08-Feb-2026

ରାୟପୁର: ରାଜ୍ୟସଭା ସାଂସଦ ଶ୍ରୀ ନିରଞ୍ଜନ ବିଶି ଆଜି ରାୟପୁରର ଶ୍ରୀ ବଲବୀର ସିଂହ ଜୁନେଜା ଇଣ୍ଡୋର ଷ୍ଟାଡିୟମ, ବୁଢ଼ା ତାଲାବରେ ଆୟୋଜିତ ୩୭ ତମ ଫେଡେରେଷନ କପ  ଭଲିବଲ ଚାମ୍ପିୟନସିପ ର ଭବ୍ୟ ଫାଇନାଲ ମ୍ୟାଚରେ ଯୋଗଦେଇଥିଲେ। ଏହି ଜାତୀୟସ୍ତରୀୟ ପ୍ରତିଯୋଗିତା ଛତିଶଗଡ଼ ରାଜ୍ୟ ଭଲିବଲ୍ ସଂଘ ଦ୍ୱାରା ଶ୍ରୀ ମହେଶ କୁମାର ଗଗଦାଙ୍କ ନେତୃତ୍ୱରେ ସଫଳତାର ସହ ଆୟୋଜିତ ହୋଇଥିଲା।
ସାଂସଦ ଶ୍ରୀ ବିଶି କହିଥିଲେ ଯେ, ସେ ଏହି ପ୍ରତିଷ୍ଠିତ କ୍ରୀଡ଼ା ଉତ୍ସବରେ ଯୋଗଦେଇ ଗୌରବାନ୍ୱିତ, ବିଶେଷକରି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ବିଷ୍ଣୁଦେଓ ସାଏ ଜୀ, ଛତିଶଗଡ଼ ବିଧାନସଭାର ମାନ୍ୟବର ବାଚସ୍ପତି ତଥା ପୂର୍ବତନ ମୁଖ୍ୟମନ୍ତ୍ରୀ ଡା. ରମଣ ସିଂହ ଜୀ, ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀ ଅରୁଣ ସାଓ ଜୀ, ଉପମୁଖ୍ୟମନ୍ତ୍ରୀ ଶ୍ରୀ ବିଜୟ ଶର୍ମା ଜୀ, ଲୋକସଭା ସାଂସଦ ଶ୍ରୀ ବୃଜ ମୋହନ ଅଗ୍ରୱାଲ ଜୀ, ମାନ୍ୟବର କ୍ରୀଡ଼ାମନ୍ତ୍ରୀ ଓ ଅନ୍ୟାନ୍ୟ ଗଣ୍ୟମାନ୍ୟ ଅତିଥିମାନଙ୍କ ସହ।
ଫାଇନାଲରେ ତାମିଲନାଡୁ ଓ କେରଳ ଦଳ ଅସାଧାରଣ ଖେଳ, ଉଚ୍ଚ ଶୃଙ୍ଖଳା ଓ ଦୃଢ଼ ପ୍ରତିସ୍ପର୍ଦ୍ଧା ମନୋଭାବ ପ୍ରଦର୍ଶନ କରିଥିଲେ। ସାଂସଦ ଶ୍ରୀ ବିଶି ଉଭୟ ଦଳର ଖେଳାଳିମାନଙ୍କୁ ଅଭିନନ୍ଦନ ଜଣାଇଥିଲେ, ପ୍ରୋତ୍ସାହିତ କରିଥିଲେ ଓ ପ୍ରେରଣା ଦେଇଥିଲେ।
ସେ କହିଥିଲେ ଯେ, “ଭଲିବଲ୍ କେବଳ ଖେଳ ନୁହେଁ; ଏହା ଏକତା, ଦଳୀୟ ଭାବନା, ଶୃଙ୍ଖଳା ଓ ରାଷ୍ଟ୍ରନିର୍ମାଣର ପ୍ରତୀକ।”
ସାଂସଦ ଶ୍ରୀ ବିଶି ଛତିଶଗଡ଼ ସରକାରଙ୍କୁ ଉତ୍କୃଷ୍ଟ ସମନ୍ୱୟ, ସହଯୋଗ ଓ ଦୂରଦୃଷ୍ଟିପୂର୍ଣ୍ଣ ପଦକ୍ଷେପ ପାଇଁ ହୃଦୟପୂର୍ଣ୍ଣ କୃତଜ୍ଞତା ଜଣାଇଥିଲେ।
ଶେଷରେ ସାଂସଦ ଶ୍ରୀ ବିଶି ଆୟୋଜକ କମିଟି, ଛତିଶଗଡ଼ ରାଜ୍ୟ ଭଲିବଲ୍ ସଂଘ ଓ ଶ୍ରୀ ମହେଶ କୁମାର ଗlଗଡ଼ା ଙ୍କ ନେତୃତ୍ୱକୁ ଏହି ଭବ୍ୟ ଆୟୋଜନ ସଫଳ କରିଥିବାରୁ ଧନ୍ୟବାଦ ଜଣାଇଥିଲେ।