08-Jan-2026

ସିନାପାଲି (ଚିନ୍ତାମଣି ନେତାମ):
ନୂଆପଡ଼ା ଜିଲ୍ଲା ବୋଡେନ ବ୍ଲକ ଅନ୍ତର୍ଗତ ଧରଣୀମାଲ ହାଇସ୍କୁଲ ଖେଳ ପଡିଆରେ ଆଜି ଧନେଶ୍ୱର କଟା ମେମୋରିଆଲ ସିଜନ–୧୭ ପକ୍ଷରୁ କ୍ରିକେଟ ଟୁର୍ଣ୍ଣାମେଣ୍ଟର ଉଦ୍‌ଯାପନୀ ମ୍ୟାଚ ଅନୁଷ୍ଠିତ ହୋଇଯାଇଛି। ଏହି ଉଦ୍‌ଯାପନୀ ଦିବସରେ ମୁଖ୍ୟ ଅତିଥି ଭାବରେ ଶ୍ରୀଯୁକ୍ତ ଲମ୍ବୋଦର ନିଆଲ, ମୁଖ୍ୟ ବକ୍ତା ଭାବରେ ପୂର୍ବତନ ଏ.ବି.ଇ.ଓ. ଶ୍ରୀଯୁକ୍ତ ବୋଲଧର ନାଗ ଏବଂ ସମ୍ମାନିତ ଅତିଥି ଭାବରେ ଖରସେଲ ଗ୍ରାମପଞ୍ଚାୟତ ସରପଞ୍ଚ ଶ୍ରୀଯୁକ୍ତ ବୀରେନ୍ଦ୍ର କୁମାର ଖମାରିଙ୍କ ସହ ଫୁଲଚନ୍ଦ ଦଣ୍ଡସେନା, ହେରାମ୍ଭ ପୁଝାରୀ, ଲିଙ୍ଗରାଜ କଟା, ଅଶ୍ୱନୀ ବେହେରା, ପିତାମ୍ବର କଟା, ଚିତ୍ତରଞ୍ଜନ ଭୋଇ, କୁନୁ ଛତ୍ରିଆ, ମାନସ ରଞ୍ଜନ ବେହେରା, ମହେଶ କୁମାର ସାହୁ, ଅମରନାଥ କଟା, ଧନସିଂ ହଂସ, ରୋହିତାଶ୍ୱ ବେମାଲ ଓ ଝାଙ୍କର ଜିତାମିତ୍ର କଟା ଉପସ୍ଥିତ ଥିଲେ।
ଉଦ୍‌ଯାପନୀ ମ୍ୟାଚରେ ନୀଳଜି ଦଳ ଓ ଗୋଡ଼ଧୁଆପଦର ଦଳ ମୁହାଁମୁହିଁ ହୋଇଥିଲେ। ପ୍ରଥମେ ବ୍ୟାଟିଂ କରି ଗୋଡ଼ଧୁଆପଦର ଦଳ ୧୨ ଓଭରରେ ୯ ଉଇକେଟ ହରାଇ ୮୫ ରନ କରିଥିଲା। ଲକ୍ଷ୍ୟ ପଛୁଆ କରି ନୀଳଜି ଦଳ ୧୧ ଓଭରରେ ସମ୍ପୂର୍ଣ୍ଣ ଅଳଆଉଟ ହୋଇ ୮୧ ରନରେ ସୀମିତ ରହିଥିଲା। ଫଳରେ ଗୋଡ଼ଧୁଆପଦର ଦଳ ୪ ରନରେ ବିଜୟୀ ହୋଇଥିଲା।
ମ୍ୟାଚରେ ଏମ୍ପାୟାର ଭାବରେ ମନୋରଞ୍ଜନ ବେହେରା ଓ ମକରଧ୍ୱଜ ଜଗତ ଦାୟିତ୍ୱ ନିର୍ବାହ କରିଥିବାବେଳେ, ଧାରାବିବରଣୀରେ ପ୍ରମୋଦ କୁମାର ବାଗ, ଭାନୁପ୍ରକାଶ ଜଗତ, ବସନ୍ତ କୁମାର ବାଗ, ମଳୟ ତାଣ୍ଡି , ସ୍କୋରର ଭାବରେ ଗୋବର୍ଦ୍ଧନ ତାଣ୍ଡି କାର୍ଯ୍ୟ ତୁଲାଇଥିଲେ ଓ ମୁକୁନ୍ଦ ହଂସ ସହଯୋଗ କରିଥିଲେ।
ଟୁର୍ଣ୍ଣାମେଣ୍ଟ କମିଟିର ସଭାପତି ମକରଧ୍ୱଜ ଜଗତ, ସମ୍ପାଦକ ରାଜେନ୍ଦ୍ର ପ୍ରସାଦ ଜଗତ, କୋଷାଧ୍ୟକ୍ଷ ମହେନ୍ଦ୍ର ଭୋଇ, ମ୍ୟାନେଜର ବାସୁଦେବ ସାହୁ ସହ ଲାଳେଶ୍ୱର, ଲିଲୁ, ଲକ୍ଷ୍ମୀ, ମନୋଜ, କାର୍ତିକ, ବବଲୁ, ପ୍ରିନ୍ସ ଓ ଅନ୍ୟାନ୍ୟ ସଦସ୍ୟମାନେ ସଫଳ ଆୟୋଜନରେ ସହଯୋଗ କରିଥିଲେ।