22-Dec-2025

କଣ୍ଟାମାଳ(ଜୟକୁମାର ମହାରଣା): କଣ୍ଟାମାଳ ସରସ୍ବତୀ ଶିଶୁ ବିଦ୍ୟା ମନ୍ଦିର ର ୨୫ବର୍ଷ ପୂର୍ତ୍ତି ଅବସରରେ ବିଦ୍ୟାଳୟ ପରିସରରେ ଆୟୋଜିତ ରଜତ ଜୟନ୍ତୀ ସମାରୋହ-୨୫ ରବିବାର ଉଦଯାପିତ ହୋଇଯାଇଛି  l  ଉଦଯାପନୀ ସଂନ୍ଧ୍ୟାରେ ରଜତ ଜୟନ୍ତୀ କମିଟି ସଭାପତି ଭବାନୀ ଶଙ୍କର ରାଉତ ଙ୍କ ଅଧ୍ୟକ୍ଷତାରେ ଆୟୋଜିତ ଉଦଯାପନୀ ସଭାରେ କଣ୍ଟାମାଳା ବିଧାୟକ କହ୍ନାଇ ଚରଣ ଡାଙ୍ଗ ମୁଖ୍ୟଅତିଥି, ଗୋଷ୍ଠି ଶିକ୍ଷା ଅଧିକାରୀ ବିନିକା ଲକ୍ଷ୍ମଣ ମିଶ୍ର ମୁଖ୍ୟବକ୍ତା ଓ ସମ୍ମାନିତ ଅତିଥିଭାବେ କଣ୍ଟାମାଳ ଥାନାଧିକାରୀ ରଞ୍ଜିତ କୁମାର ମୁନି ,

ସଂକୁଳ ପ୍ରମୁଖ ସନ୍ତୋଷ କୁମାର ବିଶି,ରାଷ୍ଟ୍ରୀୟ ସ୍ୱୟଂ ସେବକ ସଂଘ ର ଘନଶ୍ୟାମ ବାଘ ପ୍ରମୁଖ ଯୋଗଦେଇ ଯେଉଁ ଅଂଚଳର ଶିକ୍ଷା ଯେତେ ଉନ୍ନତ ସେ ଅଂଚଳ ସେତେ ବିକଶିତ ବୋଲି କହିଥିଲେ   l ଏହିଅବସରରେ ବିଦ୍ୟାଳୟ ର ଏକ ବୌଦ୍ଧିକ ମଣ୍ଡପ ଓ ମୁକ୍ତି ମଣ୍ଡପ ପାଇଁ ଆବଶ୍ୟକ ଅନୁଦାନ ଯୋଗାଇ ଦେବା ପାଇଁ ବିଧାୟକ ଶ୍ରୀ ଡାଙ୍ଗ ଘୋଷଣା କରିଥିଲେ  l  ପ୍ରଧାନାଚାର୍ଯ୍ୟ ମକଦମ ମହାରଣା ବାର୍ଷିକ ବିବରଣୀ ପାଠ କରିଥିଲେ l     ପୂର୍ବତନ ଗୁରୁଜୀ ଧରଣୀ ସେନ ସାହୁ ସଭାକାର୍ଯ୍ୟ ପରିଚାଳନା କରିଥିଲେ  l  ବିଦ୍ୟାଳୟ ପୂର୍ବତନ ସମ୍ପାଦକ ପ୍ରଫୁଲ୍ଲ ସାହୁ ଙ୍କୁ ପୂର୍ବାହ୍ନ ରେ ରଜତ ଜୟନ୍ତୀ କମିଟି ସଭାପତି ଭବାନୀ ଶଙ୍କର ରାଉତ ଅଧ୍ୟକ୍ଷତାରେ ଅନୁଷ୍ଠିତ ଦ୍ୱିତୀୟ ଦିବସ ସମ୍ବର୍ଦ୍ଧନା ସଭାରେ ବିଶିଷ୍ଟ ଶିଳ୍ପପତି ତଥା ସମାଜସେବୀ ରାମକିଷାନ ଅଗ୍ରୱାଲ ମୁଖ୍ୟଅତିଥି ଓ ଦତ୍ତlନନ୍ଦ ପଣ୍ଡା ମୁଖ୍ୟବକ୍ତା ଓ ସମ୍ମାନିତ ଅତିଥିଭାବେ ନବୀନ କୁମାର ବିଶି, ରମେଶ ପାଣିଗ୍ରାହୀ, ଜିଲ୍ଲା ପ୍ରମୁଖ କାର୍ତ୍ତିକେଶ୍ୱର ବେହେରା ଓ ସଂକୁଳ ପ୍ରମୁଖ କଣ୍ଟାମାଳ ସନ୍ତୋଷ କୁମାର ବିଶି ପ୍ରମୁଖ ଯୋଗଦେଇ ବିଦ୍ୟାଳୟ ପରିଚାଳନା ସମିତି ସଦସ୍ୟ/ସଦସ୍ୟା, ପୂର୍ବତନ ଗୁରୁଜୀ ଗୁରୁମା, ଓ ପୁରାତନ ଛାତ୍ର ଛାତ୍ରୀଙ୍କୁ ସମ୍ବର୍ଦ୍ଧନା ଜ୍ଞାପନ ଓ ମାନପତ୍ର ପ୍ରଦାନ କରାଯାଇଥିଲା l  ପରେ   ହାସ୍ୟ କଥାକାର ବରଗଡ଼ର ଶ୍ରୀ ଦେବେନ୍ଦ୍ର ସାହୁ ଓ ଭଟଲି ର ଶିଶିର ପୁରୋହିତଙ୍କ ହାସ୍ୟ କଥାରେ ସମସ୍ତେ

ମସଗୁଲ ହୋଇଥିଲେ  l  ପୂର୍ବାହ୍ନ ରେ ବିଜ୍ଞନସି ବାରିକଙ୍କ ଦ୍ୱାରା ଭଜନ କାର୍ଯ୍ୟକ୍ରମ ହୋଇଥିଲା  l  ସଂନ୍ଧ୍ୟାରେ ସମ୍ବଲପୁରୀ ନୃତ୍ୟ ମାଏଲା ଜଡ଼, ଓଡିଶୀ, ଆଧୁନିକ, ଦଣ୍ଡ ସମେତ ବିଭିନ୍ନ ରଙ୍ଗlରଙ୍ଗ ସାଂସ୍କୃତିକ ନୃତ୍ୟ ସଂଗୀତକୁ ଶୀତୁଆ ରାତିରେ ବିଳମ୍ବିତ ରାତି ପର୍ଯ୍ୟନ୍ତ ଉପଭୋଗ କରିଥିଲେ ଦର୍ଶକମାନେ  l  ଦୁଇଦିନ ଧରି ଚାଲିଥିବା ରଜତ ଜୟନ୍ତୀ ସମାରୋହ କୁ ବିଦ୍ୟାଳୟ ର ସମସ୍ତ ଗୁରୁଜୀ,ଗୁରୁମା, ରଜତ ଜୟନ୍ତୀ କମିଟି, ଓ ପୂର୍ବତନ ଛାତ୍ରଛାତ୍ରୀ ମାନେ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ   l