07-Jan-2026

କୋକସରା(ତ୍ରିନାଥ ବେଶ୍ରା )
​ କଳାହାଣ୍ଡି ଜିଲ୍ଲା କୋକସରା ବ୍ଲକ ଗୁଡ଼ ହାଣ୍ଡି ମଞ୍ଚ ପରିସରରେ ବ୍ଲକସ୍ତରୀୟ କଳାହାଣ୍ଡି ଉତ୍ସବ ଘୁମୁରା-୨୦୨୬ ଅନୁଷ୍ଠିତ ହୋଇଯାଇଛି । ଆମପାଣି ବୁଡ଼ା ରଜା ମନ୍ଦିର ନିକଟରୁ ମଶାଲ ଶୋଭାଯାତ୍ରା ବାହାରି କୋକସରା ଠାରେ ପହଞ୍ଚି ଥିଲା ଓ  ବଡ଼ ଧୁମ ଧାମ ସହ ସ୍ୱାଗତ କରି ଉଦଘାଟନୀ ଗୁଡ଼ ହାଣ୍ଡି ମଞ୍ଚ କୁ ନିଆ ଯାଇଥିଲା l  ଏଠାରେ କୋକସରା ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ହିମାଞ୍ଚଳ ମାଝୀ  ଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ କୋକସରା ବ୍ଲକ ଅଧକ୍ଷ୍ୟା ଶ୍ରୀମତୀ ରିତା ଅଗ୍ରୱାଲ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ବ୍ଲକ ଉପାଧ୍ୟକ୍ଷ ଶ୍ରୀଯୁକ୍ତ ରାଜୀବ କୁମାର ଅଗ୍ରୱାଲ ଜିଲ୍ଲା ପରିଷଦ ସଭ୍ୟ ହେମନ୍ତ ମାଝୀ, ତ୍ରିନାଥ ବାଗ, ଓ  ସମିତି ସଭ୍ୟ ସଭାପତି  ଘନଶ୍ୱାମ ନାୟକ ସରପଞ୍ଚ କିଶୋର ଚନ୍ଦ୍ର ପ୍ରଧାନୀ କୋକସରା ଥାନା ଭାରପ୍ରାପ୍ତ ଅଧିକାରୀ ଓ ତହସିଲଦାର ଚୋଡ଼ଗଙ୍ଗ ପ୍ରଧାନ ପ୍ରମୁଖ ମଞ୍ଚାସିନ ହୋଇଥିଲେ l ବିଭିନ୍ନ ଗ୍ରାମପଞ୍ଚାୟତ  ର ସରପଞ୍ଚ, ସମିତି ସଭ୍ୟ, ସଭ୍ୟା ଓ ଅନେକ ଗ୍ରାମ ରୁ ହଜାର ହଜାର ସଂଖ୍ୟା ରେ ଲୋକ ମାନେ ଯୋଗ ଦାନ କରିଥିଲେ  l କଳାହାଣ୍ଡିର କଳା, ସଂସ୍କୃତି, ଐତିହ୍ୟ, ପରମ୍ପରା, ଲୋକଗୀତ, ଲୋକନୃତ୍ୟ ଓ ପରମ୍ପରା ଉପରେ ଅତିଥି ମାନେ ବକ୍ତବ୍ୟ ରଖିଥିଲେ ।

ପୂର୍ବରୁ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ଓ ଅନେକ ପ୍ରତିଯୋଗୀଙ୍କୁ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା । ଶେଷରେ ଜିଲ୍ଲା ତଥା ଜିଲ୍ଲା ବାହାରୁ ଆସିଥିବା ବିଭିନ୍ନ ସାଂସ୍କୃତିକ ଦଳର କାର୍ଯ୍ୟକ୍ରମ ପରିବେଷିତ ହୋଇଥିଲା । 
ପ୍ରତେକ ଡିପାଟମେଣ୍ଟ ତରଫରୁ ବିଭିନ୍ନ ଷ୍ଟଲ  କରି ଥିବା ବେଲେ ଶିଶୁ ବିକାଶ ଯୋଜନା ତରଫରୁ ଶିଶୁ ର ଓଜନ ପୁଷ୍ଟି କର ଖାଦ୍ୟ ବିଷୟ ରେ ଲୋକ ମାନଙ୍କୁ ସଚେତନ କରାଯାଇ ଥିଲା l   କୋକସରା ଓ ଆମପାଣି ପୋଲିସ ପକ୍ଷ ରୁ  ଶାନ୍ତି ଶୃଙ୍ଖଳା ସହିତ ମଶାଲ ଯାତ୍ରା ଗୁଡ ହାଣ୍ଡି ମଞ୍ଚ ରେ ପହଞ୍ଚି ଥିଲା l