07-Jan-2026

ସୋନପୁର( ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ର ଅଧିଷ୍ଠାତ୍ରୀ ଦେବୀ ମା ସୁରେଶ୍ଵରୀ ଙ୍କ ଠାରେ ପୁଜା ଅର୍ଚ୍ଚନା ଓ ଆବାହନ ପରେ ପରେ ଏକ ମଶାଲ ଶୋଭାଯାତ୍ରା ଆରମ୍ଭ ହୋଇଥିଲା  l ମା ସୁରେଶ୍ଵରୀ ଙ୍କ ମନ୍ଦିର ରୁ ଏକ ମଶାଲ ଶୋଭାଯାତ୍ରା ବାହାରି ପ୍ରଥମେ ରୟାଲ ପଡିଆ ପରେ ସହର ପରିକ୍ରମା କରି ଶ୍ରୀ ରାମେଶ୍ଵର ଷ୍ଟାଡିୟମ ଠାରେ ପହଞ୍ଚି ଥିଲା l ଜିଲ୍ଲାପାଳ ଡ଼ ନୃପ ରାଜ ସାହୁ ଙ୍କ ସମେତ  ଏ ଡି ଏମ୍  ରାଜେନ୍ଦ୍ର ମାଝୀ, ଅଞ୍ଜଳିନା ପଧାନ, ସି ଡି ଇ ଓ, ସଂସ୍କୃତି ଅଧିକାରୀ ଓ ବିଭିନ୍ନ ଅଧିକାରୀ ଏହି ଶୋଭାଯାତ୍ରା ରେ ସାମିଲ ଥିଲେ l   ମଶାଲ ଶୋଭାଯାତ୍ରା ପହଞ୍ଚିବା ପରେ ଷ୍ଟାଡିୟମ ର ଫକୀର ପଟ୍ଟନାୟକ ମୁକ୍ତ ମଞ୍ଚ ସାଂସ୍କୃତିକ ମଞ୍ଚ ରେ ମା ସୁରେଶ୍ଵରୀ ଙ୍କ ପୂଜା ପରେ ଜିଲ୍ଲାପାଳ ଙ୍କ ଦ୍ଵାରା  ମଶାଲ ସ୍ଥାପନା କରା ଯାଇଥିଲା l  ସନ୍ଧ୍ୟା ରେ ସୁବର୍ଣ୍ଣପୁର ଜିଲ୍ଲାର କଳା ସଂସ୍କୃତି ଐତିହ ଓ ବିକାଶ ଧାରା ର ବାର୍ତ୍ତା ଵହ ୩୨ ତମ "ମହିମା" ସୁବର୍ଣ୍ଣପୁର ଲୋକ ମହୋତ୍ସବ ୨୦୨୬ ଓ ରାଜ୍ୟ ସ୍ତରୀୟ ପଲ୍ଲୀଶ୍ରୀ ମେଳା ର ଶୁଭ ଉଦଘାଟନ ହୋଇ ଯାଇଛି l ମୁଖ୍ୟ ଅତିଥି ଭାବରେ ମାନ୍ୟବର ବିଧାୟକ ବୀର ମହାରାଜ ପୁର ଇଂ ଶ୍ରୀ ରଘୁନାଥ ଜଗଦଲା ଯୋଗ ଦେଇ  ଏହି ଉତ୍ସବ କୁ ଉଦ୍ଘାଟନ କରି ପଲ୍ଲୀଶ୍ରୀ ମେଳା ପରିଦର୍ଶନ କରିଥିଲେ l ପରେ ପରେ ଏ ଲୋକ ମହୋତ୍ସବ  ର ସାଂସ୍କୃତିକ କାର୍ଯ୍ୟକ୍ରମ କୁ ମଧ୍ଯ ଉଦ୍ଘାଟନ କରି ନିଜ ଜିଲ୍ଲା ର ସ୍ବାର୍ଥ ହାସଲ ପାଇଁ ମୁଁ ବିଧାନ ସଭା ରେ ପ୍ରତିଯୋଗୀତା ଭଳି ଲଢେଇ କରେ ସେଥି ପାଇଁ ମୁଁ ନିଜ କୁ ସ୍ୱାର୍ଥ ପର ବୋଲି କହେ l ଜ୍ଞାନ କୁ ଉପଯୋଗ କେଲେ ହିଁ କ୍ଷମତା ଶାଳୀ ହୋଇ ପାରିବେ ବୋଲି କହି ଆମ ଜିଲ୍ଲା ର କୃଷି ଶିଳ୍ପ ଓ ପର୍ଯ୍ୟଟନ ର ବିକାଶ ପାଇଁ ଚେଷ୍ଟା ଜାରି ରଖିବି ବୋଲି ଇଂ ଶ୍ରୀ ଜଗଦଲା କହିଥିଲେ l

