20-Dec-2025

ଅତାବିରା, ଅତାବିରା ଏନ୍ ଏ ସି ସ୍ଥିତ  ନବ ନିର୍ମିତ ବିବେକାନ  ନନ୍ଦ କୁଟୀର ରେ ଅତାବିରା ସାରଦା ନାରୀ ସଂଗଠନ ପକ୍ଷରୁ ଏକ ଆଧ୍ୟାତ୍ମିକ ଆଲୋଚନା ଚକ୍ର ହୋଇ ଥିଲା ।ସୁଦୂର କଲିକତା, ଦକ୍ଷିଣେଶ୍ୱର  ସାରଦା ମଠ ର ପୁଜନୀୟା ଦିବ୍ୟ ମାତାଜୀ ପ୍ରଭାର୍ଜିକା ଭିତଭୟାପ୍ରାଣା ଓ  ସଂପା ମଣ୍ଡଳ  ମୁଖ୍ୟ ପ୍ରବକ୍ତା ଭାବରେ ଯୋଗ ଦେଇ ଏହି ଆଲୋଚନା ଚକ୍ର କୁ ଏକ ଦିବ୍ୟ ଅନୁଭୁତିରେ  ରେ ପରିଣତ କରିଥିଲେ  । ସଙ୍ଗଠନ ର ସମ୍ପାଦିକା ଅନୁସୂୟା ଦେବତା  ଙ୍କ ପରିଚାଳନା କ୍ରମେ ଆୟୋଜିତ ଏହି ଆଲୋଚନା ଚକ୍ରରେ  ପୂଜନୀୟା ମାତାଜୀ   ସାମ୍ପ୍ରତିକ ମଣିଷର ବ୍ୟସ୍ତ  ବିବ୍ରତ ଜୀବନରେ  ଆଧ୍ୟାତ୍ମିକ  ଅନୁଶୀଳନ କିପରି ପାଳନ କରିବା  ସେ ବିଷୟରେ ମାର୍ଗଦର୍ଶନ କରି ଥିଲେ ।  ନିଜ ଦୈନଦିନ ଜୀବନରେ  ଧ୍ୟାନକୁ ଜୀବନ ଶୈଳୀର ଅଙ୍ଗରୁପେ ଗ୍ରହଣ କରିବା ସହ   ଜୀବନ ସୁଖ ଶାନ୍ତିମୟ ହୋଇଉଠିବ ।ଅର୍ଥ, ପଦାର୍ଥ ଏବଂ ସାମର୍ଥ୍ୟ ଭଳି ବସ୍ତୁବାଦୀ ମାନସିକତାକୁ ଦୁରେଇ ଦେଇ ନିସ୍ଵାର୍ଥପର ପରୋପକାର ଏବଂ ଈଶ୍ୱରଙ୍କୁ ନିଷ୍କାମ ଭକ୍ତି କଲେ ଚିରନ୍ତନ ଶାନ୍ତି ଏବଂ ଐଶ୍ୱରିକ ଆନନ୍ଦ ପ୍ରାପ୍ତି ହୋଇ ଥାଏ ବୋଲି ଦର୍ଶାଇଥିଲେ ।ବର୍ତ୍ତମାନ ର ବ୍ୟସ୍ତ ବହୁଳ ଜୀବନରେ ଧ୍ୟାନ ବା ମାଲାଜପ  ପାଇଁ ମଣିଷ  ପାଖରେ  ସମୟ  ନାହିଁ,ତେଣୁ ମାନସିକ ଜପ ହିଁ  ସର୍ବୋତ୍କୃଷ୍ଟ ସାଧନା  ଓ ଏହା ଜୀବନକୁ ପରମ ଶାନ୍ତି ଦିଏ  ,  ଜୀବନ ପ୍ରଭାବୀ ବାହ୍ୟ କାରକ ଯଥା ଶାରୀରିକ , ମାନସିକ ଓ ଆର୍ଥିକ ଜନିତ ଦୁଃଖ , ଭୟ , ଯନ୍ତ୍ରଣା କୁ ଅତି ସହଜରେ ପାର କରିବାର ଶକ୍ତି ଓ ସାହସ ପ୍ରଦାନ କରେ  ଓ ମଣିଷକୁ ଆଧ୍ୟାତ୍ମିକ ପଥରେ ଅଗ୍ରସର ହେବା ର ରାସ୍ତା ପ୍ରଶସ୍ତ କରେ ବୋଲି  ଦିବ୍ୟ ବାଣୀ ପ୍ରଦାନ କରିଥିଲେ । ଏହା ବ୍ୟତିତ ଉପସ୍ଥିତ ସମସ୍ତଙ୍କ  ପ୍ରଶ୍ନର ର ଉତ୍ତର ଦେଇ  ସମସ୍ତଙ୍କୁ ଜ୍ଞାନ ଉନ୍ମେଲନ କରିଥିଲେ ।  ଆଜି ଅପରାହ୍ନ  ଗୋଟାଏ ରୁ ୪ ଟା ପର୍ଯ୍ୟନ୍ତ ବ୍ଲକ ଅନ୍ତର୍ଗତ କମଗାଁ କଲେଜ ରେ  ମଧ୍ୟ ଏକ କାର୍ଯ୍ୟକ୍ରମ କରାଯାଇଥିଲା । ଯୁବ ପିଢ଼ି

ମାନଙ୍କ  ମଧ୍ୟରେ ନୈତିକତା  ଆଣିବା ଓ ଯୁବତୀ ମାନଙ୍କ ମଧ୍ୟରେ ଆଦର୍ଶ ନାରୀ ଚରିତ୍ର ର ଭାବଧାରା ର ଜାଗରଣ କରିବା ଏହାର ମୁଖ୍ୟ ଉଦ୍ଦେଶ୍ୟ ରହିଥିଲା ।ଆଜିର ଏହି ଆଲୋଚନାଚକ୍ର ରେ ସଂଗଠନ ର ଉପ ସଭା ନେତ୍ରୀ ଭଗବତୀ ଶତପଥୀ, ବରିଷ୍ଠl ମାର୍ଗଦର୍ଶିକା ବିଜୟା ପ୍ରଧାନ, ସଭ୍ୟା  ଅନିତା ବିଶ୍ଵାଳ ,ବିବେକାନନ୍ଦ ଯୁବ ମହାମଣ୍ଡଳ, ଅତାବିରା  ର  ଅଚ୍ୟୁତ ହୋତା, ବାଳମୁକୁନ୍ଦ ସାହୁ, ଦୁଃଖିଶ୍ୟlମ ପ୍ରଧାନ , ଶ୍ରୀକାନ୍ତ ପଣ୍ଡା, କୈଳାଶ ପ୍ରଧାନ, ଦେବରାଜ ପାଣିଗ୍ରାହୀ, ସୁଶାନ୍ତ ପ୍ରଧାନ, ନାରାୟଣ ମହାରଣା , ସୁମିତ  ସାହୁ  ପ୍ରମୁଖ ଉପସ୍ଥିତ ଥିଲେ ।ଶେଷରେ ଶ୍ରୀମତୀ ଦେବତା କୃତଜ୍ଞତା ଜ୍ଞାପନ କରିଥିଲେ ।