19-Dec-2025

ବଲାଙ୍ଗୀର(ପ୍ରେରଣା ଖବର): ଆଜି ସ୍ଥାନୀୟ ପତିତପାବନ ଏକାଡେମୀ ଠାରେ ସ୍କୁଲର ପ୍ରତିଷ୍ଠାତା ସ୍ଵର୍ଗତ  ଚକ୍ରଧର ପଣ୍ଡାଙ୍କ ୧୧୦ତମ ଜନ୍ମ ଜୟନ୍ତୀ ମହାସମାରୋହରେ ପାଳିତ ହୋଇ ଯାଇଛି l ପ୍ରଥମେ ସ୍କୁଲ ପରିସରରେ ଥିବା ସ୍ଵର୍ଗତ ଚକ୍ରଧର ପଣ୍ଡାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ ସହ ପ୍ରଦୀପ ପ୍ରଜ୍ଜ୍ଵଳନ କରାଯାଇଥିଲା ଏହି  ଅବସରରେ ସ୍ଵର୍ଗତ ପଣ୍ଡା ଙ୍କ ବୋହୂ ଶ୍ରୀମତୀ ପଙ୍କଜିନୀ ପଣ୍ଡାଙ୍କୁ ସ୍ଵାଗତ ସମ୍ବର୍ଦ୍ଧନା ପ୍ରଦାନ କରାଯାଇ ଥିଲା। ବଲାଙ୍ଗୀର ଜିଲ୍ଲାରେ 

ହାଇସ୍କୁଲ ଶିକ୍ଷାର ବିକାଶ ଦିଗରେ ସ୍ଵର୍ଗତ ଚକ୍ରଧର ପଣ୍ଡାଙ୍କ ମହନୀୟ ଅବଦାନ ସମ୍ପର୍କରେ  ଶ୍ରୀମତୀ ପଣ୍ଡା ଆଲୋକପାତ କରିଥିଲେ l ଏସ.ଏମ.ସି  ସଭାପତି ଶ୍ରୀ ମେସୱା ଏବଂ କୁମାରୀ ସୁନୀତା ବିଶ୍ଵାଳ ନିଜ ବକ୍ତବ୍ୟରେ ପ୍ରଣମ୍ୟ ଚକ୍ରଧର ପଣ୍ଡାଙ୍କ ସଂଘର୍ଷମୟ ଜୀବନର ବିଭିନ୍ନ ଦିଗକୁ ସ୍ମୃତିଚାରଣ କରିଥିଲେ l ସ୍କୁଲର ପ୍ରଧାନଶିକ୍ଷକ ଦ୍ୟୁତି ରଞ୍ଜନ ମହାଲିଙ୍ଗଙ୍କ ତତ୍ତ୍ୱାବଧାନରେ ପରିଚାଳିତ ସଭାକୁ ଶିକ୍ଷକ

ଅନୀଲ ସରଭଙ୍ଗ ସଂଯୋଜନା କରିଥିଲେ l  ପରେ ସ୍କୁଲ ଛାତ୍ର ମାନଙ୍କୁ ବିସ୍କୁଟ୍ ବଣ୍ଟନ କରାଯାଇଥିଲା l ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା l ପ୍ରତିଷ୍ଠାତା ସ୍ଵର୍ଗତ ଚକ୍ରଧର ପଣ୍ଡା ଏବଂ ତାଙ୍କ ପରିବାରର ଜୀବନ ବୃତ୍ତାନ୍ତ, ମୂଲ୍ୟବୋଧ ଏବଂ ଅବଦାନକୁ  ନେଇ ଏକ କ୍ଷୁଦ୍ର ପ୍ରାମାଣିକ ଚଳଚ୍ଚିତ୍ର ପ୍ରଦର୍ଶନ କରାଯାଇଥିଲା l ସମାରୋହରେ ସମସ୍ତ ଶିକ୍ଷକ, ଶିକ୍ଷୟିତ୍ରୀ, ସ୍କୁଲ କର୍ମଚାରୀ ଏବଂ ବି.ଇଡି  ଶିକ୍ଷାର୍ଥୀମାନେ  ଉପସ୍ଥିତ ଥିଲେ।
​କାର୍ଯ୍ୟକ୍ରମ ଶେଷରେ ଶିକ୍ଷୟିତ୍ରୀ  ଶ୍ରୀମତୀ ଅଂଶୁପା ଭୋଇ  ଧନ୍ୟବାଦ ଅର୍ପଣ କରିଥିଲେ।