25-Jan-2026

ବଲାଙ୍ଗୀର■ ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ର କୁଟାସିଂହା ପଂଚାୟତ ଅନ୍ତର୍ଗତ  କଣ୍ଟାପାଲି ଖେଳପଡିଆରେ ମା ଦଶମତୀ କପ କ୍ରିକେଟ ପ୍ରତିଯୋଗିତା ଉଦଘାଟିତ ହୋଇଛି | ଏହି ଅବସରରେ ଜିଲ୍ଲା ଶିଶୁ ସୁରକ୍ଷା ୟୁନିଟ ରେ ଅବସ୍ଥିତ ଥିବା ଅରୁଣା ର ଜିଲ୍ଲା ପରାମର୍ଶଦାତା ପ୍ରମୋଦ ବଗର୍ତ୍ତୀ , ଗୋଲାବାରୁଦ କାରଖାନାର ପରୀକ୍ଷକ ସନାତନ ବେହେରା, ସାଲେଭଟା ର ସମ୍ବାଦ ପ୍ରତିନିଧି ସନ୍ତୋଷ ବିଶି ,ଅଧ୍ୟାପିକା କଲ୍ୟାଣୀ ମିଶ୍ର ଅତିଥିଭାବେ ଯୋଗଦେଇ ପ୍ରତିଯୋଗିତାକୁ ଉଦଘାଟନ କରିଥିଲେ | ବାଲପୁର ଓ କପାଶିରା ଦଳ ମଧ୍ୟ୍ୟରେ ଉଦ୍ଘାଟନୀ ମ୍ୟାଚ ଖେଳା ଯାଇଥିଲା | ଏଥିରେ କପାଶିରା ଦଳ ବିଜୟୀ ହୋଇଥିଲା | ପରମେଶ୍ୱର ସାହୁ ଓ ଦେବେନ୍ଦ୍ର ପଧାନ ଖେଳ ପରିଚାଳନା କରିଥିବାବେଳେ ନୀଳମାଧବ ସାହୁ ଧାରାବିବରଣୀ ଦେଉଥିଲେ| କୈଳାଶ ପଧାନ ଓ ଭକୁଆ ନାଏକ ସ୍କୋରର ଦାୟିତ୍ୱ ତୁଲେଇଥିଲେ | ରାଜୁ ବେହେରା, ନିତ୍ୟାନନ୍ଦ ସାହୁ, ସୁଜିତ ବଗର୍ତ୍ତୀ, ସୌରଭ ବିଶ୍ୱାଳ, ଜିଲୁ ସାହୁ ସହଯୋଗ କରିଥିଲେ | ଏହି କ୍ରିକେଟ ପ୍ରତିଯୋଗିତା ଆସନ୍ତା ୨୯ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ବୋଲି ଦଶମତୀ କ୍ରିକେଟ ଅନୁଷ୍ଠାନ ର ସଭାପତି ଜିକୁ ସାହୁ ଓ ସମ୍ପାଦକ ଅସୀମ ମାଝୀ ସୂଚନା ଦେଇଛନ୍ତି |