11-Mar-2026

ନର୍ଲା (ଚିନ୍ତା ମଣି ନାଏକ )
କଳାହାଣ୍ଡି ଜିଲ୍ଲା ନର୍ଲା ବ୍ଲକ ଡାକ୍ତରଖାନା ପରିସର ରେ ଏକ ବହୁମୁଖୀ ଅତ୍ୟାଧୁନିକ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ନିର୍ମାଣ ପାଇଁ ରାଜ୍ୟ ସରକାର ପାଖାପାଖି ୧୯ କୋଟି ଟଙ୍କା ମଞ୍ଜୁର କରାଯାଇଥିବା ବେଳେ ପ୍ରଶାସନିକ ଉଦାସୀନତା ଯୋଗୁଁ ଦୀର୍ଘ ଏକବର୍ଷ ହେଲା ନିର୍ମାଣ କାର୍ଯ୍ୟ ହୋଇପାରିଲା ନାହିଁ  ଫଳରେ ଏହାର ପ୍ରତିବାଦ ସ୍ୱରୂପ ଆଜି ନର୍ଲା ଅଞ୍ଚଳର ଶହ ଶହ ଜନ ସାଧାରଣ, ଆବାଳ ବୃଦ୍ଧ ବନିତା ବିଭିନ୍ନ ସଂଗଠନ ର ସଦସ୍ୟ ସମୂହ ନର୍ଲା ଡାକ୍ତରଖାନା ସମ୍ମୁଖରେ ଏକତ୍ରିତ ହୋଇ ଦୃଢ଼ ପ୍ରତିବାଦ ଜଣାଇଥିବା ଦେଖିବାକୁ ମିଳିଛି ଏବଂ ଆଜି ସକାଳ ୮ ଘଣ୍ଟା ସମୟରେ ଶତାଧିକ ଜନ ସାଧାରଣ ୬ ନମ୍ୱର୍ ଜାତୀୟ ରାଜପଥ କୁ ଅବରୋଧ କରିଛନ୍ତି ଏବଂ ପ୍ରତିବାଦ ଜାରି ରଖିଥିବା ବେଳେ ସ୍ଥାନୀୟ ତହସିଲଦାର ବିଭୁପ୍ରସାଦ ସିଙ୍ଗ  ଘଟଣା ସ୍ଥଳରେ ପହଞ୍ଚି ବିକ୍ଷୋଭ କାରୀ ଙ୍କୁ ବୁଝାସୁଝା କରିଥିଲେ ଓ ନର୍ଲା ସ୍ୱାଭିମାନ ଏକତା ମଞ୍ଚ ସମିତି ପକ୍ଷରୁ ସ୍ଥାନୀୟ ତହସିଲଦାର ଙ୍କୁ ଏକ ବହୁ ସ୍ୱାକ୍ଷର ସମ୍ବଳିତ ଦାବିପତ୍ର ପ୍ରଦାନ କରିଥିଲେ ଦାବିପତ୍ର ରେ ମୁଖ୍ୟତଃ ସ୍ମାର୍ଟ ମେଡିକାଲ ନିର୍ମାଣ , ରକ୍ତ ଭଣ୍ଡାର , ଶବ ବ୍ୟବଚ୍ଛେଦ ଗୃହ, ଡକ୍ଟର ଅଭାବି ଡାଇଲୋଶିଷ ସେଣ୍ଟର ଭଳି ଅନେକ ଗୁରୁତ୍ୱପୂର୍ଣ୍ଣ ଦାବି ସ୍ଥାନ ପାଇଥିଲା ଏଥିରେ କେବଳ ସ୍ମାର୍ଟ ମେଡିକାଲ ପନ୍ଦର ଦିନ ଭିତରେ କାର୍ଯ୍ୟ  ଆରମ୍ଭ କରାଯାଇପାରେ ବୋଲି ସ୍ଥାନୀୟ ତହସିଲଦାର ଏକ ଲିଖିତ ପ୍ରତିଶ୍ରୁତି ଦେଇଥିଲେ କିନ୍ତୁ ପ୍ରତିବାଦକାରୀ ମାନେ ଘଟଣାସ୍ଥଳରେ ଜିଲ୍ଲାପାଳ ମହୋଦୟ ଆସନ୍ତୁ ଏବଂ ଏହାର ଆସୁ ସମାଧାନ କରନ୍ତୁ ବୋଲି ପ୍ରକାଶ କରିଥିଲେ ଫଳରେ ସକାଳ ୮ ଘଣ୍ଟାରୁ ଅପରାହ୍ନ ତିନି ଘଣ୍ଟା ପର୍ଯ୍ୟନ୍ତ ରାସ୍ତାରୋକ ଓ ପ୍ରତିବାଦ ସଭା ଲାଗିରହିଥିଲା କିନ୍ତୁ SDPO କେସିଙ୍ଗା ସନ୍ଦୀପ ମାଝୀ ଓ ମେଡିକାଲ ଅଧିକାରୀ ଡାକ୍ତର  ଆଶୁତୋଷ ପ୍ରଧାନ ଘଟଣା ସ୍ଥଳ ରେ ସମସ୍ତ ଙ୍କୁ ବୁଝାସୁଝା କରି ଆନ୍ଦୋଳନ ପ୍ରତ୍ୟାହାର କରିବାରେ ସଫଳ ହୋଇଥିବା ଜଣାପଡିଛି,

ଅପର ପକ୍ଷରେ ନର୍ଲା ସ୍ୱାଭିମାନ ଏକତା  ସମିତି ର ନେତୃ ମଣ୍ଡଳୀ ଦୁର୍ଯ୍ୟୋଧନ କୁମାର ଚୁଳମଣୀ ଗୌଡ଼ିଆ ଦିପୁପାତ୍ର  ସନ୍ତୋଷ ପାତ୍ର ଟଙ୍କ ମାଝୀ ଘନଶ୍ୟାମ ମାଝୀ  ବଣ୍ଟି ମହାନନ୍ଦ ସୁରଜିତ ମହାନନ୍ଦ ପ୍ରମୁଖ ଆନ୍ଦୋଳନ ରେ ସହଯୋଗ କରିଥିବା ସମସ୍ତ ନର୍ଲା ଅଞ୍ଚଳର ମହିଳା ଗୋଷ୍ଠୀ ପାଇକ ସମାଜ ଯାଦବ ସମାଜ ଆଦିସ୍କନ୍ଦ ସମାଜ  ବଣିକ ସଙ୍ଘ ଡ୍ରାଇଭର ସଙ୍ଘ ସମସ୍ତ ବୁଦ୍ଧିଜୀବୀ ସାଧାରଣ ଜନତାଙ୍କୁ ଙ୍କୁ କୃତଜ୍ଞତା ଜଣାଇଛନ୍ତି