11-Dec-2025

ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ଅତାବିରା ଏନ୍ ଏ ସି ରେ   ସ୍ୱଚ୍ଛ ପରିବେଶ,ସୁସ୍ଥ ପରିବେଶ ର ପରିକଳ୍ପନା ଆଜି  ଦୂରେଇ ଦୂରେଇ ଯାଇଛି ।   ରାସ୍ତା କଡ ହେଉ କି  ନାଲ  ନର୍ଦ୍ଦମା  ,ଯେଉଁଠି ଦେଖିବ  ମଇଳା ଆବର୍ଜନା ରେ ପରିପୂର୍ଣ୍ଣ ।  ଜାତୀୟ ରାସ୍ତା କଡ ମାନଙ୍କରେ ଗଦା ଗଦା ମଇଳା ଆବର୍ଜନା  ଯୋଗୁ ତାର ଦୁର୍ଗନ୍ଧ ବାୟୁ ରେ ମିଶି ବାୟୁ ପ୍ରଦୂଷଣ  କରୁଛି ।ରାସ୍ତାକଡ଼ରେ ଜମାହୋଇ ରହୁଥିବା ପ୍ଲାଷ୍ଟିକ ଜରି,ବୋତଲ ଆଦି ସହିତ ଯାବତୀୟ ବର୍ଜ୍ୟବସ୍ତୁ ଏବେ ଅଞ୍ଚଳର ପରିବେଶକୁ ପଦୂଷିତ କରିଥିବା ବେଳେ ବିଭିନ୍ନ ଜଳାଶୟ ଗୁଡ଼ିକ  ମଧ୍ୟ ପ୍ରଦୂଷଣ  ରୁ ବର୍ତ୍ତି ନାହିଁ ।ଅତାବିରା  ୱାର୍ଡ ନଂ ୪ ସ୍ଥିତ  ଦମଦମା ପୋଲ    ଦେଇ ବହି ଯାଇଥିବା ନଲିଆ  ରେ 

ଜମିରହିଛି ଅନେକ ମଇଳା ଆବର୍ଜନା ସାଙ୍ଗ କୁ  ସ୍ୱଚ୍ଛ  ପରିବେଶ  ର ମୁଖ୍ୟ ପ୍ରତିବନ୍ଧକ ରୂପେ ବିବେଚିତ ପ୍ଲାଷ୍ଟିକ ଥଳି  ।  ଏହି ଠାରେ ରହିଛି ପୁଣି ମହିଳା ମାନଙ୍କର ଗାଧୁଆ ତୁଠ ।ଅତାବିରା ର  ଶହ ଶହ ମହିଳା ସକାଳ ପହିଲେ ଏଠି  ଗାଧୋଇ ଥାନ୍ତି । ଏହି ନାଳା ରେ ଜମି ରହିଥିବା ପଲିଥିନ ରେ ଭର୍ତ୍ତି ହୋଇ ରହିଥିବା ମଇଳା   ପଲିଥିନ ଭିତରେ ପଚି ସଢ଼ି ରୋଗ ସୃଷ୍ଟିକାରୀ ଅନୂଜିବ ଗୁଡ଼ିକର ବୃଦ୍ଧି କରିବାରେ ବେଶ୍ ସହାୟକ ହେଉଛି ।ଏହି ନାଳ ର ଗୋଟିଏ ପଟେ ଲୋକେ ଗାଧୋଉ ଥିବା ବେଳେ ଅନ୍ୟ  ପଟ ରେ ଆବର୍ଜନା ପରିପୂର୍ଣ୍ଣ ।ପୁଣି ଏହି ନଳିଆ ରେ ମିଶୁଛି   ସହର ର ଡ୍ରେନ ପାଣି ।ଯାହାର ଦୁର୍ଗନ୍ଧ ମଧ୍ୟ   ଢାଙ୍କୁଣି ନ ଥିବା  ଖୋଲା   ନାଲ ରାସ୍ତା ଦେଇ ସହଜରେ ଲୋକଙ୍କ ପାଖରେ ପହଞ୍ଚି ପାରୁଛି ।  ଦୀର୍ଘ ଦିନ

ଧରି  ଏହି  ନଳିଆ ଭିତରେ ଆବର୍ଜନା ଜମି ରହିଥିଲେ ମଧ୍ୟ ଏନ୍ ଏ ସି କର୍ତ୍ତୃପକ୍ଷ ଏଥିପ୍ରତି କୌଣସି ଦୃଷି ଦେଇ ନାହାନ୍ତି ।ଯାହାକୁ ନେଇ ଏହି ରାସ୍ତା ଦେଇ ଯାତାୟାତ କରୁଥିବା ଲୋକେ  ପରିବେଶ ପ୍ରତି ଏନ୍ ଏ ସି ର କାର୍ଯ୍ୟକଳାପ  ଉପରେ ଅସନ୍ତୋଷ ପ୍ରକଟ କରିଛନ୍ତି ।ସହର ର   ଆଧୁନୀକରଣ କୁ ନେଇ ନିର୍ମାଣ ଚିନ୍ତା  କରାଯାଉଥିବା ବେଳେ ଏହାର ପରିବେଶ  ର ଚିତ୍ର ସ୍ଵଚ୍ଛତାର ବହୁ ଦୂରରେ । ତେଣୁ ଏଥିପ୍ରତି ତୁରନ୍ତ ଦୃଷ୍ଟି ଦେବା ପାଇଁ ସାଧାରଣ ରେ  ଦାବି ହେଉଛି ।