27-Jan-2026

ସିନାପାଲି (ଚିନ୍ତାମଣି ନେତାମ) ନୂଆପଡା ଜିଲ୍ଲା ସିନାପାଲି ବ୍ଲକ ଘୁଚାଗୁଡା ଖେଳ ପଡିଆରେ ସାଲେଭଟା –ବାଦୀ ବାହାଲ ସ୍ପୋର୍ଟସ୍ ଏସୋସିଏସନ୍ ଆନୁକୁଳ୍ୟରେ ଆୟୋଜିତ ମାଁ କଣ୍ଟା ଝୁଲିଆଣି କ୍ରିକେଟ ଟୁର୍ଣ୍ଣାମେଣ୍ଟ ୨୦୨୬ ର ଫାଇନାଲ ମ୍ୟାଚ ଭୟଙ୍କର ରୋମାଞ୍ଚକର ହୋଇଥିଲା। ଶେଷରେ ସାଲେଭଟା କ୍ରିକେଟ ଦଳ ଐତିହାସିକ ବିଜୟ ହାସଲ କରି ଚ୍ୟାମ୍ପିୟନ ହୋଇଥିଲା। ୬ ଓଭର ବିଶିଷ୍ଟ ଫାଇନାଲ ମ୍ୟାଚରେ ବାଦୀ ବାହାଲ ଟସ୍ ଜିତି ପ୍ରଥମେ ବେଟିଂ କରିଥିଲା। ବାଦୀ ବାହାଲ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୬  ଓଭରରେ ୧ ଉଇକେଟ୍ ହରାଇ ୫୮ ରନ ସଂଗ୍ରହ କରିଥିଲା ଓ ବିପକ୍ଷକୁ ୬୨  ରନର ଲକ୍ଷ୍ୟ ଦେଇଥିଲା। ଶତାଧିକ ଖେଳପ୍ରେମୀ ଉପସ୍ଥିତ ହୋଇ ଦୁଇ ଦଳର ଖେଳାଳିମାନଙ୍କୁ ଉତ୍ସାହିତ କରିଥିଲେ। ଅମ୍ପାୟାର ଭାବେ  ଅରକ୍ଷିତ ପ୍ରଧାନ, ଭୁବିନ୍ଦ୍ର ନାଏକ,ସ୍କୋରବୋର୍ଡରେ  ପିଣ୍ଟୁ ନାଏକ  ଦାୟିତ୍ୱ ନିଭାଇଥିଲେ। ୭୭ତମ ସାଧାରଣତନ୍ତ୍ର ଦିବସ (୨୬–୦୧–୨୦୨୬) ଦିନ ସାଲେଭଟା ଦଳ ଏହି ବିଜୟ ହାସଲ କରିବାରୁ ଅବସରଟି ଅଧିକ ସ୍ମରଣୀୟ ହୋଇଥିଲା।  କମିଟି ର  ସଭାପତି ଶ୍ରୀଯୁକ୍ତ  ଶୁଶାନ୍ତ ନାଏକ, ଉପସଭାପତି  ଭୋଜୁରାମ ପ୍ରଧାନ, ସମ୍ପାଦକ  ପ୍ରେମ ପ୍ରଧାନ, କୋଷାଧକ୍ଷ ବିକୁ ପ୍ରଧାନ,କୁମନ କଟା, ହିମାଂଶୁ ନାଏକ, ପ୍ରକାଶ ନାଏକ, ରାଜା ନାଏକ, ଶୁଭା ବଣ୍ଟା ନାଏକ, କ୍ରିଷ୍ଣ, ରିଙ୍କୁ ନାଏକ, ବିଜୁ ନାଏକ, ଅଜୟ ନାଏକ, ପ୍ରଭାସ ନାଏକ, ଆଦିତ୍ୟ ପ୍ରଧାନ ପ୍ରମୁଖ  ସହଯୋଗ କରିଥିଲେ  l ଏହି ଟୁର୍ଣ୍ଣାମେଣ୍ଟ କେବଳ ଖେଳ ନୁହେଁ, ବରଂ ଯୁବପିଢିର ପ୍ରତିଭା, କ୍ରୀଡାମନୋଭାବ ଓ ଅଞ୍ଚଳୀୟ ଏକତାର ଉତ୍ସବ ବୋଲି ଅତିଥିମାନେ ମତପ୍ରକାଶ କରିଥିଲେ।