11-Mar-2026

ବାଲାଙ୍ଗୀର(ପ୍ରେରଣା ଖବର): କୌଣସି ଭାଷାର ଶାସ୍ତ୍ରୀୟ ମର୍ଯ୍ୟାଦାର ଅର୍ଥ ଭାଷା ବ୍ୟବହାରକାରୀଙ୍କ ଗୁରୁ ଦାୟିତ୍ୱ ରହିଛି, ଭାଷାର ବ୍ୟାପକ ବ୍ୟବହାର ସାଙ୍ଗକୁ ସମ୍ପୃକ୍ତ ଭାଷାର ସାହିତ୍ୟ ପ୍ରବାହକୁ ବୈଶ୍ୱିକ କରିବା ମଧ୍ୟ ଏକ ପ୍ରମୁଖ ଦାୟିତ୍ୱ ବୋଲି ମତପ୍ରକାଶ ପାଇଛି I ସ୍ଥାନୀୟ ସରକାରୀ ମହିଳା ମହାବିଦ୍ୟାଳୟ ବଲାଙ୍ଗିରର ସ୍ନାତକୋତ୍ତର ଓଡ଼ିଆ ଭାଷା ଓ ସାହିତ୍ୟ ବିଭାଗ ତରଫରୁ ଶାସ୍ତ୍ରୀୟ ଭାଷା ଦିବସ ପାଳିତ ହୋଇଯାଇଛି I  ଏହି ଉତ୍ସବରେ ମୁଖ୍ୟ ଅତିଥି ଭାବରେ  ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝା ଏବଂ ସମ୍ମାନିତ ଅତିଥି ଭାବେ ଡ଼ଃ ସିଦ୍ଧେଶ୍ୱର ପଧାନ ଯୋଗ ଦେଇଥିଲେ I ଅନ୍ୟମାନଙ୍କ ମଧ୍ୟରେ ବିଭାଗୀୟ ମୁଖ୍ୟ ନିରଞ୍ଜନ ସେଟ୍, ରତିକାନ୍ତ ନାଏକ, ଡ଼ଃ ସରୋଜ କୁମାର ଜଗଦଲା, ବିପ୍ଳବ ପଧାନ, ଯୁଗେଶ୍ୱର ପଧାନ ପ୍ରମୁଖ ଉପସ୍ଥିତ ଥିଲେ I  ଏ ପରିପ୍ରେକ୍ଷୀରେ ଓଡ଼ିଆ ଭାଷାର ଐତିହାସିକ ବିକାଶକ୍ରମ ତଥା ଶାସ୍ତ୍ରୀୟ ମାନ୍ୟତା ପାଇବାର ଯଥୋଚିତ ମାନଦଣ୍ଡ ଉପରେ ଆଲୋଚନା ହେବା ସହ ପ୍ରତ୍ୟେକ ଓଡ଼ିଆ ଛାତ୍ରଛାତ୍ରୀ  କିଭଳି ବିଶୁଦ୍ଧ ଭାଷା ବ୍ୟବହାର କରିପାରିବେ ତା ଉପରେ ଗୁରୁତ୍ୱ ପ୍ରକାଶ କରାଯାଇଥିଲା I ଏ କାର୍ଯ୍ୟକ୍ରମଟିକୁ ଡ଼ଃ ସରୋଜ କୁମାର ଜଗଦଲା ସଂଚାଳନ କରିଥିବାବେଳେ  ଶେଷରେ ଯୁଗେଶ୍ୱର ପଧାନ ଧନ୍ୟବାଦ ଅର୍ପଣ କରିଥିଲେ I