28-Aug-2026

ନବରଙ୍ଗପୁର:-(ପ୍ରିୟଦର୍ଶିନୀ ପାତ୍ର) ଡାବୁଗାଁ ସଦର ମହକୁମା ସ୍ଥିତ ଦୁର୍ଗା ପୂଜା ମଣ୍ଡପ ନିକଟରେ ଅପରାହ୍ନ 5 ଘଣ୍ଟା ସମୟରେ ଗ୍ରାମର ଭଦ୍ର ବ୍ୟକ୍ତି ଜି ସାଇ ରାଜୁ ଏବଂ ଏମ ଅପା ରାଓ ଙ୍କ ସଭାପତିତ୍ବ ରେ ଡାବୁଗାଁର ଜନସାଧାରଣ ଙ୍କୁ ନେଇ ଦୁର୍ଗା ପୂଜା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହେଲା। ଚଳିତ ଡାବୁଗାଁ ଦୁର୍ଗାପୂଜା ୫୧ ବର୍ଷ ହେବ। ଏହାକୁ ଦୃଷ୍ଟିରେରଖି ଏବର୍ଷ ପୂଜାକୁ ଅଧିକ ଆକର୍ଷଣିୟ କରିବା ପାଇଁ ପୂର୍ବରୁ ପ୍ରସ୍ତୁତି ଆରମ୍ବ କରିଛନ୍ତି ସମସ୍ତ ଗ୍ରାମବାସୀ ଏବଂ କମିଟିର ଭାଇ ମାନେ। ଏହା ସହ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ନେଇ ଆଲୋଚନା ହୋଇଥିଲା । ଦୀର୍ଘ ବର୍ଷରୁ ପାଳିତ ହୋଇ ଆସୁଥିବା ଏହି ପୂଜା ଗ୍ରାମର ସାମାଜିକ ଏକତାକୁ ମଜବୁତ କରିଆସୁଥିବା ବେଳେ ଆଡ଼ମ୍ବର ସହକାରେ ପାଳନ ନେଇ ମତ ପ୍ରକାଶ ପାଇଥିଲା । ଦୁର୍ଗାପୂଜା ପରିଚାଳନା ପାଇଁ ନୂତନ କମିଟି ଗଠନ କରାଯାଇଥିଲା। । ଏହି ବୈଠକ ରେ ନୂତନ ସଭାପତି ଭାବେ ରାଜେଶ ଅଗ୍ରୱାଲ, ଉପ ସଭାପତି ଭାବେ ଜଗନ୍ନାଥ ବିଶୋଇ ଦିବ୍ୟରଞ୍ଜନ୍ ପାତ୍ର , ସମ୍ପାଦକ ଭାବେ ସୁରେନ୍ଦ୍ର ବାରିକ, ସହ ସମ୍ପାଦକ ଭାବେ ଭଗବାନ ପାତ୍ର , ଓ କୋଷାଧ୍ୟକ୍ଷ ଭାବେ ସୁରେଶ ବେହେରା ଙ୍କୁ ଚୟନ କରାଯାଇଥିଲା । ଏଥିରେ  ଆକ୍ଟିଭ ସଭ୍ୟ ଭାବେ ଗୁପ୍ତ ବିଶୋଇ , ପ୍ଲାବନ କୁମାର ଜେନା,ଜେ ରାଜ ଶେଖର ରାଓ , ସୋନ୍ତୋଷ ପାତ୍ର , ଙ୍କୁ ରଖାଯାଇଥିଲା । ଓ ଅନ୍ୟ ମାନଙ୍କୁ ସଭ୍ୟ ଭାବେ ଚୟନ କରାଯାଇଥିଲା । ଏ ବର୍ଷ କିପରି ଶୂରୁଖୁରୁ ରେ ପୂଜା ସମ୍ପନ୍ନ ହେବ ସେ ନେଇ ଆଲୋଚନା କରାଯାଇଥିଲା ।ଶେଷରେ ଶ୍ରୀ ବେହେରା ସମସ୍ତ ଙ୍କୁ ଧନ୍ୟବାଦ ଅର୍ପଣ କରି ସଭା ଭଙ୍ଗ କରିଥିଲେ।