06-Mar-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ଜିଲ୍ଲା ଠିକାଦାର ସଂଘ ପକ୍ଷରୁ ଓଡ଼ିଶା ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଙ୍କୁ ସୁବର୍ଣ୍ଣପୁର  ଜିଲ୍ଲାପାଳ ଙ୍କ ଜରିଆରେ  ଏକ ଦାବିପତ୍ର ପ୍ରଦାନ କରା ଯାଇଛି। କାର୍ଯ୍ୟ ବିଭାଗ ଗୋଟିଏ ସର୍କୁଲାର ନଂ ୦୭୭୬୪ ୬୦୦୦୨୨୦୨୫୧୭୩  ତାରିଖ ୦୩.୦୧.୨୦୨୬ କୁ ବାତିଲ କରିବା ଏବଂ ଅନ୍ୟ ୭-ଦଫା ଦାବି ପୂରଣ ପାଇଁ 
 ସୁବର୍ଣ୍ଣପୁର  ଜିଲ୍ଲାର ରାଜ୍ୟ ସରକାରଙ୍କ ବିଭିନ୍ନ ଶ୍ରେଣୀ ଏବଂ ବିଭାଗର ଅନୁମୋଦିତ ଠିକାଦାର ସରକାର ଙ୍କ ସଦୟ ହସ୍ତକ୍ଷେପ ଓ ନିମ୍ନଲିଖିତ ୮-ଦଫା ଦାବିଗୁଡ଼ିକର ଏକ ନ୍ୟାୟସଙ୍ଗତ, ସ୍ଥାୟୀ ସମାଧାନ ପାଇଁ ନିବେଦନ କରିଛନ୍ତି l 
  ପ୍ରକାଶ ଥାଉ କି ଯେ ଏହି ଦାବିଗୁଡ଼ିକ ଅନେକ ବର୍ଷ ଧରି ଉପସ୍ଥାପନା କରା ଯାଇଥିଲେ ସୁଦ୍ଧା କୌଣସି ସ୍ଥାୟୀ ସମାଧାନ  କରାଯାଇ ନାହିଁ। ବରଂ ସମସ୍ୟାଗୁଡ଼ିକର ସମାଧାନ କରିବା ପରିବର୍ତ୍ତେ, ବର୍ତ୍ତମାନର ପରିସ୍ଥିତିରେ ସମସ୍ୟା ଅଧିକ ଜଟିଳ ହୋଇପଡିଛି। ଏହି ବିଷୟରେ ମାନ୍ୟବର ପୂର୍ତ୍ତ ବିଭାଗ ମନ୍ତ୍ରୀ ଶ୍ରୀ ପୃଥିରାଜ ହରିଚନ୍ଦନଙ୍କୁ ଲିଖିତ ଏବଂ ମୌଖିକ ଭାବେ ଅବଗତ କରାଯାଇଥିଲା l କୌଣସି ସୁଫଳ ନ ମିଳିବାରୁ 
 ଫଳ ରେ ବାଧ୍ୟ ହୋଇ, ଆମେ ଆମର ଜୀବିକା ଛାଡି ଆନ୍ଦୋଳନ ପନ୍ଥା ଗ୍ରହଣ କରିଛୁ ବୋଲି ମତ ସଂଘ ପ୍ରକାଶ କରିଛନ୍ତି l ଯଦି ଏହି ସମସ୍ୟାଗୁଡ଼ିକର ସ୍ଥାୟୀ ସମାଧାନ ନହୁଏ, ତେବେ ରାଜ୍ୟର ନିର୍ମାଣ କାର୍ଯ୍ୟ ଗୁରୁତର ଭାବରେ ପ୍ରଭାବିତ ହେବ ବୋଲି କହିଥିଲେ l 
ଏଣୁ ଆମର ୮-ଦଫା ଦାବିଗୁଡ଼ିକ ହେଲା ୧. କାର୍ଯ୍ୟ ବିଭାଗ ସର୍କୁଲାର ନଂ ୦୭୭୬୪୬୦୦୦୨୨୦୨୫୧୭୩ ତାରିଖ ୦୩.୦୧.୨୦୨୬ କୁ ତୁରନ୍ତ ବାତିଲ କରାଯାଉ ଏବଂ ସର୍ବନିମ୍ନ ଟେଣ୍ଡର ମୂଲ୍ୟ S.O.R. ର ୦.୦୦% ତଳେ ଉଦ୍ଧୃତ ନହେବା ପାଇଁ ଆଇନଗତ ବ୍ୟବସ୍ଥା କରାଯାଉ। ୨. କୋଡାଲ ବ୍ୟବସ୍ଥା ଅନୁଯାୟୀ ହାର (S.O.R.) ର ସୂଚୀର ସଂଶୋଧନ ଏବଂ ଚୂଡାନ୍ତକରଣ । ୩. "ଏକ ରାଜ୍ୟ-ଏକ ଆଇନ" (ମାନଂକ ବିଡିଂ ଡକ୍ୟୁମେଣ୍ଟର କାର୍ଯ୍ୟକାରିତା) ନୀତି ଉପରେ ଆଧାରିତ ସମାନ କାର୍ଯ୍ୟଦକ୍ଷତା ମାନଂକ ର କାର୍ଯ୍ୟକାରିତା । ୪. ଅଚଳ ଖଣିଗୁଡ଼ିକୁ ବାଦ ଦେଇ କାର୍ଯ୍ୟକ୍ଷମ ଛୋଟ ଖଣିଗୁଡ଼ିକର ଏକ ତାଲିକା ପ୍ରସ୍ତୁତ କରାଯାଉ ଏବଂ ଟେଣ୍ଡର ଆଇଟମରେ ଖଣିର ନାମ ସ୍ପଷ୍ଟ ଭାବରେ ଉଲ୍ଲେଖ କରାଯାଉ। ୫. ସର୍ଟ ଟେଣ୍ଡର କଲ ନୋଟିସ (F2) ଅଧୀନରେ ସର୍ବାଧିକ ଟେଣ୍ଡର ମୂଲ୍ୟ ୫ ଲକ୍ଷରୁ ୧୦ ଲକ୍ଷକୁ ବୃଦ୍ଧି କରାଯାଉ। ୬. କାର୍ଯ୍ୟ ସମାପ୍ତି ପାଇଁ ସମୟ ବୃଦ୍ଧି ସମୟରେ ପ୍ରତିଦିନ ଜରିମାନା ପ୍ରତ୍ୟାହାର କରାଯାଉ। ୭. ୨୦୧୨ ରୁ ୨୦୧୯ ପର୍ଯ୍ୟନ୍ତ ସମୟ ପାଇଁ ମୂଲ୍ୟ ବୃଦ୍ଧି ଗଣନାର କାର୍ଯ୍ୟକାରିତା , ୮. ଅଯଥା ବିଳମ୍ବ ହେତୁ WAMIS ସିଷ୍ଟମ, ଯାହା ବର୍ତ୍ତମାନ ମୁଖ୍ୟ ଯନ୍ତ୍ରୀଙ୍କ କାର୍ଯ୍ୟାଳୟ, ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା ପରିଚାଳିତ ହେଉଛି, ତାହାକୁ କାର୍ଯ୍ୟ ବିଭାଗର ଇ-ପ୍ରୋକ୍ୟୁରମେଣ୍ଟ ସେଲକୁ ସ୍ଥାନାନ୍ତର କରାଯାଉ।