27-Feb-2026

ଲୋଇସିଂହା, (ପ୍ରେରଣା ଖବର) ବଲାଙ୍ଗୀର ଜିଲ୍ଳା ଲୋଇସିଂହା ବ୍ଳକ୍ କୁଶମେଲ ଠାରେ ମାଁ କୁଶଙ୍ଗେଇ କଳା ପରିଷଦ, କୁଶମେଲ ଆନୁକୂଲ୍ୟରେ ମଙ୍ଗଳବାର ନବମ ବର୍ଷ ଆଞ୍ଚଳିକ ଲୋକ ମହୋତ୍ସବ ଅନୁଷ୍ଠିତ ହୋଇଯାଇଛି l ଅନୁଷ୍ଠାନ ର ସଭାପତି ସଞ୍ଜୟ ସିଂ ଙ୍କ ସଭାପତିତ୍ବରେ ସକାଳ ୯ ଟା ସମୟରେ ପାରମ୍ପାରିକ ଲୋକ ବାଦ୍ୟ ,ଲୋକ ନୃତ୍ୟ ଦଳ ଓ ବାର ଟି ସ୍ୱୟଂ ସହାୟକ ପିଜି ଦଳ ସହିତ ସ୍ଥାନୀୟ କୁସଙ୍ଗେଇ ଦେଵୀ ଙ୍କ ଠାରୁ ଆଜ୍ଞା ମାଳ ନେଇ କାର୍ଯ୍ୟକ୍ରମ ମଞ୍ଚ ପର୍ଯ୍ୟନ୍ତ ଗ୍ରାମରେ ଶୋଭାଯାତ୍ରା କରାଯାଇଥିଲା l ଗାଁ ଗଅଁତିଆ ସାନ୍ତନୁ ସିଂ, ଜିଲ୍ଳା କଳାକାର ସମନ୍ୱୟ ସମିତି ର ସଂଯୋଜକ ପୂର୍ଣ୍ଣଚନ୍ଦ୍ର ବିଶ୍ବାଳ   ଶୋଭାଯାତ୍ରା ରେ ସାମିଲ ହୋଇଥିଲେ l ଜିଲ୍ଳା ତଥା ଜିଲ୍ଲା ବାହାରୁ ଆସିଥିବା ଶତାଧିକ ଲୋକକଳା ଦଳ ମାନଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l ସଂଧ୍ୟାରେ ଉଦଯାପନୀ ସଭାରେ ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଅକ୍ଷୟ ପାଣି ଉଡ୍ଡୁ, ବ୍ଳକ କଳାକାର ସଂଘ ସଭାପତି ସରୋଜ ବିଶ୍ବାଳ, କୁସମେଲ ସରପଞ୍ଚ କସ୍ତୁବ ସାହୁ ପ୍ରମୁଖ ମୁଖ୍ୟ ଅତିଥି ଓ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସଂଧ୍ୟାରେ ରାବଣ ଦରବାର ଅନୁଷ୍ଠିତ ହୋଇଥିଲା l ସମସ୍ତ କାର୍ଯ୍ୟକ୍ରମ କୁ ଅନୁଷ୍ଠାନ ର ସମ୍ପାଦକ ଲମ୍ବୋଦର ସାହୁ ପରିଚାଳନା କରିଥିବା ବେଳେ ସମସ୍ତ କର୍ମକର୍ତ୍ତା ସହଯୋଗ କରିଥିଲେ l