07-Mar-2026

ବଲାଙ୍ଗିର(ପ୍ରେରଣା ଖବର):  ସରକାରୀ ମହିଳା ମହାବିଦ୍ୟାଳୟ, ବଲାଙ୍ଗିରରେ ସ୍ନାତକୋତ୍ତର  ଇତିହାସ ବିଭାଗ ତରଫରୁ ‘ଯୁଗ ଯୁଗ ଧରି ଓଡ଼ିଶା: ସାମାଜିକ, ସାଂସ୍କୃତିକ ଇତିହାସର ପୁନର୍ନିର୍ମାଣ’ ଶୀର୍ଷକ ଏକ ଦିବସୀୟ  ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି I ଉକ୍ତ ଆଲୋଚନାଚକ୍ରଟି ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିବାବେଳେ ନିଜେ  ସ୍ୱାଗତ ଭାଷଣ ପ୍ରଦାନ କରିଥିଲେ I ଏ କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ପ୍ରଫେସର ଓମପ୍ରକାଶ ସିଂହ, ଇତିହାସ ବିଭାଗ,  ଦିଲ୍ଲୀ ବିଶ୍ୱବିଦ୍ୟାଳୟ, ଦିଲ୍ଲୀ, ସମ୍ମାନିତ ଅତିଥି ଭାବେ ଡ଼ଃ ବିନୟ କୁମାର ଜେନା, ଅବସର ପ୍ରାପ୍ତ ପ୍ରାଧ୍ଯାପକ, ରାଜେନ୍ଦ୍ର ବିଶ୍ୱବିଦ୍ୟାଳୟ,  ବଲାଙ୍ଗିର,  ଆବାହକ ତଥା ବିଭାଗୀୟ ମୁଖ୍ୟ ଡଃ ମିନତୀ ଦେବତା ଅତିଥି ପରିଚୟ ପ୍ରଦାନ କରିଥିଲେ I ଆଲୋଚନାଚକ୍ରର ଉଦ୍ଦେଶ୍ୟ ଉପସ୍ଥାପନ କରିଥିଲେ ଡ଼ଃ ଅର୍ପିତା ବେହେରା I ଏ ଅବସରରେ ଆଇ. କ୍ଯୁ. ଏ. ସି.ସଂଯୋଜକ ବିଭୁତି ଭୂଷଣ ସାହୁ, ଅଧ୍ୟାପକ ଡ଼ଃ ସିଦ୍ଧେଶ୍ୱର ପଧାନ ମଞ୍ଚାସିନ ଥିବାବେଳେ ଶେଷରେ ଧନ୍ୟବାଦ ଅର୍ପଣ କରିଥିଲେ ଅଧ୍ୟାପିକା ଅର୍ପିତା ପରିଚ୍ଛା । ଉଦ୍ଘାଟନ ସତ୍ର ପରେ ଅନୁଷ୍ଠିତ ସମାନ୍ତର ଆଲୋଚନାଚକ୍ରରେ ଡଃ ସୁଦାମ ଦୀପ, ଡଃ ରାଜେଶ ସାହୁ, ଡଃ ପ୍ରକାଶ ଦେବତା, ଡଃ ସଦାନନ୍ଦ ନାୟକ, ଡଃ ଅମରେଶ ସାହୁ, ଡଃ ରାଜେଶ କୁମାର କର୍ଣ୍ଣ ପ୍ରମୁଖ ଉପସ୍ଥିତ ରହି ନିଜ ମତାମତ ପ୍ରଦାନ କରିଥିଲେ । ଅପରାହ୍ନରେ ଅନୁଷ୍ଠିତ ବୈଷୟିକ ଅଧିବେଶନ ତିନିଟି ପ୍ରକୋଷ୍ଠରେ ସମସ୍ତ  ଗବେଷକ ତଥା ବିଷୟ ବିଶେଷଜ୍ଞମାନେ ନିଜ ନିଜ ପ୍ରବନ୍ଧ ପାଠ କରିଥିଲେ । ଅଧ୍ଯାପକ ଭୁବନେଶ୍ବର ଛତ୍ରିଆ, ଅଧ୍ୟାପିକା ପ୍ରତୀକ୍ଷା ପ୍ରତିଶୃତି ପ୍ରମୁଖ ସତ୍ର ସଞ୍ଚାଳନ କରିଥିଲେ । ମୋଟ ପ୍ରବନ୍ଧ ୪୫ଟି ପାଠ କରାଯାଇଥିଲା । ସମାପନ ସତ୍ରରେ ଡଃ ସଦାନନ୍ଦ ନାୟକ, ପ୍ରଧ୍ୟାପକ, ବ୍ରହ୍ମପୁର ବିଶ୍ବବିଦ୍ୟାଳୟ ମୁଖ୍ଯ ବକ୍ତା ଭାବରେ ଯୋଗଦାନ କରି ଓଡିଶାର ସାଂସ୍କୃତିକ ଇତିହାସର ବିଭିନ୍ନ ଦିଗ ଉପରେ ଆଲୋକପାତ ଥିଲେ । ଶେଷ ଅଧ୍ଯାପକ ଦିନେଶ ସିଂହ ଧନ୍ୟବାଦ ଅର୍ପଣ କରିଥିଲେ । ରେଭେନସା ବିଶ୍ବବିଦ୍ୟାଳୟ, ସମ୍ବଲପୁର ବିଶ୍ୱବିଦ୍ୟାଳୟ, ଗଙ୍ଗାଧର ମେହେର ବିଶ୍ବବିଦ୍ୟାଳୟ, ରାଜେନ୍ଦ୍ର ବିଶ୍ୱବିଦ୍ୟାଳୟ, ବିଦ୍ୟାଭୂଷଣ ସଂସ୍କୃତ ମହାବିଦ୍ୟାଳୟ, ବଲାଙ୍ଗିର, ମାଁ ମାଣିକଶ୍ବରୀ ବିଶ୍ବବିଦ୍ୟାଳୟ, ଭବାନିପାଟଣା ପ୍ରମୁଖ ଅନୁଷ୍ଠାନର ଗବେଷକମାନେ ଯୋଗଦେଇ ଥିଲେ । ଅଧ୍ଯାପକ ଅଜିତ କୁମାର ପଣ୍ଡା, ରାକେଶ ମଲ୍ଲିକ, ଦେବଦତ୍ତ ପାଣିଗ୍ରାହୀ, ସିର୍ଦ୍ଧାର୍ଥ ଦାଶ, ସୁଚେତା ଦୋରା ପ୍ରମୁଖ ସହଯୋଗ କରିଥିଲେ । ମଞ୍ଚ ସଞ୍ଚାଳନ ଅଧ୍ଯାପକ ଡଃ ଶିଦ୍ଧେଶ୍ଵର ପଧାନ କରିଥିଲେ। ଏହି ଅବସରରେ ସଙ୍ଗୋଷ୍ଠୀ ସ୍ମରଣିକା ତଥା ନ୍ଯୁଜ ବୁଲୋଟିନ୍ ଉନ୍ମୋଚନ କରାଯାଇଥିଲା ।