17-Feb-2026

ନୂଆପଡ଼ା (ରାମନାଥ ପଣ୍ଡା )
 ବଣ ପାହାଡ ଘେରା ମାଓ ପ୍ରବଣ ତଥା ସମୁଦ୍ର ପତ୍ତନ ଠାରୁ ତିନି ହଜାର ଫୁଟ ଉଚ୍ଚରେ ଅବସ୍ଥିତ ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ପାଟ  ଦର୍ହାର ଧୋବ ଘାଟ ଠାରେ ବନାଞ୍ଚଳସ୍ତରୀୟ ଜଙ୍ଗଲ ନିଆଁ ସଚେତନତା  ଶିବିର ଅନୁଷ୍ଠିତ ହୋଇଥିଲା । ଖରୀଆର ରେଞ୍ଜର ସୀତା ରାମ ଶବରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ବିଶିଷ୍ଟ ଅତିଥି ଭାବରେ ଖଡିଆଳ ବନଖଣ୍ଡ ଅଧିକାରୀ ଅଜିଜ ଖାନ, ପ୍ରକୃତି ବନ୍ଧୁ, ପରିମଳ ମିତ୍ର ଓ ନୂଆପଡ଼ା ଜିଲ୍ଲାର ପ୍ରଥମ ସ୍ବଚ୍ଛତା ମିତ୍ର  ତଥା ୟାର ଅନୁଷ୍ଠାନ ସଭାପତି ମହେନ୍ଦ୍ର କୁମାର ଯୋଶୀ ମୁଖ୍ୟ ଅତିଥି,ବିଭିନ୍ନ କ୍ଷେତ୍ରରେ ଅଭିଜ୍ଞତା ଅର୍ଜନକାରୀ ବିଜୁ ପଟ୍ଟନାୟକ ସ୍ନାତକ ମହାବିଦ୍ୟାଳୟ କାର୍ଯ୍ୟକ୍ରମ ଅଧିକାରୀ ଡଃ କିଶୋର କୁମାର କର୍ଣ୍ଣ ମୁଖ୍ୟ ବକ୍ତା,ସମ୍ମାନିତ ଅତିଥି ରୂପେ ସମିତି ସଭ୍ୟ ଉପେନ୍ଦ୍ର ଚିନ୍ଦା ଓ ନାଏବ ସରପଂଚ ଘନଶ୍ୟାମ ମାଝୀ ଯୋଗଦାନ କରିଥିଲେ ।  ଏ ଯେ ୱାଇ ଟିମ୍ ଲିଡର ସୌମ୍ୟରଞ୍ଜନ ଯୋଷୀ ମଞ୍ଚ ପରିଚାଳନା କରିଥିଲେ । ସ୍ନାତକ ମହବିଦ୍ୟାଳୟର ଛାତ୍ରୀମାନେ ସ୍ବାଗତ ସଙ୍ଗୀତ ଗାନ କରିଥିଲେ । ସମସ୍ତ ଅତିଥି ଜଙ୍ଗଲରେ ନିଆଁ ନଲଗାଇବା ,ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା, ନିଆଁ ଲାଗିଥିବା ସ୍ଥାନକୁ କଞ୍ଚା ଡାଲପତ୍ର ସାହାଯ୍ୟରେ ଲିଭାଇବା ଉପରେ ସଚେତନ କରିଥିବା ବେଳେ ଡି ଏଫ୍ ଓ ଅଜିଜ ଖାନ ଅତୀତର ଜଙ୍ଗଲ ସମୂହ, ଆମ ପୂର୍ବ ପୁରୁଷଙ୍କ ଠାରୁ ପାଇଥିବା ଜ୍ଞାନ,ଜଙ୍ଗଲ ଆମର ବନ୍ଧୁ, ଉଭୟ ମାନବ ଓ ପ୍ରାଣୀ ପାଇଁ ଜଙ୍ଗଲର ଉପକାରିତା, ଭବିଷ୍ୟତ ପିଢ଼ି ପାଇଁ ଜଙ୍ଗଲର ଆବଶ୍ୟକତା,ପରିବେଶ ପ୍ରତି ବୃକ୍ଷ୍ ଲତାର ଜରୁରୀ, ନିଆଁ ପରିବର୍ତ୍ତେ ଝାଡୁ ମାରି ଶୁଖିଲା ପତ୍ର ସଫା କରିବା ଇତ୍ୟାଦି ଦିଗରେ ସଚେତନ କରିଥିଲେ । ପୁଣି ବନ ବିଭାଗ କର୍ମଚାରୀଙ୍କୁ ଏକାଠି କରି ନିୟମିତ ପେତ୍ରୋଲିଂ କରିବା, ଡ୍ରୋନ କ୍ୟାମେରା ସାହାଯ୍ୟରେ ତଥ୍ୟ ରଖିବା, ଲୋକଙ୍କ ସହିତ ସମ୍ପର୍କ ସ୍ଥାପନ କରି ସାଧାରଣ ଲୋକଙ୍କୁ ସଚେତନ କରିବା ଭଳି ଅନେକ ଗୁରୁମନ୍ତ୍ର ପ୍ରଦାନ କରିବା ଦେଖିବାକୁ ମିଳିଥିଲା ।   କାର୍ଯ୍ଯକ୍ରମରେ  ଭି ଏସ ଏସ ସଭାପତି ଓ ସଦସ୍ୟ,ସ୍ଥାନୀୟ ଭଦ୍ରବ୍ଯକ୍ତି, ମହିଲା,ଛାତ୍ର ଛାତ୍ରୀ, ଗ୍ରାମବାସୀ  ଉପସ୍ଥିତ ରହି ଥିଲେ ।ବୋଡେନ ଫରେଷ୍ଟର ଖଗେଶ୍ବର ମାଝୀ, ପାଟଦରା ଫରେଷ୍ଟର ଘନଶ୍ୟାମ ଶବର, ଫରେଷ୍ଟ ଗାର୍ଡ ତରୁଣ ତେଜୀ,ବିଜୁଲ ରାଉତରାୟ, ଦେବରାଜ ତାଣ୍ଡି, ଦିଗବିଜୟ ମାଝୀ, ରାକେଶ ଦଣ୍ଡସେନା,ନନ୍ଦିନୀ ସୁନାନୀ ଫରେଷ୍ଟ ଗାର୍ଡ ଓ ବିଭାଗୀୟ ଅଧିକାରୀ ଏବଂ କର୍ମଚାରୀ  ପରିଚାଳନାରେ ସହଯୋଗ କରିଥିଲେ।