30-Jun-2026

(ପ୍ରିୟଦର୍ଶିନୀ ପାତ୍ର)
ପାପଡ଼ାହାଣ୍ଡି, ୩୦ ଜୁନ: ପାପଡ଼ାହାଣ୍ଡି ବ୍ଲକର ସେମଳା କ୍ଲଷ୍ଟର ଅଧୀନ ସରକାରୀ ପ୍ରାଥମିକ ବିଦ୍ୟାଳୟ, ଡୁମୁରିପଦରରେ ସିଆରସିସି ଶ୍ରୀ ବାବୁଲାଲ ସାଗର ବିଦ୍ୟାଳୟ ପରିଦର୍ଶନ କରି ନୂତନ ସ୍କୁଲ ମ୍ୟାନେଜମେଣ୍ଟ କମିଟି (ଏସ୍‌ଏମ୍‌ସି) ଗଠନ, ଶୈକ୍ଷିକ ଉନ୍ନତି ଓ ଏକାଡେମିକ କମିଟି ଗଠନ ସମ୍ପର୍କରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ନଳିନୀ ପ୍ରଭାଙ୍କ ସହ ଆଲୋଚନା କରିଥିଲେ।
ଗଣଶିକ୍ଷା ବିଭାଗର ନିର୍ଦ୍ଦେଶ ଅନୁଯାୟୀ ନୂତନ ଏସ୍‌ଏମ୍‌ସି ଗଠନ ପାଇଁ ବିଦ୍ୟାଳୟ ପକ୍ଷରୁ ଅଭିଭାବକମାନଙ୍କୁ ନୋଟିସ ମାଧ୍ୟମରେ ଅବଗତ କରାଯାଇଛି। ଏହା ସହ ପ୍ରାର୍ଥନା ସଭାରେ ମଧ୍ୟ ସମସ୍ତ ପିତାମାତାଙ୍କୁ ସଭାରେ ଯୋଗଦେବାକୁ ଅନୁରୋଧ କରାଯାଇଛି। ସୋମବାର, ତାରିଖ ୬ ଜୁଲାଇ ୨୦୨୬ରେ ଅଭିଭାବକ ସଭା ଅନୁଷ୍ଠିତ ହେବ।
ବିଭାଗୀୟ ସମୟସୀମା ଅନୁଯାୟୀ ୧୭ ଜୁଲାଇ ସୁଦ୍ଧା ନୂତନ ଏସ୍‌ଏମ୍‌ସି ଗଠନ କରି ଏହାର ତଥ୍ୟ ସିଆରସିସିଙ୍କ ମାଧ୍ୟମରେ ବିଇଓ କାର୍ଯ୍ୟାଳୟକୁ ପ୍ରେରଣ କରାଯିବ। ଗଣଶିକ୍ଷା ବିଭାଗର ନିର୍ଦ୍ଦେଶାବଳୀର ସଠିକ୍ ପାଳନ କରିବା ପ୍ରତ୍ୟେକ ବିଦ୍ୟାଳୟର ଦାୟିତ୍ୱ ବୋଲି ସିଆରସିସି ଶ୍ରୀ ସାଗର ପ୍ରକାଶ କରିଥିଲେ।