04-Feb-2021

ମୁମ୍ବାଇ,(ପ୍ରେରଣା ଖବର ବ୍ୟୁରୋ) :ବଢିଲା ଅର୍ଣ୍ଣବ ଗୋସ୍ୱାମୀଙ୍କ ପାଇଁ ଅଡୁଆ । ଇଂରାଜୀ ଟିଭି ଚ୍ୟାନେଲ ‘ରିପବ୍ଲିକ ଟିଭି’ର ଏଡିଟର-ଇନ୍‌-ଚିଫ୍‌ ଅର୍ଣ୍ଣବ ଗୋସ୍ୱାମୀ, ତାଙ୍କ ପତ୍ନୀ ସମ୍ୟାବ୍ରତ ରାୟ ଗୋସ୍ୱାମୀ ଏବଂ ରିପବ୍ଲିକ୍‌ ଟିଭିର ପରିଚାଳନା କମ୍ପାନି ଏଆରଜି ଆଉଟିଲିୟର ମିଡିଆ ପ୍ରାଇଭେଟ ଲିମିଟେଡ୍‌ ବିରୋଧରେ ମାନହାନୀ ମୋକଦ୍ଦମା ଦାୟର ହୋଇଛି । ମୁମ୍ବାଇର ଜୋନ-୯ ଡିସିପି ଅଭିଷେକ ତ୍ରିମୁଖେ ଏକ ଫୌଜଦାରୀ ମାନହାନୀ ମକଦ୍ଦମା ଦାୟର କରିଛନ୍ତି ।

ଡିସିପି କହିଛନ୍ତି ଯେ, ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ଅର୍ଣ୍ଣବ ଓ ଅନ୍ୟମାନେ ତାଙ୍କ ବିରୋଧରେ ଆପତ୍ତିଜନକ ଓ ସମ୍ମାହାନୀ ସୂଚକ ମନ୍ତବ୍ୟ ଦେଇଥିଲେ ।  ଏନେଇ ସେ ମୁମ୍ବାଇର ସେସନ୍ସ କୋର୍ଟରେ ମାମଲା ଦାଖର କରିଛନ୍ତି ।  
ସୁଶାନ୍ତଙ୍କ ମୃତ୍ୟୁ ମାମଲାର ତଦନ୍ତକୁ ନେଇ ଅର୍ଣ୍ଣବ ଏକ ପ୍ୟାନେଲ ଆଲୋଚନା ବେଳେ ଲଗାତାର ଭାବେ ଆପତ୍ତିଜନକ ମନ୍ତବ୍ୟ ଦେଇଥିଲେ । ଯାହା ଡିସିପିଙ୍କ ସମ୍ମାନହାନୀ କରିଥିଲା ।  ଉକ୍ତ ଆବେଦନରେ ସେ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ତାଙ୍କୁ କ୍ଷତିପୂରଣ ପ୍ରଦାନ ଲାଗି ଅନୁରୋଧ କରିଛନ୍ତି ।