25-Jan-2026

ତୁଷୁରା (ପଞ୍ଚାନନ ନାଏକ)ବଲାଙ୍ଗୀର ଜିଲ୍ଲା ଗୁଡଭେଲା ବ୍ଲକ ଅନ୍ତର୍ଗତ ସମରା ସରକାରୀ ଉଚ୍ଚ  ବିଦ୍ୟାଳୟ ପରିସର ଶନିବାର ଦିନ ମାନସିକତାକୁ ମୋହିତ କରୁଥିବା ଆଲୋକ, ରଙ୍ଗ, ଗୀତ, ନୃତ୍ୟ ଓ ଯୁବ ଉତ୍ସାହରେ ଜୀବନ୍ତ ହୋଇଉଠିଲା । ଉକ୍ତ ବିଦ୍ୟାଳୟର ଆୟୋଜନାରେ ଗରିମାମୟ ଉପସ୍ଥିତି ସହିତ ଅନୁଷ୍ଠିତ ହୋଇଥିଲା ।ବିଦ୍ୟାଳୟର  ପ୍ରଧାନ ଶିକ୍ଷୟତ୍ରୀ  ଶ୍ରୀମତୀ ଜୟନ୍ତୀ ମଞ୍ଜୁରୀ କାଲୋ ଙ୍କ ସଭାପତିତ୍ୱରେ ଆରମ୍ଭ ହୋଇଥିବା ଏହି ଉତ୍ସବକୁ ମୁଖ୍ୟ ଅତିଥି ଭାବରେ ପୂର୍ଵ ତନ ପ୍ରଧାନ ଶିକ୍ଷକ ସମରା ହାଇସ୍କୁଲ ଶ୍ରୀ ରମେଶ ମେହେର ଅଲଙ୍କୃତ କରିଥିଲେ । ସେ ନିଜ ଭାଷଣରେ କହିଥିଲେ —
“ଏପରି ଉତ୍ସବ ଛାତ୍ରଛାତ୍ରୀଙ୍କ ଲୁକ୍କାଇଥିବା ପ୍ରତିଭାକୁ ପୋଷଣ କରି ଭବିଷ୍ୟତ ଆକାଂକ୍ଷାଙ୍କ ଦିଗରେ ତାଙ୍କୁ ଦୃଢ଼ତାର ସହ ଗତି କରାଏ ।” ମୁଖ୍ୟବକ୍ତା   ଭାବେ ପୂର୍ଵତନ ପ୍ରଧାନ ଶିକ୍ଷକ ବୁଢାବାହାଲ ହାଇସ୍କୁଲ  ଶ୍ରୀ ବରୁଣ ସାହୁ ସମ୍ମାନିତ ଅତିଥି ଭାବେ କପସିଲା କ୍ଲଷ୍ଟର ସି ଆର ସି ସି ଶ୍ରୀ ସୁଧାଂଶୁ ପୁଟା,  ଏବଂ ସି ଏମ ସି ସଭାପତି ସୁବିଜ୍ଞ ସାହୁ 
ସାମର୍ଥ୍ୟ ଉପସ୍ଥିତ ଥିଲେ । ଅତିଥିମାନେ ଅବଦାନ ଓ ସଫଳତା ବିଶିଷ୍ଟ ଛାତ୍ରଛାତ୍ରୀଙ୍କୁ ପ୍ରମାଣପତ୍ର ସହ ପୁରସ୍କାର ପ୍ରଦାନ କରି ତାଙ୍କୁ ଉତ୍ସାହିତ କରିଥିଲେ ।
ପ୍ରାରମ୍ଭରେ ଚାଲିଥିବା ଶିଶୁ ଦଳର ସ୍ଫୁରିତ ନୃତ୍ୟ ମଞ୍ଚକୁ ଉଷ୍ମତା ଦେଇଥିଲା । ପରବର୍ତ୍ତୀରେ ବିଦ୍ୟାଳୟ   ଶିକ୍ଷକ ରମେଶ ଚନ୍ଦ୍ର ରଣା ଦ୍ୱାରା ବାର୍ଷିକ କାର୍ଯ୍ୟଯୋଜନା ଓ ଉପଲବ୍ଧି ରିପୋର୍ଟ ପଠନ କରାଯାଇଥିଲା ।
ଓଡିଆ ଭାଷା, ସାହିତ୍ୟ ଓ ସଂସ୍କୃତିକ ଲୋକସଙ୍ଗୀତର ମାଧ୍ୟମରେ ଗାଁ ଘରା ମାଟିର ସୁଗନ୍ଧ ଛଟାଇଥିଲା । ଏଥିରେ ଛାତ୍ରଛାତ୍ରୀଙ୍କ ଦ୍ବାରା  ଗୀତ, ନାଚ ଓ ସମ୍ବଲପୁରୀ ନାଟକ ମଞ୍ଚସ୍ଥ ହୋଇଥିଲା ଯାହା ଦର୍ଶକଙ୍କୁ ଆକୃଷ୍ଟ ଓ ଚିନ୍ତନଶୀଳ କରିଥିଲା ।
ସାଂସ୍କୃତିକ ସଭାକୁ ସଂଜୀବ କୁମ୍ଭାରଙ୍କ ଦ୍ବାରା କୌଶଳପୁର୍ଣ୍ଣ ଭାବେ ସଞ୍ଚାଳିତ ହୋଇଥିଲା ଓ ଶେଷରେ ଧନ୍ୟବାଦ ଜଣାଇଥିଲେ ନିହାରିକା ଗୁରୁ।  ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଓ କର୍ମଚାରୀ ଏହି ଉତ୍ସବକୁ ସଫଳ କରିବାରେ ସକ୍ରିୟ ଭୂମିକା ଗ୍ରହଣ କରିଥିଲେ ।
ଜନସ୍ଥଳୀର ସଂସ୍କୃତି, ସ୍ୱପ୍ନ ଓ ଆଶାର ଫୁଲରେ ସୁସଜ୍ଜିତ ଏହି ବାର୍ଷିକ ଉତ୍ସବ ବର୍ଣ୍ଣାଳୀ ନିଶ୍ଚୟ ଭାବେ ଛାତ୍ରଛାତ୍ରୀଙ୍କ ମନ, ମଞ୍ଚ ଓ ଭବିଷ୍ୟକୁ ରଙ୍ଗିତ କରି ଦୀର୍ଘ ସ୍ମୃତି ରେଖି ଯାଇଛି ।