20-Feb-2026

ସୋନପୁର ଜିଲ୍ଲା ଡୁଙ୍ଗୁରିପାଲି ଥାନା ବୈଦୁପାଲି ଗ୍ରାମର ଯୁବକ ଦୀନବନ୍ଧୁ ବାରିକ ଅଜଣା ଗାଡିରେ ଧକ୍କାରେ ମୃତ।

  ସୂଚନା ମୁତାବକ  ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ସିଲାଟି ଗ୍ରାମରୁ ବାଇକ ଯୋଗେ ବାହାଘର ସାରି ଫେରୁ ଥିବା ବେଳେ ଡୁଙ୍ଗୁରିପାଲି ଥାନା ଗଧାପାଲି ଗ୍ରାମର ଛକରେ ସନ୍ଧ୍ୟା ୭ଟା ସମୟରେ ଏକ ଅଜଣା ଗାଡି ଧକ୍କା ଦେଇଥିଲେ। ବାଇକରୁ ଛିଟିକି ପଡି ରୋଡ ଉପରେ ପଡିଯାଇଥିଲେ। ସାଙ୍ଗେ ସାଙ୍ଗେ ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ବୁଲାନ୍ସରେ ଡୁଙ୍ଗୁରିପାଲି ଡାକ୍ତରଖାନାକୁ ଆଣିଥିଲେ। ହେଲେ ଡାକ୍ତର ତାଙ୍କୁ ମୃତ

ଘୋଷଣା କରିଥିଲେ। ପରିବାର ଲୋକଙ୍କୁ ଖବର ଦେବାରୁ ଡାକ୍ତରଖାନାରେ ତାଙ୍କର ପରିବାର ବଡ଼ଭାଇ, ପତ୍ନୀ, ମା ଓ ତାଙ୍କର ପୁଅ ଆସି ସେଠାରେ ପହଂଚିଥିଲେ। ସେଠାରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା ।ଘଟଣାସ୍ଥଳରେ ଡୁଙ୍ଗୁରିପାଲି ପୋଲିସ ପହଂଚି ଅଧିକ ତଦନ୍ତ ଜାରି ରଖିଛି। ଆସନ୍ତାକାଲି  ଶବ ବ୍ୟବଛେଦ ପାଇଁ ପଠାଯିବ ବୋଲି ପୋଲିସ ସୂତ୍ରରୁ ପ୍ରକଶ। ସେ ଜଣେ ଗରିବ ଶ୍ରେଣୀର ହୋଇ ଥିବାରୁ ସରକାରୀ ସାହାଯ୍ୟ ପାଇଁ ଦାବି ହେଉଛି।