19-Mar-2026

(ରଂଜିତ ମହାନ୍ତି )
 ବରୀ ତହସିଲ ଅନ୍ତର୍ଗତ ରତଳାଙ୍ଗ
ପଞ୍ଚାୟତର ପନ୍ଦରମାଣିଆ ନାଳରୁ ବେଧଡ଼କ ବାଲିଉଠାଣ ଯୋଗୁ ଏହି ସେତୁ ପ୍ରତି ବିପଦ ସୃଷ୍ଟି ହୋଇଛି। ଗ୍ରାମ୍ୟ ଉନ୍ନୟନ ବିଭାଗ ତରଫରୁ ନଦୀନାଳ ଘେରା ରତଳାଙ୍ଗ ପଞ୍ଚାୟତର ଲୋକଙ୍କ ପାଇଁ ୨୦୦୬ ମସିହାରେ ସେତୁ ନିର୍ମାଣ କରାଯାଇଥିଲା | ବ୍ରିଜମୂଳରୁ ବାଲି ଉଠାଣ ଯୋଗୁ ପିଲରଗୁଡ଼ିକ ଦୁର୍ବଳ ହେଉଛି। ତେଣୁ ସେତୁର ସ୍ଥାୟିତ୍ବକୁ ନେଇ ଗ୍ରାମବାସୀମାନେ ଚିନ୍ତାପ୍ରକଟ କରିଛନ୍ତି। ଏହି ନାଳରୁ ମାଫିଆମାନେ ବେଆଇନ ବାଲିଉଠାଣ କରୁଥିବା ବେଳେ ତହସିଲ ପ୍ରଶାସନ ନିରବ ରହିଛି। ଏନେଇ ଅତିରିକ୍ତ ତହସିଲଦାର ବିଜୟ କୁମାର ମାରାଣ୍ଡି କହିଛନ୍ତି ଏନଫୋର୍ସମେଣ୍ଟ ଟିମ୍ ନଥିବାରୁ ମାଫିଆ ସକ୍ରିୟ ହୋଇଛନ୍ତି। ମାଫିଆମାନେ ଢିହସାହିଠାରେ ନଦୀବନ୍ଧକୁ କାଟି ବାଟ ତିଆରି କରି ଜଳନିକାସ ବିଭାଗ ତରଫରୁ କାର୍ଯ୍ୟ କରାଯାଉଥିବା ପ୍ରକଳ୍ପକୁ ବାଲି ଯୋଗାଉଥିବା ଅଭିଯୋଗ ହେଉଛି। ଏହି ନଦୀବନ୍ଧଟି ବିଂଝାରପୁର ଜଳସେଚନ ବିଭାଗ ଅଧିନରେ ଯାଉଥିବାରୁ ଏ ସଂକ୍ରାନ୍ତରେ କନିଷ୍ଠ ଯନ୍ତ୍ରୀ ସ୍ବାଧୀନ ସେଠୀଙ୍କୁ ପଚାରିବାରେ ସେ ଏ ସମ୍ପର୍କରେ ତହସିଲଦାର ଓ ଖଣି ଅଧିକାରୀଙ୍କୁ ଲିଖିତ ଭାବେ ଜଣାଇବେ ବୋଲି କହିଛନ୍ତି