19-Mar-2026

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ଥାନା ଓ ଘଣ୍ଟାପଡା ଥାନା ପୁଲିସ ପକ୍ଷରୁ ପୃଥକ ପୃଥକ ସ୍ଥାନରେ ଚଢ଼ାଉ କରି ଉଭୟ ଥାନା ପୁଲିସ ୩୨କେଜି ଗଞ୍ଜେଇ ସହ ଚାରିଟି ବାଇକ ଜବତ କରିଛି  l  ଉଭୟ ଘଟଣାରେ ୭ଜଣ ଗଞ୍ଜେଇ ମାଫିଆଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ପୁଲିସ କହିଛି  l  ସୂଚନାନୁସାରେ କଣ୍ଟାମାଳ ଥାନା ଲୁଇସିଂ - ମାତାକୁପା ରାସ୍ତାରେ କଣ୍ଟାମାଳ ପୁଲିସ ପକ୍ଷରୁ ପେଟ୍ରୋଲିଙ୍ଗ ଚାଲିଥିବା ସମୟରେ ବାଲାନ୍ଦାପଡା ପଟୁ କଣ୍ଟାମାଳ ଦିଗକୁ ଆସୁଥିବା ଏକ ପଲସର ବାଇକ କୁ ଲୁଇସିଂ ଛକରେ ସନ୍ଦେହରେ ପୁଲିସ ଅଟକାଇ ଯାଞ୍ଚ କରିଥିଲା l  ଯାଞ୍ଚ ସମୟରେ ବାଇକରୁ ୮କେଜି ଗଞ୍ଜେଇ ମିଳିଥିଲା  l ଘଟଣାରେ ଦୁଇ ଅଭିଯୁକ୍ତ ପୁଇଁତଲା ଥାନା ର ଚମ୍ପେଶ୍ୱର ବାରିକ ଓ ଗୋଛାପଡା ଥାନା ଅନ୍ତର୍ଗତ ଟିକ୍ରାପଡ଼ା ଗ୍ରାମର ରାଜା ପ୍ରଧାନ ଙ୍କୁ ଗିରଫ କରି କୋର୍ଟ ଚାଲାଣ କରିଥିବା କଣ୍ଟାମାଳ ଥାନାଧିକାରୀ ଆଇଆଇସି ବାସୁଦେବ ଭୋଇ ପ୍ରକାଶ କରିଛନ୍ତି l   ସେହିପରି ଘଣ୍ଟାପଡା ଥାନାରେ ଅନ୍ୟଏକ ଘଟଣାରେ ଗଞ୍ଜେଇ ସହ ତିନୋଟି ବାଇକ ଜବତ କରିଥିବା ବେଳେ ୫ଜଣ ଗଞ୍ଜେଇ ମାଫିଆଙ୍କୁ ଗିରଫ କରି କୋର୍ଟ ଚାଲାଣ କରିଛି ଘଣ୍ଟାପଡା ପୁଲିସ   l  ସୁଚନାନୁସାରେ  ଘଣ୍ଟାପଡା ଥାନାଧିକାରୀ ସୌମ୍ୟରଞ୍ଜନ ପାତ୍ର ଙ୍କ ନେତୃତ୍ୱରେ ଏକ ପୁଲିସ ଟିମ ଘଣ୍ଟାପଡା ବ୍ରିଜ ଛକ ରାସ୍ତାରେ ପେଟ୍ରୋଲିଙ୍ଗ କରୁଥିଲେ l ସେହିସମୟରେ ମାଣ୍ଡିଆଯୋର ପଟୁ  ଆସୁଥିବା ତିନୋଟି ବାଇକ କୁ ଘଣ୍ଟାପଡା ବ୍ରିଜ ଛକରେ ସନ୍ଦେହରେ ପୁଲିସ

ଅଟକାଇ ଯାଞ୍ଚ କରିଥିଲା | ଯାଞ୍ଚ ସମୟରେ ବାଇକ ଗୁଡ଼ିକରୁ ୨୪କେଜି ଗଞ୍ଜେଇ ଜବତ କରିଥିଲା ପୁଲିସ l ଗିରଫ ଅଭିଯୁକ୍ତ ମାନେ ବରଗଡ଼ ଜିଲ୍ଲା କଳାପାଣି ର ଲିଙ୍ଗ ନାଗ, ମୁଚେଲପଦର ଗ୍ରାମର ଠାକୁର କୁମ୍ଭାର,କାଏରମାଣ୍ଡୁ ର ଆରନ ମାହାର ସମେତ ୫ଜଣ ବୋଲି ଘଣ୍ଟାପଡା ପୁଲିସ ସୂଚନା ଦେଇଛି | ଏନେଇ ଘଣ୍ଟାପଡା ଥାନା ପକ୍ଷରୁ ଏକ ମାମଲା ରୁଜ୍ଜୁ କରି ଅଧିକ ତଦନ୍ତ ଜାରି ରଖିଥିବା ଘଣ୍ଟାପଡା ଥାନାଧିକାରୀ ସୌମ୍ୟ ରଞ୍ଜନ ପାତ୍ର ସୂଚନା ଦେଇଛନ୍ତି l