08-Feb-2026

ସୋନପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ବନଖଣ୍ଡ ବିଭାଗ ପକ୍ଷରୁ ଆଜି ଏକ ସାମ୍ବାଦିକ ସମ୍ମିଳନୀ ଅନୁଷ୍ଟିତ ହୋଇ ଯାଇଛି l ଅଗ୍ନି ନିରାପତ୍ତା ପାଇଁ ଆୟୋଜିତ ଏହି ସମ୍ମିଳନୀରେ ଜିଲ୍ଲା ବନ ଖଣ୍ଡ ବିଭାଗ ଅଧିକାରୀ ଶ୍ରୀ ମଦନ ଲାଲ ଶର୍ମା ସାମ୍ୱାଦିକ ଙ୍କୁ ସମ୍ବୋଧନ କରି କହିଥିଲେ ଯେ ଜଙ୍ଗଲ ଅବକ୍ଷୟ ର ମୂଖ୍ୟ କାରଣ ହେଉଛି ଜଙ୍ଗଲ ରେ ନିଆଁ ଲାଗିବା l ମହୁଲ ଫୁଲ ଓ ଶାଳ ମଞ୍ଜି ସଂଗ୍ରହ ବେଳେ ଲୋକେ ଭୂମି ର ପତ୍ର ପୋଡ଼ାଉ ଥିବା କାରଣ, ଜମି ଫସଲ ଉତ୍ପାଦନ ସମୟରେ ନଡ଼ା ରେ ନିଆଁ ଲଗାଇବା ଓ ବନ୍ୟ ଜନ୍ତୁ ଶିକାରୀ ଙ୍କ ଦୌରାତ୍ମ୍ୟ ବା ଉଦ୍ଦେଶ୍ୟ ମୂଳକ ଭାବେ ସେମାନେ ନିଆଁ ଲଗାଉ ଥିବା ଅନୁମାନ କରାଯାଉଛି l ୪୦ ହଜାର ହେକ୍ଟର ଜଙ୍ଗଲ ଜମି ର ନିରାପତ୍ତା ଓ ସୁରକ୍ଷା ପାଇଁ ଜଙ୍ଗଲ ର ନିଆଁ କୁ ଆୟତ୍ତ କରିବା ପାଇଁ ଏସ ଏଚ ଜି, ଭି ଏସ ଏସ ଗୋଷ୍ଠୀ ସମେତ ସମାଜ ର ସମସ୍ତ ବର୍ଗ ର ଲୋକ ଙ୍କ ସହଯୋଗ କାମନା କରିବୁ l ସାଂସ୍କୃତିକ କାର୍ଯ୍ୟକ୍ରମ ପାଲା ମାଧ୍ୟମରେ ସବୁ ଲୋକ ଙ୍କୁ ସଚେତନ କରାଇବୁ ବୋଲି ଶ୍ରୀ ଶର୍ମା ପ୍ରକାଶ କରିଥିଲେ l ନିଆଁ କୁ ଆୟତ୍ତ କରିବାକୁ ୪୦ ଜଣ ଅଗ୍ନିଶମ ସ୍କ୍ୱାର୍ଡ, ଚାରୋଟି ଭାଇକିଲ ଓ ୬୦ ଗୋଟି ଫାୟାର ବ୍ରୋୟର ସହ ଜଙ୍ଗଲ ରେ ପେଟ୍ରୋଲିଂ ବ୍ୟବସ୍ଥାକୁ କଡ଼ା କଡ଼ି କରାଯାଇଥିବା ସୂଚନା ଦେଇଥିଲେ l ଏହା ବ୍ୟତୀତ ସେଟ୍ ଲାଇଟ୍ ଟେକ୍ନୋଲୋଜି ଦ୍ୱାରା ନିରାକରଣ କରା ଯାଇ ପାରିବ ବୋଲି ଶ୍ରୀ ଶର୍ମା କହିଥିଲେ l ଫେବୃଆରୀ ମାସ ରୁ ଜୁନ୍ ମାସ ମଧ୍ୟରେ ଜଙ୍ଗଲ ରେ ନିଆଁ ଲାଗୁଥିବା ବିଷୟ ସୂଚନା ଦେଇ ଏହାର ନିରାକରଣ ପାଇଁ ସମସ୍ତ କେନ୍ଦୁଲିଫ ବିଭାଗ ସହ ମଧ୍ଯ କୋର୍ଡିନେଟ କରା ଯାଇଛି ବୋଲି କହିଥିଲେ l ସାଧାରଣ ଲୋକଙ୍କୁ ସଚେତନ କରିବାକୁ  ଆଜି ଏକ ସଚେତନତା ରଥ ର ଶୁଭାରମ୍ଭ କରା ଯାଇଛି l ଜିଲ୍ଲା ବନଖଣ୍ଡ ବିଭାଗ ଅଧିକାରୀ ଶ୍ରୀ ଶର୍ମା ଏହାକୁ ଶୁଭାରମ୍ଭ କରିଥିବା ବେଳେ ସୋନପୁର ବନାଞ୍ଚଳ ଅଧିକାରି ଶ୍ରୀ ସୁଭାଷ ମହାପାତ୍ର, ଫରେଷ୍ଟର ଭକ୍ତ ବନ୍ଧୁ ମିଶ୍ର ଙ୍କ ସମେତ ଜିଲ୍ଲା ର ବିଭିନ୍ନ ରେଞ୍ଜ ର ଫରେଷ୍ଟର ଏଠାରେ ଉପସ୍ଥିତ ଥିଲେ l  ପେଟ୍ରୋଲିଙ୍ଗ  ଡ୍ୟୁଟି ରେ ନିୟୋଜିତ ଥିବା ସମସ୍ତ କର୍ମଚାରୀ ଙ୍କ ସୁରକ୍ଷା ଓ ଅଂଶୁଘାତ ରୁ ରକ୍ଷା ପାଇବା ପାଇଁ ବିଭାଗ ପକ୍ଷରୁ ପ୍ରଶିକ୍ଷଣ ଦିଆ ଯାଇଥିବା ବିଷୟ ମଧ୍ୟ ଡି ଏଫ୍ ଓ ଶ୍ରୀ ଶର୍ମା ଆଜିର ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି l