16-Dec-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅଞ୍ଚଳର ବିଭିନ୍ନ ଗ୍ରାମରେ ରହିଥିବା ବିଭିନ୍ନ ସମସ୍ୟାର ସମାଧାନ ନେଇ ଆଜି ବିନିକା ସାମ୍ବାଦିକ ସଂଘ ପକ୍ଷରୁ ଏକ ପ୍ରତିନିଧି ଦଳ ନୂତନ ବିଡ଼ିଓଙ୍କୁ ଭେଟି ଆଲୋଚନା କରିଛନ୍ତି ।ସଂଘ ସଭାପତି ସୃଜନ କୁମାର ପଣ୍ଡାଙ୍କ ନେତୃତ୍ୱରେ ସାମ୍ବାଦିକ ହିମାଂଶୁ ଶେଖର ପୁଟେଲ, ଅଶୋକ କୁମାର ପଣ୍ଡା,ଶାନ୍ତନୁ ପଣ୍ଡା,ଦଧିବାମନ ନାୟକ,ମିଥୁନ ବାରିକ ପ୍ରମୁଖ ବିନିକା ବ୍ଲକ କାର୍ଯ୍ୟାଳୟକୁ ଯାଇ ନୂତନ ବିଡ଼ିଓ ଶରତ କୁମାର ବାଘଙ୍କ ଭେଟି ପ୍ରଥମେ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ ।ପରେ ସାମ୍ବାଦିକ ସୃଜନ ପଣ୍ଡା ପିତେଇପାଲି ସ୍କୁଲରେ ରହିଥିବା ସମସ୍ୟା,ସାମ୍ବାଦିକ ଅଶୋକ ପଣ୍ଡା ଦେଣ୍ଡୁପଦର ଗ୍ରାମରେ ପାନୀୟ ଜଳ ସମସ୍ୟା ଉପରେ ଅବଗତ କରିଥିଲେ।ବିଡ଼ିଓ ଶ୍ରୀ ବାଘ ପିତେଇପାଲି ସ୍କୁଲର ପାନୀୟ ଜଳ ସମସ୍ୟା ସମାଧାନ ହୋଇଛି ଏବଂ ଶୌଚାଳୟ ପରିସ୍କାର ସମସ୍ୟା ଏବଂ ଦେଣ୍ଡୁପଦର ନଳକୂପ କାର୍ଯ୍ୟକ୍ଷମ ସମସ୍ୟା ତୁରନ୍ତ ସମାଧାନ ହେବ ବୋଲି ପ୍ରତିଶ୍ରୁତି ଦେଇଥିଲେ ।ପରେ ଅଞ୍ଚଳର ଆହୁରି ଅନେକ ସମସ୍ୟା ଉପରେ ସାମ୍ବାଦିକ ମାନେ ଅବଗତ କରି ତାର ସମାଧାନ ଦିଗରେ ପଦକ୍ଷେପ ନେବାକୁ ବିଡ଼ିଓଙ୍କୁ ଅନୁରୋଧ କରିଥିଲେ ।ସେହିପରି ବିଶିଷ୍ଟ କଳାକାର ଶାଶ୍ଵତ କୁମାର ତ୍ରିପାଠୀ ଅଞ୍ଚଳର କଳା,ସଂସ୍କୃତି ଉପରେ ଆଲୋକପାତ କରିବା ସହିତ ଏ ଦିଗରେ ସରକାରଙ୍କ ପକ୍ଷରୁ ଅନୁଦାନ ଆସିଛି ତା ଉପରେ ଯାଞ୍ଚ କରିବାକୁ ବିଡ଼ିଓଙ୍କୁ ଅନୁରୋଧ କରିଥିଲେ।