27-Feb-2026

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ଜିଲ୍ଲା ଶିଳ୍ପକେନ୍ଦ୍ର ପ୍ରବନ୍ଧକ ବିଷ୍ଣୁପ୍ରସାଦ ଦାସଙ୍କ ଅବସରକାଳୀନ ସମ୍ବର୍ଦ୍ଧନା ସଭା ସ୍ଥାନୀୟ ଗାର୍ଡେନ ଇନ ହୋଟେଲରେ ବଲାଙ୍ଗିର ଜିଲ୍ଲା ଶିଳ୍ପ ସଂଘ ଓଏସମେ ସଭାପତି ପ୍ରକାଶ ନେପାକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ଜିଲ୍ଲା ଶିଳ୍ପ ସଂଘ ର ସମସ୍ତ ସଭ୍ୟ ତଥା  ଡିଆଇସି ର ବରିଷ୍ଠ ଅଧିକାରୀ  ନିରୋଜ ପାଣିଗ୍ରାହୀଙ୍କ ଉପସ୍ଥିତିରେ ସଂଘ ସଭାପତି ପ୍ରକାଶ ନେପାକ,ଓଏସମେ ପଶ୍ଚିମ ଜୋନ ସଭାପତି ସିଦ୍ଧଶ୍ୱର ମିଶ୍ର, ଉପସଭାପତି ସବ୍ୟସାଚୀ ମାଝୀ, କୋଷlଧକ୍ଷ ଆଲୋକ ମହାନ୍ତି ପ୍ରମୁଖ ଶ୍ରୀ ଦାସ ଙ୍କ  ଅବସର ଗ୍ରହଣ ପରିପ୍ରେକ୍ଷୀରେ ଉପଢୌକନ, ମାନପତ୍ର ତଥା ଉପହାର ଦେଇ ସମ୍ମାନିତ କରିଥିଲେ l ଶ୍ରୀ ଦାସ ଙ୍କ ବଲାଙ୍ଗିର ଜିଲ୍ଲାରେ ୪ବର୍ଷର ଅବସ୍ଥାନ ସମୟରେ ବିଭିନ୍ନ ଶିଳ୍ପ ପ୍ରତିଷ୍ଠାନ ପ୍ରତିଷ୍ଠା, ରୁଗ୍ଣ ଶିଳ୍ପର ପୁନରୁଦ୍ଧାର, ଶିଳ୍ପ ସଂଘର ସହାୟତାରେ ବିଭିନ୍ନ ସଚେତନତା ଶିବିର ତଥା ବଲାଙ୍ଗିର ଜିଲ୍ଲାରେ ଶିଳ୍ପ ର ବିସ୍ତାର ପାଇଁ ଅନବରତ କାର୍ଯ୍ୟରତ ଥିଲେ ବୋଲି ସଂଘର ସଭ୍ୟ ତଥା ଯୁବ ଉଦ୍ୟୋଗୀ ଆଶିଷ ରଥ, ବରିଷ୍ଠ ସଭ୍ୟ କୁଳଭୂଷଣ ପୁରୋହିତ, ପ୍ରସନ୍ନ କୁମାର ଗିରି, ରାଜୁ ପଟେଲ,ପାଟଣାଗଡ ଉଦ୍ୟୋଗୀ     ସରୋଜ ମେହେର, ପ୍ରମୁଖ ମତପ୍ରକାଶ କରିଥିଲେ l ଅବସର ଗ୍ରହଣ ଅବସରରେ ଶ୍ରୀ ଦାସ ଉଦବୋଧନ ଦେଇ ବଲାଙ୍ଗିର ଜିଲ୍ଲାରେ ଶିଳ୍ପ ପ୍ରତିଷ୍ଠା ପାଇଁ ସଚେତନତାର ଅଭାବ, ଶିଳ୍ପ ପ୍ରତିଷ୍ଠାନ ମାନଙ୍କର ଏକତା ତଥା ସରକାରଙ୍କ ଶିଳ୍ପ ପ୍ରତିଷ୍ଠା ଦିଗରେ ବିଭିନ୍ନ ଲୋକାଭିମୁଖୀ ଶିଳ୍ପ ନୀତି ର ଅଜ୍ଞତା, ଇଡ଼କୋ ତଥା ଅନ୍ୟ ପ୍ରଶାସନିକ ଅସହଯୋଗ ଯୋଗୁଁ ଶିଳ୍ପ ପ୍ରତିଷ୍ଠାରେ ବାଧାପ୍ରାପ୍ତ ହେଉଥିବା ମତପ୍ରକାଶ କରିଥିଲେ l ସେ ଚଳିତ ସରକାରଙ୍କ ଶିଳ୍ପ ପ୍ରତିଷ୍ଠାରେ ବିଭିନ୍ନ ନୀତି ଏବଂ ପ୍ରତ୍ସାହୋନର ଫାଇଦା ନେବାକୁ ଯୁବ ବର୍ଗଙ୍କୁ ପରାମର୍ଶ ଦେଇଥିଲେ l ଏହି ସଭାରେ ବଲାଙ୍ଗିରର ଉଦ୍ୟୋଗୀ ପ୍ରମୋଦ ପଧାନ, ଭିକି ଅଗ୍ରୱାଲ, ଭିଲେଶ ଜୈନ ପ୍ରମୁଖ ଯୋଗଦାନ କରିଥିଲେ l କୋଷାଧ୍ୟକ୍ଷ ଆଲୋକ ମହାନ୍ତି ଧନ୍ୟବାଦ ଅର୍ପଣ କରିଥିଲେ l