପରିବେଶବିତ୍ ଋଷଭ ପଧାନ, ସିମେଲମୁଣ୍ଡା ବିଦ୍ୟାଳୟ ର ପ୍ରଧାନ ଶିକ୍ଷକ

ସୁଶାନ୍ତ ନନ୍ଦ ଓ ବିଦ୍ୟାଳୟ ପରିଚାଳନା ସମିତି ସଭାପତି ବିପିନ ସାହୁ ସମ୍ମାନିତ ଅତିଥି ରୂପେ ଯୋଗଦେଇ ଜଙ୍ଗଲ ସୁରକ୍ଷା ସହ ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା, ପ୍ଲାଷ୍ଟିକ ମୁକ୍ତ ବିଦ୍ୟାଳୟ ଓ ସ୍ୱଚ୍ଛ ପରିବେଶ ଗଠନ ଉପରେ

ଆଲୋକପାତ କରିଥିଲେ। ତତ୍ପରେ ପ୍ଲାକାର୍ଡ, ବ୍ୟାନର ଓ ଡ୍ରମ୍ ବାଜା ସହ ଛାତ୍ରଛାତ୍ରୀଙ୍କ ଦ୍ଵାରା ସଚେତନତା ଶୋଭାଯାତ୍ରା କରାଯାଇଥିଲା । ପୂର୍ବରୁ ଆୟୋଜିତ ବକୃତା ଓ ଚିତ୍ରାଙ୍କନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀଙ୍କୁ ପୁରସ୍କୃତ କରାଯାଇଥିଲା ।କାର୍ଯ୍ୟକ୍ରମକୁ ଶିକ୍ଷକ ଗୋବିନ୍ଦ ସାହୁ ପରିଚାଳନା କରିଥିଲେ। ଶିକ୍ଷକ ଦିଲ୍ଲୀପ ଥନାପତି, ରାଜକିଶୋର ମହାକୁର, ମଣ୍ଟେଶ୍ ସାହୁ, ବନ କର୍ମଚାରୀ ଅଂଶୁମାନ ଦାସ ପ୍ରମୁଖ ସହଯୋଗ କରିଥିଲେ।