ସମ୍ମାନିତ  ଅତିଥି ଭାବରେ ଜିଲ୍ଲା ପରିଷଦ ଅଧ୍ୟକ୍ଷା ସୁପାର ଠେଲା, ବି ଜେ ପି ର ଜିଲ୍ଲା ସଭାପତି ବେଣୁ ଧର ଦାଶ ଯୋଗ ଦେଈ ସୁବର୍ଣ୍ଣପୁର ର କଳା ସଂସ୍କୃତି ଅନନ୍ୟ ବୋଲି କହିଥିଲେ l ଭୀମ ଭୋଇ କଳା ପରିଷଦ ର ସଂପାଦକ ସଙ୍ଗୀତ ନିର୍ଦ୍ଦେଶକ ଉମେଶ କୁମ୍ଭାର ଙ୍କ ସମେତ ସାଥୀ କଳାକାର ଙ୍କ ଦ୍ଵାରା ସ୍ଵାଗତ ସଙ୍ଗୀତ  "ଆମେ ତ  ସୁରେଶ୍ଵରୀ ମା ର ଛୁଆ ଗୋ ଆମେ ସୋନପୁରିଆ" ପରିବେଷଣ କରିଥିଲେ l ଆଜି ଉଦ୍ଘାଟନୀ ଦିବସ ରେ ସଙ୍ଗୀତ ମହା ବିଦ୍ୟାଳୟ ସୁବର୍ଣ୍ଣପୁର , କଳାଜିବୀ ବରଗଡ଼, ବିହୁ ନାଚ ଆସାମ ଛଉ ନାଚ ମୟୂରଭଞ୍ଜ , ଟ୍ରେଣ୍ଡି ଏକାଡେମୀ ସୋନପୁର , ଭାଙ୍ଗଡା ପଞ୍ଜାବ, ରଙ୍ଗ ଫରୁଆ ସମ୍ବଲ୍ ପୁର, ସିଙ୍ଗ ନୃତ୍ୟ କନ୍ଧମାଳ , ଦୂଲ୍ ଦୁଲି କଳା ପରିଷଦ ବଲାଙ୍ଗିର , କରମ୍ ସାନି କଳା ପରିଷଦ ପଣ୍ଡକିଟାଲ ଡୁଙ୍ଗୁରିପାଲି, ରୁମକୁ ଝୁମାନା କରମସାନି କଳା ପରିଷଦ ଉଲୁଣ୍ଡା ଟ୍ରୁପ କଳାକାର ଙ୍କ ନାଚ ଗୀତ କୁ ପ୍ରବଳ ଶୀତ ରେ ବିଳମ୍ବିତ ରାତି ଯାଏ ହଜାର ହଜାର ଦର୍ଶକ ଉପଭୋଗ କରିଥିଲେ l ଜିଲ୍ଲାପାଳ ଡ଼ ନୃପ ରାଜ ସାହୁ ଙ୍କ ଅଧ୍ୟକ୍ଷତା ରେ ଆଜିର ସଭା କାର୍ଯ୍ଯ ପରିଚାଳନା କରା ଯାଇଥିବା ବେଳେ ସି ଡି ଇ ଓ ଅଶ୍ଵିନୀ ମେହେର ଧନ୍ୟବାଦ୍ ଅର୍ପଣ କରିଥିଲେ l ମହୋତ୍ସବ ର ସ୍ମରଣିକା "ଶାକ୍ତସ୍ୱର"  ଅତିଥି ମାନଙ୍କ ଉନ୍ମୋଚନ କରା ଯାଇଥିଲା l ଫୁଡ୍ କୋର୍ଟ ଓ ପଲ୍ଲୀଶ୍ରୀ ମେଳା ର ବିଭିନ୍ନ ଷ୍ଟଲ ରେ ଲୋକ ଙ୍କ ଭିଡ ଦେଖିବାକୁ ମିଳିଥିଲା l